Սլավա Սարգսյան (մարզական մեկնաբան)

Անվան այլ կիրառումների համար տե՛ս՝ Սլավա Սարգսյան (այլ կիրառումներ)

Սլավա Գևորգի Սարգսյան
Ծնվել է	հունվարի 1, 1948(1948-01-01) (76 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Կրթություն	Ֆիզիկական կուլտուրայի հայկական պետական ինստիտուտ (1986)
Մասնագիտություն	լրագրող
Աշխատավայր	Հայաստանի Հանրային Հեռուստաընկերություն
Պարգևներ և մրցանակներ	և Հայաստանի ֆիզիկական կուլտուրայի և սպորտի վաստակավոր գործիչ
Անդամություն	ԽՍՀՄ ժուռնալիստների միություն և Հայաստանի ժուռնալիստների միություն

Սլավա Գևորգի Սարգսյան (հունվարի 1, 1948(1948-01-01), Թբիլիսի, Վրացական ԽՍՀ, ԽՍՀՄ), հայ սպորտային մեկնաբան։ Հայաստանի Հանրապետության ֆիզիկական կուլտուրայի և սպորտի վաստակավոր գործիչ (2021)։

Կենսագրություն

Սլավա Սարգսյանը ծնվել է 1948 թվականին Թբիլիսիում։ Սովորել է Թբիլիսիի թիվ 79 միջնակարգ դպրոցում։ 1972 թվականից մեկնաբանել է «Արարատ» ֆուտբոլային ակումբի խաղերը։ 1975 թվականին տեղափոխվել է Երևան։ 1986 թվականին ավարտել է Երևանի ֆիզիկական կուլտուրայի պետական ինստիտուտը` ֆուտբոլի մարզիչի մասնագիտությամբ։ 1975-1986 թվականներին եղել է Հայաստանի ֆուտբոլի հանրապետական դպրոցի մարզիչ, 1986-1992 թվականներին` Սպորտկոմիտեի ֆուտբոլի բաժնի պետի տեղակալ, 1992-1995 թվականներին` Հայաստանի ֆուտբոլի ֆեդերացիայի առաջին փոխնախագահ։ 1995 թվականից աշխատում է Հայաստանի հանրային հեռուստաընկերությունում` որպես մարզական հաղորդումների գլխավոր խմբագիր։ Միաժամանակ մեկնաբանում է տարբեր մարզաձևերի համաշխարհային, հանրապետական, օլիմպիական և այլ առաջնություններ։

Անդամակցություն

• ԽՍՀՄ ժուռնալիստների միության անդամ, 1985
• Հայաստանի ժուռնալիստների միության անդամ, 1992

Պարգևներ

• ՀՀ ֆիզկուլտուրայի վաստակավոր աշխատող, 1998
• ՀՀ նախագահի շնորհակալագիր, 2000
• ՀԱՕԿ բարձրագույն ոսկե շքանշան, 2008
• «Լավագույն մարզական մեկնաբան» մրցանակ, 2009
• Մովսես Խորենացու մեդալ, 2011
• Հայաստանի Հանրապետության ֆիզիկական կուլտուրայի և սպորտի վաստակավոր գործիչ, 2021