Սենտ

Սենտ
Բնակավայր
	Սենտ
	ֆր.՝ Saintes; ֆր.՝ Xantes
	Զինանշան
Երկիր	Ֆրանսիա
Մակերես	45,55 կմ²
ԲԾՄ	9 մետր
Բնակչություն	▲25 518 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	17100
Պաշտոնական կայք	ville-saintes.fr(ֆր.)
	Սենտ (Ֆրանսիա)
	Սենտ (Ֆրանսիա)
	Սենտ Վիքիպահեստում

Սենտ (ֆր.՝ Saintes), համայնք Ֆրանսիայում, Պուատու Շարանտա մարզի Ծովափնյա Շարանտի գավառում։ Գտնվում է երկրի արևմուտքում՝ Լա Ռոշելից 76 կմ վեր Շարանտա գետի երկայնքով։ Այս քաղաքից է առաջացել պատմական Սենտոնժ շրջանը։

Համայնքի INSEE կոդ՝ 17415։

Բնակչություն[խմբագրել | խմբագրել կոդը]

Համայնքի բնակչությունը 2010 թվականին կազմում էր 26 011 մարդ։

Բնակչության թվաքանակը
(Աղբյուր: INSEE)
1962	1968	1975	1982	1990	1999	2010
25 717	26 507	26 891	25 471	25 874	25 628	26 011

Պատմություն[խմբագրել | խմբագրել կոդը]

Անտիկ շրջանում Սենտի տեղը եղել է գաղիական սանտոններ ցեղի խոշոր կենտրոնը (հռոմեացի պատմիչների մոտ՝ Mediolanum Santonum)։ Բնակավայրի հին լինելը վկայում են հնագույն ամֆիթատրոնի ավերակները, որոնք թվագրվում են I դարին և Գերմանիկոսի հաղթական կամարները, որն ի դեպ, Պրոսպեր Մերիմեի խնդրանքով անտիկ կամրջից տեղափոխվել է Շարանտայի կամրջով։ 1242 թվականին Սենտը հայտնվեց ռազմական գործողությունների թատերաբեմում. կռվողները ֆրանսիացիներն ու անգլիացիներն էին («Սենտոնյան պատերազմ»)։

Սուրբ Պետրոսի տաճարային համալիրը կառուցվել է XV դարում։ Այն բավականին տուժել է հուգենոտների վայրագություններից 1568 թվականին։ Ռոմանական եկեղեցում՝ Սուրբ Եվտրոպիայում, պահպանվել է սրբի գերեզմանը։ Ի դեպ վերջինս Սենտի առաջին եպիսկոպոսն էր։ Սենտ Մարի եկեղեցին և նրան կից գործող կանանց մենաստան-աբբայությունը կառուցված է ռոմանական ոճով և թվագրվում է XI դարին։

Սենտը մինչև 1810 թվականը համարվում էր դեպարտամենտի վարչական կենտրոնը։ Դրանից հետո այն տեղափոխվեց Լա Ռոշել։