Սեդրակ Շահեն

Սեդրակ Շահեն
Ծննդյան անուն	արմտ. հայ.՝ Սեդրաք Շահինեան
Ծնվել է	հունիսի 11, 1888
Ծննդավայր	Օրոր, Էրզրումի վիլայեթ, Օսմանյան կայսրություն
Վախճանվել է	հոկտեմբերի 24, 1975 (87 տարեկան)
Վախճանի վայր	Լոս Անջելես, Կալիֆոռնիա, ԱՄՆ
Մասնագիտություն	գրող և հասարակական գործիչ
Քաղաքացիություն	Օսմանյան կայսրություն և ԱՄՆ
Կուսակցություն	Սոցիալ դեմոկրատ Հնչակյան կուսակցություն
Աշխատավայր	Երիտասարդ Հայաստան
	Սեդրակ Շահեն Վիքիդարանում

Սեդրակ Շահեն (Սեդրակ Գրիգորի Շահինյան, հունիսի 11, 1888(1888-06-11), Օրոր, Էրզրումի վիլայեթ, Օսմանյան կայսրություն^[1] - հոկտեմբերի 24, 1975(1975-10-24)^[1], Լոս Անջելես, Կալիֆոռնիա, ԱՄՆ^[1]), հայ գրող, հասարակական գործիչ։ 1903 թվականից հնչակյան կուսակցության անդամ։

Կենսագրություն

Սեդրակ Շահենը ծնվել է Կարինի նահանգի Քղիի գավառի Օրոր գյուղում։ 1903 թվականին անդամագրվել է ՍԴՀԿ-ին։ Մինչև 1913 թվականը ուսուցչություն է արել Տիգրանակերտի, Տարոնի, Սասունի և Քղիի շրջաններում։ Երկրորդ համաշխարհային պատերազմի տարիներին խմբագրել է «Երիտասարդ Հայաստան» թերթը, պաշտպանել Խորհրդային Միության ժողովուրդների պայքարն ընդդեմ գերմանական ֆաշիզմի։ Շահենը հիմնականում թատերագիր է։ Նրա «Կարկառուն կամարներ» (1917 թ.), «Քսան կախաղաններ» (1918 թ.), «Զեյթուն» (1920 թ.), «Թալաաթի անկումը» (1928 թ.) դրամաներում արտացոլված է հայ ժողովրդի պայքարը թուրքական բռնակալության դեմ։ Տեղագրական, ազգագրական, պատմագիտական արժեք են ներկայացնում «Սասունք» (1919 թ.), «Կիլիկիո ձախողանքը․ պատասխանատու դերակատարները և մեղսակիցները» (1921 թ.) և այլ երկեր։ 1964 թվականին Շահենը եղել է Խորհրդային Հայաստանում, տպավորությունների արգասիքն է «Հայաստանի հոյակապ նվաճումները» (1965 թ.) գիրքը։ Գրի է առել «Սասնա ծռեր»ի մի քանի պատում («Քաջ Թորոսը», 1967 թ., «Սասունին», 1968 թ.)։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 8 (հայ.) — հատոր 8. — էջ 420—421.

Վիքիդարանն ունի նյութեր, որոնք վերաբերում են «Սեդրակ Շահեն» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 420)։

[_e5570253174a70f6-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 8 (հայ.) — հատոր 8. — էջ 420—421.

[1]