Սասունցի Դավիթ (կտավ)
 | |
|---|---|
 | |
| տեսակ | գեղանկար |
| նկարիչ | Հակոբ Կոջոյան |
| տարի | 1922 |
| բարձրություն | 47 |
| լայնություն | 58 |
| ստեղծման երկիր |  Հայաստան |
| ժանր | գրաֆիկական կոմպոզիցիա |
| նյութ | թուղթ, ստվարաթուղթ, ջրաներկ, տուշ, բրոնզաներկ |
| գտնվում է | Հայաստանի ազգային պատկերասրահ |
| հավաքածու | Հայաստանի ազգային պատկերասրահ |
| քաղաք | Երևան |
| սեփականատեր | Հայաստանի ազգային պատկերասրահ |
| հիմնական թեմա | Սասունցի Դավիթ էպոս |
պատկերված են
| |
| gallery.am | |
Ծանոթագրություններ | |
«Սասունցի Դավիթ», ՀԽՍՀ ժողովրդական նկարիչ, գեղարվեստի և գրաֆիկայի վարպետ Հակոբ Կոջոյանի 1922 թվականին ստեղծած կտավը։ Գտնվում է Հայաստանի ազգային պատկերասրահի ֆոնդապահոցում։
Պատմություն
[խմբագրել | խմբագրել կոդը]1922 թվականին Խորհրդային Հայաստանի կառավարության հրավերով Հակոբ Կոջոյանը վերադարձել է Երևան և մասնակցել Հայաստանի Խորհրդային հանրապետության մշակույթի կառուցման գործին։ Կոջոյանի 1920-ական թվականների արվեստն աչքի է ընկնում բացառիկ բազմակողմանիությամբ։ Զբաղվելով հաստոցային գրաֆիկայով` միաժամանակ նա աշխատել է խորհրդային առաջին հանդեսների և գրքերի ձևավորման վրա, դիմել փայտափորագրության տեխնիկային։ Բնանկարային ժանրի գունանկարչական կտավների հետ մեկտեղ այս շրջանում Կոջոյանն անդրադարձել է պատմա-հեղափոխական թեմայի մշակմանը։ «Սասունցի Դավիթ» գրաֆիկական կոմպոզիցիան համարվում է 1920-ական թվականների լավագույն և բարդ գործերից և աչքի է ընկնում համակարգի գեղարվեստական ամբողջականությամբ[1]։
Նկարագրություն
[խմբագրել | խմբագրել կոդը]«Սասունցի Դավիթ» կոմպոզիցիայի կենտրոնում Դավթի կերպարն է Քուռկիկ Ջալալիի վրա, Թուր-Կեծակին ձեռքին։ Շուրջը պատկերված են էպոսի երրորդ ճյուղի թեմաներով նկարազարդումները` գառնարած Դավթի մանկությունը, Կոզբադնին պատժելու տեսարանը, հաշվեհարդարը Մսրա Մելիքի հետ։ Երկրորդ շարքում Սասնա ամրոցի պարիսպներն են, Մարութա վանքը, առանձին հերոսների կերպարներ ու դրվագավոր գլխազարդեր, որոնք ստեղծված են պաստոզային մեղմ գամմայով, մինչդեռ պատկերների հիմնական գոտում յուրաքանչյուր մանրամաս ներկայացված է արտահայտչորեն ու ցայտուն։
Տվյալներ
[խմբագրել | խմբագրել կոդը]Նկարն ունի 47 սմ բարձրություն, 58 սմ լայնություն, նյութը՝ թուղթ, ստվարաթուղթ, ջրաներկ, տուշ, բրոնզաներկ։
Կտավի հիման վրա ստեղծված «Սասունցի Դավիթ» տուֆակերտ որմնաքանդակը գտնվում է Գաֆեսճյան արվեստի կենտրոնի «Սասունցի Դավիթ» սրահում (քանդակագործ` Արտաշես Հովսեփյան)։