Սանդրո Նիսևիչ
 | ||
| Ծննդյան ամսաթիվ | հունիսի 16, 1976 (48 տարեկան) | |
|---|---|---|
| Ծննդավայր | Պուլա, Իստրիա, Խորվաթիա | |
Սանդրո Նիսևիչ (խորվ.՝ Sandro Nicević, հունիսի 16, 1976, Պուլա, Իստրիա, Խորվաթիա), հանգստի անցած խորվաթ պրոֆեսիոնալ բասկետբոլիստ, որը վերջին անգամ խաղացել է իտալական Ա սերիայի լիգայի «Օռլանդինա Բասկետ» պրոֆեսիոնալ բասկետբոլային ակումբում[1]։
Մասնագիտական կարիերա
[խմբագրել | խմբագրել կոդը]Նիսևիչը սկսել է բասկետբոլ խաղալ իր ծննդավայրի «Գրադին Պուլա» ակումբում։ Շուտով նրանով հետաքրքրվել է Խորվաթիայի «Ցիբոնա» բասկետբոլային ակումբը։ Վերջինիս քույր «Ֆրանկ» և «Բենստոն» թիմերում երկու մրցաշրջան անցկացնելուց հետո Նիցևիչը միացել է «Ցիբոնայի» հիմնական կազմին և դարձել թիմի կարևոր անդամ։ 2001 թվականին Նիցևիչը հեռացել է «Ցիբոնայից» և սկսել իր շրջագայությունը Եվրոպայով մեկ՝ խաղալով Սլովենիայի «Օլիմպիա», Ֆրանսիայի «Լե Ման», Հունաստանի «AEK», Իսպանիայի «Մալագա», Թուրքիայի «Բեշիքթաշ» և Իտալիայի «Տրևիզո» և «Մոնտեգրանարո» բասկետբոլային ակումբներում։
2012 թվականին հանգստի անցնելուց հետո Նիցևիչը վերսկսել է իր կարիերան՝ օգնելով իր նախկին ակումբներին։ Նախ՝ 2013 թվականի հունվարին նա մեկ խաղ է անցկացրել իր նախկին ակումբ «Տրևիզոյի» կազմում, որը որոշակի անկում էր ապրել իր գլխավոր հովանավոր Բենետոն ընտանիքի՝ հովանավորությունը դադարեցնելուց հետո։ 2013 թվականի փետրվարին պարզվել է, որ Նիցևիչը պայմանագիր է ստորագրել «Ցիբոնա» ակումբի հետ, որը ֆինանսական խնդիրներ ուներ։ «Ցիբոնայի» կազմում «Ցեդևիտա» թիմի դեմ իր առաջին խաղի ընթացքում խփել է «buzzer beater» գոլը Խորվաթիայի գավաթի եզրափակչում։
2013 թվականի հուլիսին Նիսևիչն ընդունել է իտալական երկրորդ դիվիզիոնի «Օրլանդինա Բասկետ» ակումբի առաջարկը։
Խորվաթիայի ազգային հավաքական
[խմբագրել | խմբագրել կոդը]Նիսևիչը եղել է Խորվաթիայի բասկետբոլի տղամարդկանց ազգային հավաքականի անդամ։ Նա խաղացել է Եվրոբասկետ 1997, Եվրոբասկետ 2003 բասկետբոլային մրցույթներում, 2008 թվականի Օլիմպիական խաղերում և Եվրոբասկետ 2009-ում։
Ծանոթագրություններ
[խմբագրել | խմբագրել կոդը]- ↑ «Sandro Nicević se vratio u Italiju, Mario Stojić u Njemačku». Sportnet. Արխիվացված է օրիգինալից 2015 թ․ սեպտեմբերի 24-ին. Վերցված է 2013 թ․ հուլիսի 16-ին.
Արտաքին հղումներ
[խմբագրել | խմբագրել կոդը]
|
