Ռուդոլֆ եղնիկի արկածները

Ռուդոլֆ եղնիկի արկածները անգլ.՝ Rudolph the Red-Nosed Reindeer
Տեսակ	հեռուստաֆիլմ և մուլտֆիլմ
Ժանր	սուրբծննդյան ֆիլմ, երաժշտական ֆիլմ, հեքիաթ և մյուզիքլ
Հիմնված է	Rudolph, the Red-Nosed Reindeer
Ռեժիսոր	Larry Roemer?
Հնչյունավորում	Բյորլ Այվզ
Պրոդյուսեր	Արթուր Ռանկին կրտսեր
Երաժշտություն	Johnny Marks?
Երկիր	ԱՄՆ,  Կանադա և  Ճապոնիա
Լեզու	անգլերեն
Դիստրիբյուտոր	NBCUniversal Syndication Studios
Տևողություն	53 րոպե
Թվական	դեկտեմբերի 6, 1964
rankinbass.com

Ռուդոլֆ եղնիկի արկածները, 1964 թվականին հայտնի սուրբծննդյան ֆիլմի հիման վրա, հատուկ հեռուստատեսության համար նկարահանված ամերիկայան սուրբծննդյան տիկնիկային մուլտֆիլմ։ Պրեմիերան կայացել է 1964 թվականի դեկտեմբերի վեցին՝ NBS ալիքով (1972 թվականից մուլտֆիլմը ցուցադրվում է CBS ալիքով)։ «Ռուդոլֆ եղնիկի արկածները» ամեն տարի ցույց են տալիս ամերիկական հեռուստատեսությամբ․ ինչը ռեկորդային երկար է՝ սուրբծննդյան հատուկ թողարկման համար։

Սյուժե

Ռուդոլֆ եղնիկը՝ Դոնների որդին, (Սանտա Կլաուսի լծվածքի եղնիկներից մեկը) ծնվել է տարօրինակ յուրահատկությամբ․ նրա քիթը կարմիր լույս է արձակում։ Այդ պատճառով մնացած եղնիկները, բացի Կլարիսայից, ծիծաղում են նրա վրա և չեն կանչում իրենց հետ խաղալու։ Ռուդոլֆը դուր է գալիս Կլարիսային, բայց հայրը նրան արգելում է շփվել Ռուդոլֆի հետ։ Այդ ժամանակ էլֆ Գերմին հասկանում է, որ ուզում է ատամնաբույժ դառնալ և չի ցանկանում խաղալիքներ պատրաստել։ Երկու վտարվածները ծանոթանում են միմյանց հետ և ճամփա են ընկնում՝ ուր աչքերը կտրի։ Նրանք հանդիպում են ողջ կյանքում հարստություն փնտրող ոսկեխույզ Յուկոն Կորնելիուսին։ Հանկարծ նրանց նկատում է Ձնեհրեշը, որն ուզում է ուտել նրանց։ Նրանք փախչում են հրեշից և երեքը միասին հայտնվում Դժբախտ Խաղալիքների կղզում, որտեղ ապրում են խաղալիքները, որոնցից հրաժարվել են երեխաները։ Այդ երկրի թագավորը՝ թևավոր առյուծ Մունրեյսերը, թույլ է տալիս հերոսներին գիշերել այդտեղ, բայց փոխարենը խնդրում է պատմել Սանտային այդ կղզու մասին, որպեսզի նա խաղալիքների համար ապաստան գտնի։ Գիշերվա կեսին Ռուդոլֆը փախչում է կղզուց՝ վախենալով, որ իր քիթը կգրավի Հրեշի ուշադրությունը։

Անցնում է ծամանակ, Ռուդոլֆը մեծանում է, բայց դեռևս չի կարողանում գտնել այն տեղը, որտեղ կկարողանար ապրել հանգիստ։ Նա որոշում է վերադառնալ տուն և իմանում, որ ծնողները և Կլարիսան այս ամբողջ ընթացքում փորձել են գտնել իրեն։ Նա ճամփա է ընկնում նրանց գտնելու և տեսնում է, որ նրանց բռնել է Ձնեհրեշը։ Ռուդոլֆը փորձում է պաշտպանել ընտանիքին և Կլարիսային, բայց ընկնում է սառցալեզվակի հարվածից։ Գերմին և Յուկոն որոշում են փրկել Ռուդոլֆին։ Հրեշին քարանձավից խորամանկությամբ դուրս բերելով՝ Գերմին պոկում է նրա բոլոր ատամները։ Հրեշը սարսափում է իր անզորությունից։ Յուկոն նստեցնում է նրան իր շների լծվածքին, բայց ընկնում է բլուրից։ Հուսահատված հերոսները գնում են տուն։ Այնտեղ բոլորը ներողություն են խնդրում Ռուդոլֆից և Գերմիից, իսկ Սանտան խոստանում է տուն գտնել բոլոր Դժբախտ խաղալիքների համար։ Յուկոն վերադառնում է վերափոխված հրեշի հետ, որը, պարզվում է, կարողանում է եղևնի զարդարել։ Այդ ժամանակ Սանտան հայտարարում է, որ նվերներ բաժանելը նրա մոտ չի ստացվի, քանի որ դրսում ձնաբուք է, բայց, տեսնելով Ռուդոլֆի լուսավորվող քիթը, խնդրում է եղնիկին կանգնել սահնակի ամենասկզբում։ Եղնիկը համաձայնվում է, և Սանտան եղնիկների հետ ուրախությամբ նվերները հասցնում է երեխաներին։

Դերերը հնչունավորեցին

• Բիլի Մեյ - Ռուդոլֆ եղնիկ
• Սթեն Ֆրենսիս - Սանտա Կլաուս, թագավոր Մունրեյսեր
• Պոլ Կլիգմեն - Դոներ, Կլարիսայի հայրը, Կոմետ
• Բյորլ Այվզ - ձնեմարդ Սեմ (պատմող)
• Պոլ Սոլուս - Գերմի
• Ջենիս Օրինշտեյն - Կլարիսա
• Լարի Ման - Յուկոն
• Պեգ Դիքսոն - տիկին Կլաուս, տիկին Դոներ
• Կարլ Բանաս - էլֆ–վարիչ, Դժբախտ Խաղալիքներ
• Էլֆի Սկոպ - Ֆայրբոլ, Չարլին արկղիկից
• Կորին Կոնլի - Դոլի տիկնիկ

Տես Նաև

• Ռուդոլֆ եղնիկը

Ծանոթագրություններ

Վիքիպահեստն ունի նյութեր, որոնք վերաբերում են «Ռուդոլֆ եղնիկի արկածները» հոդվածին։