Jump to content

Ջոն Կարմայքլ

Վիքիպեդիայից՝ ազատ հանրագիտարանից
Ջոն Կարմայքլ
անգլ.՝ John Carmichael
Ծնվել էհունիսի 9, 1799(1799-06-09)[1] կամ հունվարի 9, 1800(1800-01-09)[2][3]
ԾննդավայրՆյուքասլ ափոն Թայն, Նորթամբերլենդ, Անգլիա, Մեծ Բրիտանիայի թագավորություն[4][2]
Վախճանվել էմայիսի 2, 1868(1868-05-02)[5][2][1] (68 տարեկան)
Մահվան վայրՍկարբորո, Նորդ Յորքշիր, Նորթ Յորքշիր, Անգլիա, Մեծ Բրիտանիայի և Իռլանդիայի միացյալ թագավորություն[2]
Քաղաքացիություն Մեծ Բրիտանիայի և Իռլանդիայի միացյալ թագավորություն և  Մեծ Բրիտանիայի թագավորություն
Մասնագիտություննկարիչ, գծանկարիչ և նկարազարդող
Ոճռոմանտիզմ
Ժանրծովանկար և բնանկար
 John Carmichael Վիքիպահեստում

Ջոն Ուիլսոն Կարմայքլ (անգլ.՝ John Wilson Carmichael, հայտնի է նաև[6] որպես Ջեյմս Ուիլսոն Կարմայքլ (անգլ.՝ James Wilson Carmichael), 9 հունվարի, 1800[Նշ. 1], Նյուքասլ-ափոն-Թայն – 2 մայիսի, 1868, Սկարբորո), բրիտանացի գեղանկարիչ, ծովանկարիչ, ջրանկարիչ, նկարազարդող, ռազմական թղթակից Բալթիական ռազմական գործողությունների թատերաբեմում Ղրիմի պատերազմի ժամանակ[8]։

Կենսագրություն

[խմբագրել | խմբագրել կոդը]
«Իրվին Փարոս: Սաստիկ փոթորիկ», (1851) – մասնավոր հավաքածու
«Հետապնդում» (1820 և 1868 թվականների միջև)  –Արվեստի թագավորական հավաքածու

Ջոն Ուիլսոն Կարմայքլը ծնվել է 1800 թվականի հունվարի 9-ին Անգլիայի հյուսիս-արևելքում՝ Նյուքասլ-ափոն-Թայն քաղաքում։ Եղել է նավային ատաղձագործ Վիլյամ Կարմայքլի ընտանիքի ավագ երեխան։

Իսպանիայի անկախության համար մղված պատերազմի ընթացքում որպես նավի փոքրավոր ծառայել է Թագավորական ռազմածովային նավատորմում, որտեղ ցուցաբերել է նկարչական ունակություններ[9]։

Պատերազմի ավարտին՝ 1814 թվականին, Ջոն Կարմայքլը վերադարձել է Նյուքասլ ու դարձել գծագրողի աշակերտ Թայն գետի նավաշինարանում։ Լինոլեվ լավ նկարիչ՝ Ջոն Կարմայքլը, ծանոթանալով բնանկարիչ Թոմաս Մայլզ Ռիչարդսոնի (ավագ) հետ, որը դարձել է նրա ընկերն ու ուսուցիչը, լիովին նվիրվում է գեղանկարչությանը[10]։ Նավաշինարանում ստացած գիտելիքները Ջոն Կարմայքլին օգտակար են լինում հետագա ստեղծագործական կյանքում. նավերը, որ պատկերված են նրա աշխատանքներում, նկարված են հատուկ ճշտությամբ ու մեծ ուշադրություն է դարձված տարրերին։

Ջոն Կարմայքլի նկարներն առաջին անգամ ցուցադրվել են Նորտունբերլենդի Գեղարվեստի խրախուսման ինստիտուտում 1825 թվականին։ 1840 թվականին Կարմայքլը տեղափոխվել է Բրայթոն, ապա Լոնդոն։ Նկարչի աշխատանքները բազմիցս ցուցադրվել են Գեղարվեստի թագավորական ակադեմիայի ցուցահանդեսներում 1835 թվականից մինչև 1859 թվականը և Գեղարվեստի խրախուսման բրիտանական ակադեմիայում 1846 թվականից մինչև 1862 թվականը[8][9][10][11]։ 1854 թվականից Ջոն Կարմայքլն աշխատել է աշխարհում առաջին նկարազարդ թերթում՝ «The Illustrated London News»[12]: Ղրիմի պատերազմի ժամանակ խմբագրության հանձնարարությամբ մասնակցել է Թագավորական ռազմածովային նավատորմի ռազմական կամպանիաներին Բալթիական ծովում 1854 և 1855 թվականներին[9][10][11]։ 1855 թվականի օգոստոսին Ջոն Կարմայքլը ականատես է եղել անգլո-ֆրանսիական միասնական զորքերի կողմից ռուսական Սվեաբորգ ամրոցի ռմբակոծմանը, ինչից հետո ստեղծել է այդ դեպքին նվիրված նկար (պահվում է Լոնդոնում՝ Ազգային ծովային թանգարանում)[8]։ Ջոն Կարմայքլի ստեղծագործությունը չի սահմանափակվում միայն նկարչությամբ. նա գրել է գեղանկարչական տեխնիկային նվիրված երկու գիրք՝ «The Art of Marine Painting in Water Colours» (1859) և «The Art of Marine Painting in Oil Colours» (1864)[13]:

1862 թվականին Ջոն Կարմայքլը, ցնցված որդու վաղաժամ մահվամբ, թողնում է գեղանկարչությամբ զբաղվելն ու տեղափոխվում Հյուսիսային Յորքշիր, որտեղ ապրում է մինչև իր մահը 1868 թվականին։

Փաստեր

[խմբագրել | խմբագրել կոդը]
  • Ըստ որոշ տվյալների[14]՝ Ջոն Կարմայքլը 1831-1836 թվականներին եղել է Չարլզ Դարվինի արշավախմբի անդամ «Բիգլ» նավում։
  • Գեղարվեստի թագավորական հավաքածուի (որ գոյություն ուներ XVII դարի սկզբից և ձևականորեն չէր պատկանում թագավորական ընտանիքին) առաջին ձեռքբերումը Մեծ Բրիտանիայի Եղիսաբեթ II թագուհու գահակալումից հետո եղել է Ջոն Կարմայքլի «Հետապնդում» նկարը[15]։

Պատկերասրահ

[խմբագրել | խմբագրել կոդը]
  • «„Էրեբուս“ և „Տեռոր“ նավերն Անտարկտիկայում» (1847), յուղաներկ, կտավ, Ազգային ծովային թանգարան, Գրինվիչ, Լոնդոն
    «„Էրեբուս“ և „Տեռոր“ նավերն Անտարկտիկայում» (1847), յուղաներկ, կտավ, Ազգային ծովային թանգարան, Գրինվիչ, Լոնդոն
  • «Սվեաբորգ ամրոցի ռմբակոծումը 1855 թվականի օգոստոսի 9-ին» (1855), յուղաներկ, կտավ, Ազգային ծովային թանգարան, Գրինվիչ, Լոնդոն
    «Սվեաբորգ ամրոցի ռմբակոծումը 1855 թվականի օգոստոսի 9-ին» (1855), յուղաներկ, կտավ, Ազգային ծովային թանգարան, Գրինվիչ, Լոնդոն
  • «„Գրեյթ Իսթերն“ շոգենավի կառուցումը» (1857), թուղթ, ջրաներկ, Ազգային ծովային թանգարան, Գրինվիչ, Լոնդոն
    «„Գրեյթ Իսթերն“ շոգենավի կառուցումը» (1857), թուղթ, ջրաներկ, Ազգային ծովային թանգարան, Գրինվիչ, Լոնդոն
  • «Սևաստոպոլի ռմբակոծումը» (1855), յուղաներկ, կտավ Չելսիի թագավորական ռազմական հիվանդանոց, Լոնդոն
    «Սևաստոպոլի ռմբակոծումը» (1855), յուղաներկ, կտավ Չելսիի թագավորական ռազմական հիվանդանոց, Լոնդոն
  • «Հոլանդական ծովափի մոտ» (1858), յուղաներկ, կտավ, մասնավոր հավաքածու
    «Հոլանդական ծովափի մոտ» (1858), յուղաներկ, կտավ, մասնավոր հավաքածու
  • «Կալերկոտս գյուղը հարավից» (1845), ստվարաթուղթ, յուղաներկ — մասնավոր հավաքածու
    «Կալերկոտս գյուղը հարավից» (1845), ստվարաթուղթ, յուղաներկ — մասնավոր հավաքածու
  • «„Իզաբելա“ առևտրական նավը ծովում» (շուրջ 1820), յուղաներկ, կտավ, Ազգային ծովային թանգարան, Գրինվիչ, Լոնդոն
    «„Իզաբելա“ առևտրական նավը ծովում» (շուրջ 1820), յուղաներկ, կտավ, Ազգային ծովային թանգարան, Գրինվիչ, Լոնդոն

Նշումներ

[խմբագրել | խմբագրել կոդը]
  1. ↑ Ըստ որոշ տվյալների՝ նկարիչը ծնվել է 1799 թվականին[7]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Oxford Dictionary of National Biography / C. Matthew — Oxford: OUP, 2004.
  2. ↑ 2,0 2,1 2,2 2,3 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
  3. ↑ RKDartists (նիդերլ.)
  4. ↑ Union List of Artist Names — 2017.
  5. ↑ RKDartists (նիդերլ.)
  6. ↑ «James Wilson Carmichael» (անգլերեն). Art Renewal Center. Արխիվացված օրիգինալից 2012 թ․ մայիսի 11-ին. Վերցված է 2010 թ․ նոյեմբերի 12-ին.
  7. ↑ Richardson Sarah Richard Grainger’s vision for Grey Street, Newcastle(անգլ.). — Newcastle upon Tyne: Tyne & Wear Archives & Museums, 2012.
  8. ↑ 8,0 8,1 8,2 «John Wilson Carmichael (1800 — 1868)» (անգլերեն). National Maritime Museum (Национальный морской музей в Гринвиче, Лондон, Великобритания). Արխիվացված է օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 12-ին.
  9. ↑ 9,0 9,1 9,2 «John Wilson Carmichael (1800 - 1868)» (անգլերեն). Willow Gallery, St James's, London, UK. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 12-ին.
  10. ↑ 10,0 10,1 10,2 «John Wilson Carmichael (1800-1868)» (անգլերեն). Artfact, LLC. Արխիվացված է օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 14-ին.
  11. ↑ 11,0 11,1 «John Wilson Carmichael (1800-1868)» (անգլերեն). John Nicholson and Dunelm Fine Art, Newcastle, UK. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 14-ին.
  12. ↑ Laurette, Patrick Condon. «O'Brien, John Daniel O'Connell (1891-1900)». Dictionary of Canadian Biography Online (անգլերեն). University of Toronto. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 12-ին.
  13. ↑ Julian Treuherz Художники Викторианской эпохи = Victorian painting. — Thames and Hudson, 1993. — 216 p. — (World of art). — ISBN 9780500202630
  14. ↑ «John Wilson Carmichael (1800-1868) British» (անգլերեն). Vallejo Gallery. Marine Arts and Artifacts. Specialists in 18th, 19th, and 20th Century Ship Paintings, Newport Beach, California, USA. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 14-ին.
  15. ↑ «The Pursuit» (անգլերեն). Королевская коллекция Её Величества Королевы Елизаветы II անգլ.՝ Her Majesty Queen Elizabeth II. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 13-ին.

Գրականություն

[խմբագրել | խմբագրել կոդը]
  • Bryan Michael, Graves Robert Edmund, Sir Armstrong Walter Carmichael, James Wilson // Словарь художников и граверов Майкла Брайена = Dictionary of painters and engravers, biographical and critical by Michael Bryan. — London: G. Bell and Sons, 1886. — Vol. I (A — K). — P. 234. — 755 p.
  • Villar, Diana John Wilson Carmichael 1799-1868. — Carmichael and Sweet, 1995. — 112 с. — ISBN 9781898644057
  • Christopher Wright, Catherine May Gordon, Mary Peskett Smith British and Irish paintings in public collections: an index of British and Irish oil paintings by artists born before 1870 in public and institutional collections in the United Kingdom and Ireland. — Yale University Press, 2006. — С. 229. — 932 с. — ISBN 9780300117301
  • Andrew Greg, Tyne and Wear Museums John Wilson Carmichael, 1799-1868: painter of life on sea and land. — Tyne and Wear Museums, 1998. — 17 с. — ISBN 9780905974729

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ջոն Կարմայքլ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ջոն_Կարմայքլ&oldid=9768416» էջից