Մեծ պատերազմ (ֆիլմ)
Մեծ պատերազմ (իտալ.՝ La grande guerra), իտալական ֆիլմ, որ նկարահանվել է 1959 թվականին ռեժիսոր Մարիո Մոնիչելիի կողմից։ Այս ֆիլմը Մոնիչելիի նախորդ` «Չարագործները ինչպես միշտ մնացին անհայտ» ֆիլմի հետ իտալական կոմեդիայի մակարդակը բարձրացրին նոր մակարդակի` սկզբնավորելով «իտալական կոմեդիա» ուղղությունը։ Ֆիլմում ներկայացվում են երկու խաբեբաների (նրանց դերերը կատարում են Ալբերտո Սորդին և Վիտորիո Գասմանը) կյանքն Առաջին համաշխարհային պատերազմի ժամանակ։ Ռեժիսորն անմիջականորեն ներկայացրել է պատերազմական ժամանակների պատկերը` արյունահեղություն, պատերազմային կենցաղ, ապաշնորհ ղեկավարում։ Մինչև ֆիլմի դուրս գալը նրա հարցը քննարկվել է իտալական խորհրդարանում. շատերը դեմ էին, որ ֆիլմը էկրան բարձրանա, քանի որ ֆիլմում արտացոլված էր երկու համաշխարհային պատերազմներում Իտալիայի ունեցած անմիանշանակ դերը։ Սակայն ֆիլմի օգտին արտահայտվեց պաշտպանության նախարար Ջուլիո Անդրեոտին, և ֆիլմը բարձրացավ էկրան[9]։
1960 թվականին Մեծ պատերազմը ներկայացվել է Օսկարի որպես օտար լեզվով լավագույն ֆիլմ[10]։ 1959 թվականին ֆիլմը շահել է Վենետիկի կինոփառատոնի գլխավոր մրցանակը` «Ոսկե առյուծը»։ Ազգային մակարդակում ֆիլմն արժանացել է Դավիդ դե Դոնաթելո մրցանակաբաշխության երկու մրցանակի`լավագույն դերասանի (Գասման և Սորդի) և լավագույն բեմադրող նկարչի (Մարիո Գարբուլյա) անվանակարգերում։
Սյուժե[խմբագրել | խմբագրել կոդը]
Երկու խաբեբաներ` Ջովանի Բուսական Միլանից և Օրեստե Յակովաչին Հռոմից, Առաջին համաշխարհային պատերազմում հայտնվում են իտալական բանակի նորակոչիկների շարքում։ Չնայած նրանք տարբերվում են բնավորությամբ, սակայն նրանց միավորում է գաղափարների բացակայությունը, պատերազմի սարսափներից փախչելու ցանկությունը։ Ընկերները, հաղթահարելով ամեն կարգի ծուղակներ, փորձում են խուսափել աշխատանքից, ռազմական պարտքի կատարումից, մինչդեռ նրանց ընկերները կռվում են պատերազմի դաշտում։ Պատահաբար նրանք հայտնվում են ավստրիական կողմում, որտեղ նրանց լրտեսի տեղ են ընդունում։ Գաղտնի տեղեկություն չտրամադրելու դեպքում ընկերներին սպառնում են մահապատժով։ Սակայն հենց այդ ժամանակ խաբեբաներին տիրում է հայրենասիրության զգացումը. նրանք գերադասում են հերոսական մահը հայրենիքին դավաճանելուց։
Դերերում[խմբագրել | խմբագրել կոդը]
- Ալբերտո Սորդի - Օրեստե Յակովաչի
- Վիտտորիո Գասման - Ջովանի Բուսակա
- Սիլվանա Մանգանո - Կոստանտինա
- Ֆոլկո Լուլի - Բորդին
- Բերնար Բլիե - կապիտան Կաստելի
- Ռոմոլո Վալի - սերժանտ Գալինա
- Լիվիո Լորենցոն - սերժանտ Բարիֆերի
- Ակիլե Կոմպանյոնի - կապելան
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.imdb.com/title/tt0052861/
- ↑ 2,0 2,1 http://www.filmaffinity.com/en/film661803.html
- ↑ 3,0 3,1 Internet Movie Database — 1990.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14 4,15 4,16 4,17 4,18 4,19 4,20 4,21 4,22 http://www.cinematografo.it/cinedatabase/film/la-grande-guerra/10279/
- ↑ 5,0 5,1 5,2 5,3 5,4 http://www.allocine.fr/film/fichefilm_gen_cfilm=10408.html
- ↑ 6,0 6,1 6,2 6,3 6,4 6,5 6,6 http://www.telerama.fr/cinema/films/la-grande-guerre,32389.php
- ↑ 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 7,15 7,16 7,17 http://www.imdb.com/title/tt0052861/fullcredits
- ↑ 8,0 8,1 8,2 8,3 8,4 ČSFD (չեխերեն) — 2001.
- ↑ Hipkins, Danielle. Directory of World Cinema: Italy / Bayman, Louis.. — Intellect Ltd, 2011. — P. 121-123. — ISBN 978-1841504001
- ↑ «The 32nd Academy Awards (1960) - Winners & Nominees» (անգլերեն). Oscars.org. Վերցված է 2015 թ․ դեկտեմբերի 16-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Մեծ պատերազմ (ֆիլմ)» հոդվածին։ |
| ||||||
