Հարդագողի ճանապարհով (սերբ.՝ На млечном путу), դրամատիկական ֆիլմ՝ նկարահանված սերբ կինոռեժիսոր Էմիր Կուստուրիցայի կողմից։ Համաշխարհային պրեմիերան կայացել է 2016 թվականի սեպտեմբերի 9-ին Վենետիկյան փառատոնում։ Ֆիլմի հիմքում ընկած է սիրո պատմություն բոսնիական պատերազմի ժամանակահատվածում։
Դեպքերը զարգանում են բոսնիական քաղաքացիական պատերազմի ժամանակ։ Գլխավոր հերոսը (Էմիր Կուստուրիցա) կաթնավաճառ է, որն ամեն օր իր էշի վրա մթերք է տեղափոխում ճակատային գծում զինվորների համար, խուսափելով մահից շնորհիվ պատահական հաջողության, մեկ անգամ նույնիսկ փամփուշտից կորցնելով ականջը։ Նա երազում է պատերազմի դադարեցման մասին և պլաններ է գծում խաղաղ ժամանակահատվածի համար։ Պատահմամբ նա հանդիպում է խորհրդավոր իտալուհու (Մոնիկա Բելուչի), ով ոտքից գլուխ փոխում է իր կյանքը։ Այսպես սկսվում է արգելված կրքոտ սիրո պատմություն, որի պատճառով հերոսներն ընկնում են արկածների ու հետապնդումների մեջ։