Իդա Օկեն
| Իդա Օկեն | |
| |
| Կուսակցություն՝ | Danish Social Liberal Party? |
|---|---|
| Կրթություն՝ | Կոպենհագենի համալսարան |
| Գիտական աստիճան՝ | Աստվածաբանության թեկնածու |
| Մասնագիտություն՝ | քահանա, աստվածաբան և քաղաքական գործիչ |
| Դավանանք | քրիստոնեություն[1] |
| Ծննդյան օր | ապրիլի 22, 1978 (46 տարեկան) |
| Ծննդավայր | Ֆրեդերիկսբերգ, Դանիա |
| Քաղաքացիություն | Դանիա |
| Հայր | Էրիկ Ա. Նիելսեն |
| Մայր | Մարգրետե Աուքեն |
| Կայք՝ | idaauken.dk |
| Պարգևներ | |
Իդա Մարգրետ Մեիեր Օկեն (դան․՝ Ida Margrete Meier Auken, ապրիլի 22, 1978, Ֆրեդերիկսբերգ, Դանիա), դանիացի կին քաղաքական գործիչ և աստվածաբան։ Աստվածաբանության թեկնածու (cand.theol.): Վենստրե Ռադիկալ կուսակցության անդամ։ 2007 թվականից Ֆոլկետինգի (Դանիայի պառլամենտ) անդամ, Կոպենհագենից։ 2011–2014 թվականներին եղել է Բնապահպանության հարցերով նախարար[3]։
Կենսագրություն
[խմբագրել | խմբագրել կոդը]Իդա Օկենը ծնվել է 1978 թվականի ապրիլի 22-ին, Ֆրեդրիկսբերգում։ Մայրը կին քաղաքական գործիչ է, Եվրախորհրդարանի պատգամավոր` Մարգրետա Օկենը, հայրը պրոֆեսոր է, գրականագետ Էրիկ Աքսել Նելսենը[3]։ Եղբայրը դոկտոր Սունե Օուքենն է (ծն. 1970), գրականագետ, Կոպենհագենի համալսարանի դոցենտ[3][4]։
1998-2006 թվականներին սովորել է Կոպենհագենի համալսարանում, ստացել աստվածաբանության թեկնածուի աստիճան[3]։ Ավարտելուց հետո՝ 2006-2007 թվականներին, որպես հրավիրված դասախոս, դասավանդել է որպես Կոպենհագենի համալսարանի աստվածաբանության ամբիոնում։ 2004-2007 թվականներին աշխատել է «Ալֆա» (Forlaget Alfa) հրատարակչության խմբագիր[3]։
Եղել է Սոցիալիստական ժողովրդական կուսակցության անդամ, 2014 թվականի փետրվարի 4-ից Վենստրե Ռադիկալ կուսակցության անդամ է։ 2007 թվականի նոյեմբերի 13-ին կայացած խորհրդարանական ընտրությունների արդյունքներով ընտրվել է Ֆոլկեթինգի պատգամավոր Կոպենհագենի ընտրատարածքից։ Վերընտրվել է 2011 թվականի սեպտեմբերի 15-ին, 2015 թվականի հունիսի 18-ին և 2019 թվականի հունիսի 5-ին կայացած ընտրություններում։ 2009-2011 թվականներին ղեկավարել է շրջակա միջավայրի և պլանավորման կոմիտեն։ 2019 թվականից ղեկավարում է Կլիմայի, էներգետիկայի և մատակարարման կոմիտեն[3]։
2011 թվականի հոկտեմբերի 3-ին ստացել է շրջակա միջավայրի նախարարի պորտֆելը, վարչապետ Հելլե Թորնինգ Շմիդտի առաջին կաբինետում[3]։ 2016 թվականից Միջազգային զարգացման ֆինանսավորման ակումբի (IDFC), Դանիայի ՅՈՒՆԻՍԵՖ-ի և Global Teacher Prize Varkey Foundation մրցանակային հիմնադրամի խորհրդատվական խորհրդի անդամ է[3]։
Ամուսնացած է պրոֆեսոր Բենտ Մեիեր Սորենսենի հետ։ Ունի երկու երեխա՝ Նիլսը և Սիմոն Մեիեր Օկեն[3]։
Ստեղծագործական ուղի
[խմբագրել | խմբագրել կոդը]2018 թվականին նա գրել է Dansk գիրքը[5]։ Բո Տորպ Պեդերսենի (Bo Torp Pedersen) հետ միասին խմբագրել է «Հիսուսը գնում է կինո-Հիսուսի կերպարը ժամանակակից ֆիլմերում» (Jesus gårtil filmen - Jesusfiguren i moderne film, 2007) գիրքը[6]։ «Կոնստելյացիա - եկեղեցին և եվրոպական նախագիծը» (Constellationer - kirkerne og det europæiske projekt, 2007)[7] և «Կյանքը մահից հետո՝ աշխարհի մեծ կրոններում» (Livet efter døden - i de store verdensreligioner, 2006) գրքերի համահեղինակ է[7]։ Նա գրել է բազմաթիվ աստվածաբանական հոդվածներ եկեղեցու և պետության հարաբերությունների, կրոնի, քաղաքականության և օրենքի փոխհարաբերությունների, ինչպես նաև Ջորջո Ագամբենի քաղաքական աստվածաբանության վերաբերյալ[8]։
Ծանոթագրություններ
[խմբագրել | խմբագրել կոդը]- ↑ Ida Auken: Kristendom og politik hører sammen — 2017.
- ↑ https://folkemoedet.dk/program/dialogprisen/
- ↑ 3,0 3,1 3,2 3,3 3,4 3,5 3,6 3,7 3,8 «Ida Auken» (դանիերեն). Folketinget. Վերցված է 2020 թ․ ապրիլի 3-ին.
- ↑ «Sune Auken» (անգլերեն). University of Copenhagen. Վերցված է 2020 թ․ ապրիլի 3-ին.
- ↑ Auken, Ida Dansk. — People´sPress, 2018. — 142 p. — ISBN 9788772003740
- ↑ Jesus går til filmen - Jesusfiguren i moderne film / Ida Auken og Bo Torp Pedersen (red.). — Forlaget Alfa, 2007. — 140 p. — ISBN 9788791191268
- ↑ 7,0 7,1 Konstellationer – kirkerne og det europæiske projekt. — Forlaget Alfa, 2007. — 107 p. — ISBN 9788791191275
- ↑ Livet efter døden - i de store verdensreligioner / Knud Rendtorff m fl red. — Forlaget Alfa, 2006. — 175 p. — ISBN 9788791191206
 | Վիքիպահեստն ունի նյութեր, որոնք վերաբերում են «Իդա Օկեն» հոդվածին։ |
| ||||||
