Ժան Կարմե

Ժան Կարմե; ֆր.՝ Jean Carmet
Ծնվել է	ապրիլի 25, 1920
Ծննդավայր	Տուր
Մահացել է	ապրիլի 20, 1994 (73 տարեկան)
Մահվան վայր	Սևր
Գերեզման	Մոնպարնաս գերեզմանատուն
Քաղաքացիություն	Ֆրանսիա
Մասնագիտություն	դերասան, սցենարիստ, թատրոնի դերասան, կինոդերասան և հեռուստատեսային դերասան
Պարգևներ և մրցանակներ

Ժան Գաբրիել Էդմոն Կարմե ապրիլի 25, 1920(1920-04-25)^[2]^[3], Տուր^[3] - ապրիլի 20, 1994(1994-04-20)^[2]^[4]^[3], Սևր^[2]^[3] (ֆր.՝ Jean Gabriel Edmond Carmet), ֆրանսիացի դերասան։

Կենսագրություն[խմբագրել | խմբագրել կոդը]

Ժան Կարմեն իր արտիստական կարիերան սկսել է՝ դերակատարումներով հանդես գալով թատրոնում, ապա, 1940-ական թվականների սկզբներից նախընտրել է նկարահանվել կինոյում։ Հիմնականում խաղացել է կատակերգական դերեր, թեև օժտված էր նաև դրամատիկական ակնառու տաղանդով։ Նկարահանվել է ավելի քան երկու հարյուր կինոնկարներում։ Հայրենի Ֆրանսիայում նա վաղուց ի վեր սիրված կոմիկ դերասանի համբավ էր վայելում, իսկ միջազգային ճանաչման հիմքը դրվեց 1976 թվականին նկարահանված «Սև-սպիտակը՝ գույնի մեջ» կինոնկարում խաղացած ֆրանսիացի գաղութաբնակի դերով, որի համար արժանացավ ամերիկյան կինոակադեմիայի մրցանակին։ Միջազգային համբավի տարածմանը նպաստեցին բարձրահասակ շիկահերի մասին կինոռեժիսոր Իվ Ռոբերի նկարահանած երկու կինոնկարներում գլխավոր հերոսի անհոգ ընկերոջ՝ Մորիսի, Ալեքսանդր Դյումայի «Երեք հրացանակիրներ» նշանավոր վեպի հիման վրա նկարահանված ֆիլմում Պլանշեի, Իվ Բուասեի «Դյուպոն Լաժուա»-ում մըսյե Լաժուայի և բազմաթիվ այլ դերերի վարպետ կատարումները։

Ժան Կարմեն նկարահանվել է այնպիսի նշանավոր կինոռեժիսորների ֆիլմերում, ինչպես՝ Ժան Ռենուարը, Քրիստիան-Ժակը, Լուիս Բունյուելը, Բերտրան Բլիեն, Կլոդ Շաբրոլը... Երկրորդական դերերի տպավորիչ կատարումների համար նա երկու անգամ արժանացել է Կաննի հեղինակավոր միջազգային կինոփառատոնի Սեզար մրցանակի, մի շարք անգամներ այդ մրցանակին է ներկայացվել ոչ միայն երկրորդական, այլև գլխավոր դերակատարումների համար։ Իսկ 1994 թվականին, ի նշանավորումն կինոյում կատարած ստեղծագործական բեղմնավոր աշխատանքի 50-ամյակի, նրան շնորհվել է հատուկ Սեզար կինոմրցանակ։

Դրանից մի քանի ամիս անց՝ ապրիլի 20-ին, 73 տարեկան հասակում նա կնքեց իր մահկանացուն։ Թաղվել է Փարիզի Մոնպառնաս թաղամասի գերեզմանատանը։ Հուղարկավորողների թափորի մեջ էին ֆրանսիական կինոյի ականավոր գործիչներ Միշել Սեռոն, Ժերար Դեպարդիեն, Միշել Գալաբրյուն, Ժան Լեֆևրը, Ռոբեր Օսեյնը, Բերտրան Բլիեն, Ժան-Կլոդ Բրիալին, Ֆրանսիս Վեբերը, Իվ Ռոբերը, Կլոդ Շաբրոլը և շատ ու շատ ուրիշներ։

Ժան Կարմենի հիշատակը հավերժացնելով՝ նրա անունով են կոչել իր ծննդավայր Բուրգեյում մեկական թատրոն և պողոտա։

Հատընտիր ֆիլմագրություն[խմբագրել | խմբագրել կոդը]

1951 — Կնոկ (կամ՝ Դոկտոր Կնոկ)
1952 — Նրանք հինգն էին / Ils étaient cinq
1952 — Պարոն Լեգինյոնը
1952 — Պարոն Տաքսի
1952 — Հրաժեշտի անտառը / La Forêt de l’adieu
1953 — Կեսգիշեր... Բերսիի առափնյան / Minuit quai de Bercy
1953 — Խրախճանք գինետներում (կամ՝ Մեծ դուքսերի արշավանքը)/ La Tournée des grands ducs
1955 — Բարի օր, ժպի՛տ
1956 — Պստիկները պարզամիտի մոտ
1959 — Օ՜, ի՛նչ մամբո է... / Oh! Qué mambo!
1959 — Բաբետան կռիվ է գնում / Babette s’en va-t-en guerre
1961 — Երեք հրացանակիրներ
1961 — Չքնաղ ամերիկուհին
1962 — Սատանան և տասը պատվիրանները
1963 — Մեղեդին՝ ներքնահարկից
1963 — Ծույլերի տոնավաճառը / La Foire aux cancres
1964 — Առա՛ջ, Ֆրանսիա / Allez France!
1964 — Սպասասրահ / Les pas perdus
1967 — Ապուշը Փարիզում / Un idiot à Paris
1967 — Երանելի Ալեքսանդրը
1969 — Ոսկի այրին / Une veuve en or
1969 — Օվերնցին և ավտոբուսը
1970 — Չի խմում, չի ծխում, թմրանյութեր չի ընդունում, բայց խոսում է
1970 — Ալֆրեդի դժբախտությունը
1970 — Հատում
1971 — Գիշերադեմին
1971 — Ժան Ռենուարի փոքրիկ թատրոնը / Le Petit Théâtre de Jean Renoir
1972 — Ցմահ ռենտա / Le Viager
1972 — Սև կոշիկով բարձրահասակ շիկահերը
1972 — Բուրժուազիայի համեստ հմայքը
1974 — Բարձրահասակ շիկահերի վերադարձը
1974 — Դյուպոն Լաժուա
1974 — Ինչպես հաջողել, երբ հիմար ու լացկան ես / Comment réussir quand on est con et pleurnichard
1974 — Սավանը չունի գրպան / Un linceul n’a pas de poches
1977 — Յոթերորդ վաշտը լուսնալույսի տակ / La Septième Compagnie au clair de lune
1977 — Ալիսա, կամ՝ Վերջին փախուստը / Alice ou la Dernière Fugue —
1978 — Վիոլետա Նոզիե / Violette Nozière
1979 — Սառը խորտիկներ
1980 — Բանկիրուհին / La Banquière
1980 — Տղամարդու գործ / Une affaire d’hommes
1980 — Տուրի քահանան / Le Curé de Tours
1981 — Չափազանց ուժեղ սեր
1981 — Կաղամբապուր
1982 — Գի դը Մոպասան / Guy de Maupassant
1982 — Թշվառները / Les Misérables
1986 — Փախստականներ
1986 — Հետևեք իմ հայացքին / Suivez mon regard
1988 — Մանժկլու / Mangeclous
1989 — Անակնկալ հյուրը / L’Invité surprise
1990 — Իմ մոր ամրոցը
1991 — Շնորհակալություն, կյա՛նք / Merci La Vie
1991 — Սպիտակ թագուհին / La Reine blanche
1992 — Տհասների պարահանդեսը / Le Bal des casse-pieds
1993 - Ժերմինալ

Կինոմրցանակներ[խմբագրել | խմբագրել կոդը]

1995 - 7 d'Or - Օնորե դը Բալզակի «Էժենի Գրանդե» վեպի հիման վրա նկարահանված ֆիլմում դերակատարման համար
1994 - Սեզար՝ որպես պատվո մրցանակ Honorary César Award
1992 - Սեզար՝ Բերտրան Բլիեի «Շնորհակալություն, կյա՛նք» ֆիլմում տղամարդու երկրորդական դերի լավագույն կատարման համար
1983 - Սեզար՝ Վիկտոր Հյուգոյի «Թշվառները» վեպի հիման վրա Ռոբեր Օսեյնի նկարահանած ֆիլմում տղամարդու երկրորդական դերի՝ Տենարդիեի դերի լավագույն կատարման համար

Անվանակարգեր, որոնցում ներկայացվել է մրցանակի[խմբագրել | խմբագրել կոդը]

1988 - César Award for Best Actor for the film Miss Mona
1987 - César Award for Best Actor in a Supporting Role for the film Les Fugitifs
1979 - César Award for Best Actor for the film Le sucre
1979 - César Award for Best Actor in a Supporting Role for the film Le sucre

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 ^3,11 Fichier des personnes décédées
↑ ^4,0 ^4,1 ^4,2 Internet Movie Database — 1990.

Արտաքին հղումներ[խմբագրել | խմբագրել կոդը]

Jean Carmet Internet Movie Database կայքում

Վիքիպահեստն ունի նյութեր, որոնք վերաբերում են «Ժան Կարմե» հոդվածին։

[_2f14f83ebc5987ac-1] 1,0 ^1,1 ^1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_8d649a82d45b4778-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_c3c9ecbb89dcdb68-3] 3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 ^3,11 Fichier des personnes décédées

[_40aadbc70dd0878e-4] 4,0 ^4,1 ^4,2 Internet Movie Database — 1990.

[1]

[2]

[3]

[4]