Թենգիզ Ամիրեջիբի
| Թենգիզ Ամիրեջիբի | |
|---|---|
.jpg) | |
| Ի ծնե անուն | վրաց.՝ თენგიზ ამირეჯიბი |
| Ծնվել է | սեպտեմբերի 30, 1927 Թիֆլիս, ԱԽՖՍՀ, ԽՍՀՄ |
| Երկիր |  Վրաստան |
| Մահացել է | մարտի 9, 2013 (85 տարեկան) |
| Մասնագիտություն | երաժշտության ուսուցիչ և դաշնակահար |
| Գործիքներ | դաշնամուր |
| Կրթություն | Մոսկվայի կոնսերվատորիա |
| Պարգևներ | |
 Tengiz Amirejibi Վիքիպահեստում | |
Թենգիզ (Գիզի) Կոնստանտինի Ամիրեջիբի (նաև՝ Ամիրաջիբի, վրաց.՝ თენგიზ (გიზი) კონსტანტინეს ძე ამირეჯიბი, 30 սեպտեմբերի, 1927, Թբիլիսի, Վրացական ԽՍՀ, ԽՍՀՄ — 9 մարտի, 2013), վրացի դաշնակահար և մանկավարժ։ Թբիլիսիի կոնսերվատորիայի պրոֆեսոր[1], Վրաստանի Շոթա Ռուսթավելու անվան պետական մրցանակի դափնեկիր, Վրացական ԽՍՀ ժողովրդական արտիստ (1961)[2]:
Կենսագրություն
[խմբագրել | խմբագրել կոդը]Թենգիզ Ամիրեջիբին ծնվել է 1927 թվականի սեպտեմբերի 30-ին Թբիլիսիում։ Դաշնամուր նվագել սովորել է Թբիլիսիի կոնսերվատորիային կից «շնորհալի երեխաների խմբակում» պրոֆեսոր Աննա Տելաշվիլու ղեկավարությամբ։ Ութ տարեկան հասակից ելույթներ է ունեցել անհատական ծրագրերով, այդ թվում նաև Վրաստանի պետական սիմֆոնիկ նվագախմբի հետ։
1945—1950 թվականներին սովորել է Մոսկվայի կոնսերվատորիայում (պրոֆեսոր Կոնստանտին Իգումանովի և Լև Օբորինի դասարաններում)։ Կոնսերվատորիայում ուսումն ավարտելուց հետո համերգներ է տվել Մոսկվայում, Լենինգրադում, ԽՍՀՄ տարբեր քաղաքներում, ինչպես նաև արտասահմանում՝ ԱՄՆ-ում, Կանադայում, Գերմանիայում, Լեհաստանում, Հարավսլավիայում։ Ֆրանսիայում (Փարիզ) նկարահանվել է «Նվագում է Թ. Ամիրեջիբին» ֆիլմը։
Թենգիզ Ամիրեջիբիի կատարումների շարքում առանձնակի տեղ են զբաղեցրել Ֆրեդերիկ Շոպենի ստեղծագործությունները։
Նշանավոր աշակերտներ
[խմբագրել | խմբագրել կոդը]- Մ. Դոիջաշվիլի, Վրաստանի ժողովրդական արտիստ, Թբիլիսիի կոնսերվատորիայի ռեկտոր,
- Ալեքսանդր Կորսանտիա, Բոստոնի ազգային համալսարանի պրոֆեսոր
- միջզագային բազմաթիվ մրցույթների դափնեկիրներ, մանկավարժներ և կատարողներ․
Մրցանակներ
[խմբագրել | խմբագրել կոդը]- 1951 թվականին Բեռլինում երիտասարդ կատարողների փառատոնում արժանացել է պատվավոր մեդալի,
- Վրաստանի ժողովրդական արտիստ
- Վրացական ԽՍՀ Շոթա Ռուսթավելու անվան պետական մրցանակ
- Պատվո շքանշան
Ծանոթագրություններ
[խմբագրել | խմբագրել կոդը]- ↑ კონსერვატორია" — თენგიზ ამირეჯიბი
- ↑ «СГ. Культура». Արխիվացված է օրիգինալից 2019 թ․ սեպտեմբերի 11-ին. Վերցված է 2021 թ․ մայիսի 26-ին.
Արտաքին հղումներ
[խմբագրել | խմբագրել կոդը]- Аида с мотоциклом Արխիվացված 2016-03-04 Wayback Machine: Интервью Тенгиза Амирэджиби // «Эксперт Украина», № 23 (120), 11 июня 2007.
- Սեպտեմբերի 30 ծնունդներ
- 1927 ծնունդներ
- Թբիլիսի քաղաքում ծնվածներ
- Մարտի 9 մահեր
- 2013 մահեր
- Մոսկվայի կոնսերվատորիայի շրջանավարտներ
- Վրացական ԽՍՀ ժողովրդական արտիստներ
- Անձինք այբբենական կարգով
- Երաժիշտներ այբբենական կարգով
- Վրացի դաշնակահարներ
- Վրացի մանկավարժներ
- Վրացական ԽՍՀ Շոթա Ռուսթավելու անվան պետական մրցանակի դափնեկիրներ
- Վրաստանի ժողովրդական արտիստներ
- Պատվո շքանշանի ասպետներ (Վրաստան)