Գլան (Շվեյցարիա)
| Բնակավայր | |||
|---|---|---|---|
| Գլան | |||
| ֆր.՝ Gland | |||
| |||
 | |||
| Երկիր |  Շվեյցարիա | ||
| Մակերես | 8,30 կմ², 8,32 կմ² | ||
| ԲԾՄ | 432 մետր, 416 մետր | ||
| Պաշտոնական լեզու | ֆրանսերեն | ||
| Բնակչություն | ▲13 106 մարդ (դեկտեմբերի 31, 2018)[1] | ||
| Հեռախոսային կոդ | 022 | ||
| Փոստային դասիչ | 1196 | ||
| Ավտոմոբիլային կոդ | VD | ||
| Պաշտոնական կայք | gland.ch | ||
| |||
Գլան (ֆր.՝ Gland), քաղաք և համայնք Շվեյցարիայի ֆրանսախոս Վո կանտոնի Նյոնի շրջանում; Այս քաղաքում են գտնվում Բնության պահպանության միջազգային միության, Վայրի բնության համաշխարհային հիմնադրամի, Ռամսարյան կոնվենցիայի շտաբ-բնակարաններն ու Swissquote ֆինանսական խմբի գլխավոր գրասենյակը։
Գլանն զբաղեցնում է 8.3 քառակուսի կիլոմետր տարածք։ Գտնվում է Ժնևի լճի և Côte տարածաշրջանի միջև։ 2011 թվականի ապրիլի 4-ից ներառվել է նորովի կազմավորված Նյոնի շրջանի մեջ[2]։
2017 թվականի դեկտեմբերի տվյալներով բնակչության թվաքանակը եղել է 13,078, որի 32.1%-ը օտարերկրացիներ էին[3]։ 1999–ից 2009 թվականն ընկած մեկ տասնամյակի ընթացքում բնակչության թվաքանակն աճել է 21.4%-ով (9.5%-ը՝ ներգաղթի, 12%-ը՝ ծնելիության աճի հաշվին)[4]։
Պատմություն[խմբագրել | խմբագրել կոդը]
Քաղաքի ներկայիս տարածքում մարդիկ բնակություն են հաստատել դեռևս նախապատմական ժամանակներում։ Հին հռոմեացիների տիրապետության շրջանում այստեղ եղել է Villa Glanis անվանումով ագարակ։ Պատմական փաստաթղթերում բնակավայրն առաջին անգամ հիշատակվել է 994 թվականին՝ որպես de Glans[5]:
1923 թվականին Գլանում անց է կացվել «Յոթերորդ օրվա ադվենտիստներ» կրոնական կազմակերպության եվրոպական բաժանմունքի հավաքը, որտեղ որոշում է ընդունվել՝ ռազմական գործողություններին մասնակցության հարցը թողնել հավատացյալներից յուրաքանչյուրի խղճին ու հայեցողությանը[6]։
Գլանի արևելյան ծայրամասով է անցել 1930-ական թվականներին Ժնևի լճից մինչև Յուրայի լեռներ ձգվող պաշտպանական ամրությունների գիծը, որ ստեղծվել էր արևելքից տանկային ներխուժումը կանգնեցնելու նպատակով։
Բնակավայրը որպես քաղաք սկսել է ձևավորվել միայն 1980-ական թվականների կեսերից, երբ շահագործման է հանձնվել Լոզանը Ժնևին կապող ավտոմայրուղին, որ անցնում է Գլանի մոտով. կտրուկ աճել է բնակչության թվաքանակը, ավելացել են արտադրական ու առևտրական ձեռնարկությունները։
Պատմամշակութային հուշարձաններ[խմբագրել | խմբագրել կոդը]
Գլանի մի շարք պատմամշակութային հուշարձաններ ընդգրկված են Շվեյցարիայի համազգային նշանակության պատմամշակութային ժառանգության ցանկում, այդ թվում՝ Լա Ռաջադան՝ վիլլայով հանդերձ[7]։
Պատկերասրահ[խմբագրել | խմբագրել կոդը]
-
Քաղաքի համայնապատկերը -
Լա Ռաջադա վիլլան -
Համայնքապետարանը -
Ռեֆորմիստական եկեղեցին -
Տեսարան հին քաղաքամասից -
Prangins վիլլան -
Երկաթուղային կայարանը -
Toblerones պաշտպանական ամրությունների գիծը -
Գլանի համայնապատկերը թռչնաթռիչքի բարձրությունից, 1972 թ. -
![Բնության պահպանության միջազգային կազմակերպության գրասենյակը[8]](//upload.wikimedia.org/wikipedia/commons/thumb/2/2f/IUCN_Headquarters_2016_%283%29.jpg/120px-IUCN_Headquarters_2016_%283%29.jpg)
Բնության պահպանության միջազգային կազմակերպության գրասենյակը[8] -
Ժնևի (Լեմանի) լճի ափը
![Բնության պահպանության միջազգային կազմակերպության գրասենյակը[8]](/wiki/%D5%8A%D5%A1%D5%BF%D5%AF%D5%A5%D6%80:IUCN_Headquarters_2016_(3).jpg)
Ժողովրդագրություն[խմբագրել | խմբագրել կոդը]
Քաղաքի բնակչության թվաքանակը պատմական ժամանակի ընթացքում կրել է հետևյալ փոփոխությունները[5][9]
Անվանի անձինք[խմբագրել | խմբագրել կոդը]
- Բերթ Բևերլի Բիչ (ծնվ. 1928) - ադվենտիստ աստվածաբան, համալսարանի դասախոս, գրող, բարեգործ
- Միխայել Շումախեր (ծնվ. 1969) - «Ֆորմուլա -1» ավտոմրցարշավի յոթնակի չեմպիոնը ապրել է Գլանում գտնվող իր վիլլայում[10]։
Ծանոթագրություններ[խմբագրել | խմբագրել կոդը]
- ↑ Ständige Wohnbevölkerung nach Staatsangehörigkeitskategorie Geschlecht und Gemeinde; Provisorische Jahresergebnisse; 2018 — FSO, 2019.
- ↑ Nomenklaturen – Amtliches Gemeindeverzeichnis der Schweiz Արխիվացված 2015-11-13 Wayback Machine (գերմ.) accessed 4 April 2011
- ↑ Swiss Federal Statistical Office - Superweb database - Gemeinde Statistics 1981-2008 Արխիվացված Հունիս 28, 2010 Wayback Machine (գերմ.) accessed 19 June 2010
- ↑ Swiss Federal Statistical Office Արխիվացված Հունվար 5, 2016 Wayback Machine accessed 21-July-2011
- ↑ 5,0 5,1 Gland in German, French and Italian in the online Historical Dictionary of Switzerland.
- ↑ Schroder, Corrie. «Seventh Day Adventists». UCSB Holocaust Oral History Project. Վերցված է 2015 թ․ հունիսի 26-ին.
- ↑ «Kantonsliste A-Objekte». KGS Inventar (German). Federal Office of Civil Protection. 2009. Արխիվացված է օրիգինալից 2010 թ․ հունիսի 28-ին. Վերցված է 2011 թ․ ապրիլի 25-ին.
{{cite web}}: CS1 սպաս․ չճանաչված լեզու (link) - ↑ — photos du siège de l'UICN https://www.iucn.org/fr/centre-de-conservation-de-luicn.
{{cite web}}: Cite has empty unknown parameters:|jour=,|auteur=,|mois=,|langue=, and|année=(օգնություն); Missing or empty|title=(օգնություն); Unknown parameter|consulté le=ignored (|access-date=suggested) (օգնություն); Unknown parameter|site=ignored (օգնություն); Unknown parameter|titre=ignored (|title=suggested) (օգնություն) - ↑ Swiss Federal Statistical Office STAT-TAB Bevölkerungsentwicklung nach Region, 1850-2000 Արխիվացված Սեպտեմբեր 30, 2014 Wayback Machine (գերմ.) accessed 29 January 2011
- ↑ Police is guarding the villa of Michael Schumacher - ee24.com Արխիվացված 2015-04-06 Wayback Machine accessed 12.09.2014
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Գլան (Շվեյցարիա)» հոդվածին։ |
| ||||||||||
