Աքշամ

Աքշամ; Akşam
Տեսակ	օրաթերթ
Լեզու	թուրքերեն
Գլխավոր խմբագիր	Falih Rıfkı Atay?
Հիմնադրվել է	1918
Հիմնադիր	Falih Rıfkı Atay?
Հրատարակիչ	Ilıcak Holding (1971—1997); Çukurova Holding (1997—2013); TMSF (2013); Türkmedya Yayın Grubu (2013—2016); Esmedya (2016- մինչ մեր օրերը)
Երկիր	Թուրքիա
Հրատարակման վայր	Ստամբուլ
Տպաքանակ	103 297
Կայք	aksam.com.tr
	Akşam Newspaper Վիքիպահեստում

Աքշամ (թուրքերեն՝ Akşam — «Երեկո, երեկոյան (թերթ)»), թուրքական օրաթերթ։ Օրաթերթի առաջին համարը լույս է տեսել 1918 թվականի սեպտեմբերի 20-ին Ստամբուլում` լրագրողներ Քյազիմ Շինասի Դերսանի, Ֆալիխ Ռըֆկը Աթայի, Ալի Նադջի Կարաջանի և Թուրքիայի արտաքին գործերի նախկին նախարար քաղաքագետ Նեդջեթ Սադաքի կողմից^[2]։ Կարգախոսն է` «Türkiye’nin gazetesi» (թուրք. Թուրքիայի թերթ)։

Մինչ 1920 թվականը թերթը լույս էր տեսնում միայն երեկոները։ 1957 թվականին թերթի սեփականատեր Մալիկ Յոլաչը այն վաճառեց և մինչ 1971 թվականը թերթը ունեցել է մի քանի սեփականատերեր, մինչև որ այն գնեց Ըլըջակ ընտանիքը։ Ընտանիքի ավագ Քեմալ Ըլըջաքի մահվանից հետո` 1993 թվականին այն գնեց բիզնեսմեն Ահմեդ Օզալը։ 1997 թվականից սկսած Akşam-ը պատկանում է Çukurova Holding-ին։ 2013 թվականի հունիսին թերթի գլխավոր խմբագիր դարձավ Բուրսա քաղաքից մեջլիսի նախկին պատգամավոր Մեհմեդ Օջակտանը։ 2013 թվականի նոյեմբերի 21-ին Çukurova Holding-ը և Sancak Medya Grubu վաճառեցին թերթը Türkmedya Yayın Grubu-ին, որը 2016 թվականին վերանվանվեց Esmedya և պատկանում է բիզնեսմեն Էթեմ Սանջաքին, ով Թուրքիայի նախագահ Ռեջեփ Թայիփ Էրդողանի մտերիմներից մեկն է^[3]։