Ամստերդամ-Հռենոս ջրանցք

Ամստերդամ-Հռենոս ջրանցք
Տեսակ	ջրանցք
Երկիր	Նիդերլանդներ
Գետաբերան	Վաալ

Ամստերդամ-Հռենոս ջրանցք^[1] (հոլ.՝ Amsterdam-Rijnkanaal), ջրանցք Նիդեռլանդներում, որը Ամստերդամը կապում է Հռենոսի հիմնական նավարկելի ճանապարհին։ Ջրանցքը հանդիսանում է կարևոր նավարկելի զարկերակ Ամստերդամ նավահանգստի և Գերմանիայի Ռուր շրջանի միջև, ինչպես նաև օգտագործվում է երկրի արևմտյան հատվածը ջրային ռեսուրսներով ապահովելու համար։

Ուղի

Ամստերդամյան Էյ նավահանգստից Բրյուկելեն քաղաք ջրանցքը գնում է դեպի հարավ, այնուհետև թեքվում է դեպի հարավ-արևմուտք և անցնում Ուտրեխտ քաղաքով։ Դրանից հետո ջրանցքը միանում է Մերվեդե ջրանցքին, Վեյկ-բեյ-Դյուրստեդե քաղաքի մոտ խաչվում է Լեկ գետի, այնուհետև Լինգե գետի հետ և Թիլ քաղաքից ոչ հեռու մոտենում է Վաալ գետ^[2] ին։ Ջրանցքի լայնությունը 100-ից 120 մետր է, խորությունը՝ մինչև 6 մետր։

Պատմություն

Երբ 1892 թվականին կառուցված Մերվեդե ջրանցքը (Ամստերդամից՝ Գորինխեմ) այլևս չէր բավարարում ավելացվող բեռնափոխադրումների ծավալների պահանջներին, որոշվում է կառուցել նոր ջրանցք։ Դիտարկվում է երեք նախագիծ, որոնցից 1930 թվականին ընտրվում է Ա․ Մյուսսերտի^[3] նախագիծը։ Համապատասխան օրենքը ընդունվում է 1931 թվականին, սակայն իրագործումը հետաձգվում է Երկրորդ Համաշխարհային Պատերազմի պատճառով։ Ամստերդամի և Ուտրեխտի միջև գոյություն ունեցող ջրային ուղին լայնացվում է, իսկ ջրանցքի հարավային հատվածը նորից է փորվում։

Ջրանցքի բացումը տեղի է ունեցել 1952 թվականի մայիսի 21-ին, 1965-1981 թվականներն ջրանցքը կատարելագործվել է։

Շլյուզներ

Շլյուզներ արքայադուստր Մարիի (Ռավենսվայ)
Շլյուզներ արքայադուստր Իռենի (Վեյկ-բեյ-Դյուրստեդե)
Շլյուզներ արքայազն Բեռնարդի (Թիլ)

Կամուրջներ

Ամստերդամում ջրանցքի տակով է անցնում Պիտ Հեյն (Piet Heintunne) թունելը, բացի այդ ջրանցքի վրա կառուցվել են շատ կամուրջներ, դրանց թվում՝

Ամստերդամսեբրյուգ (Amsterdamsebrug)
Կամուրջ A1 մայրուղի
Դե Մերնբյուրգ (De Meernbrug)
Հոգեվեյդեբրյուգ (Hogeweidebrug)
Կամուրջ արքայազն Կլաուսի (Prins Clausbrug)
Կամուրջ մայրուղի A27
Կամուրջ մայրուղի A15

Ծանոթագրություններ

Արտաքին հղումներ

«Amsterdam-Rijnkanaal» (հոլանդերեն). Արխիվացված է օրիգինալից 2008 թ․ դեկտեմբերի 9-ին.

[1] ttps://www.davidrumsey.com/luna/servlet/view/search?q=author=%22USSR%20(Union%20of%20Soviet%20Socialist%20Republics).%22

[2] ttps://datasets.iisg.amsterdam/dataset.xhtml?persistentId=hdl:10622/RPBVK4

[3] ttp://library.deakin.edu.au/search~S1*eng?/dMayors/dmayors/1%2C75%2C109%2CB/frameset&FF=dmayors&6%2C%2C16

[1]

[2]

[3]