Ամիրյան փողոց (Երևան)

Անվան այլ կիրառումների համար տե՛ս՝ Ամիրյան (այլ կիրառումներ)

Ամիրյան փողոց
Քաղաք	Երևան
Համայնք(ներ)	Կենտրոն վարչական շրջան
Երկարություն	900
Սկիզբ	Հանրապետության հրապարակ
Ավարտ	Սարյան փողոց
Նախկին անվանում	Նազարովսկայա Վռամշապուհի

Ամիրյան փողոց, փողոց Երևանի Կենտրոն վարչական շրջանում։ Անվանվել է ի պատիվ հայ բոլշևիկ հեղափոխական, լրագրող, հրապարակախոս, Բաքվի 26 կոմիսարներից մեկի՝ Արսեն Ամիրյանի։

Տվյալներ

Սկսվում է Հանրապետության հրապարակից և ձգվում մինչև Սարյան փողոցը։ Հատում է Եզնիկ Կողբացու փողոցը, Մաշտոցի պողոտան և Խորեն Աբրահամյան փողոցը։ Ամիրյան փողոցից սկիզբ է առնում Զաքյան փողոցը, ավարտվում է Քոչինյան փողոցը։

Նախասովետական ժամանակաշրջանում կոչվում էր Նազարովսկայա փողոց։ 1918-ից 1921 կրել է ՀՅԴ հիմնադիրներից Քրիստափորի անունը։ Հայաստանի անկախանալուց հետո, 1990-ական թվականներին, փողոցը մի քանի տարի կոչվել է Վռամշապուհ արքայի անունով, այնուհետև կրկին ստացել է նախկին անվանումը։

Նշանակալի օբյեկտներ

Ամիրյան 2 — Երևանի Ավետիք Իսահակյանի անվան գրադարանի նախկին շենքը։ 2010-ականներին քանդվել է, բացառությամբ ճակատային պատի մի մասի։

Ամիրյան 6 — Հռիփսիմյան օրիորդաց գիմնազիայի շենքը։ Կառուցվել է 1898 թվականին՝ Վասիլի Միրզոյանի նախագծով։ 1902-1905 թվականներին կառուցվել է երկրորդ հարկը և աջ կողմում ընդլայնվել։

Ամիրյան 9 — Եղիշե Չարենցի անվան թիվ 67 դպրոց։ Նախկինում նրա տեղում կանգնած էր Սուրբ Գրիգոր Լուսավորիչ եկեղեցին, որը քանդվել է 1939 թվականին խորհրդային իշխանությունների հրամանով։

Ամիրյան 26 — Երևանի թատրոնի և կինոյի պետական ​​ինստիտուտ

Պատկերասրահ

• 
  Հռիփսիմյան օրիորդաց գիմնազիայի նախկին շենքը (Ամիրյան 6)
• 
  1939 թվականին քանդված Սուրբ Գրիգոր Լուսավորիչ եկեղեցին
• 
  Եղիշե Չարենցի անվան թիվ 67 դպրոցի շենքը (Ամիրյան 9)
• 
  Երևանի թատրոնի և կինոյի պետական ինստիտուտ (Ամիրյան 26)

Տես նաև

• Երևանի փողոցների ցանկ
• Երևանի վարչական բաժանում

Աղբյուրներ

• Երևան քաղաքի քաղաքային նշանակության փողոցների ցանկ
• Երևան քաղաքի հասցեների տեղեկատու, Երևան, 1983, էջեր 369-506, Երևան քաղաքի փողոցների անվանումները
• Սերգեյ Ավագյան, Երևանի փողոցները, Երևան, «ՎՄՎ-ՊՐԻՆՏ», 2010 — 272 էջ։