Եղիշե Չարենցի անվան թիվ 67 դպրոց

Եղիշե Չարենցի անվան թիվ 67 դպրոց;
Տեսակ	դպրոց
Հիմնադրված է	1951
Անվանված է	Եղիշե Չարենց
Տնօրեն	Մարգարիտա Սարգսյան
Աշակերտներ	630
Երկիր	Հայաստան
Տեղագրություն	Երևան
Հասցե	Երևան, Կենտրոն վարչական շրջան, Ամիրյան փողոց 9

Եղիշե Չարենցի անվան թիվ 67 դպրոց, հանրակրթական դպրոց Երևանի Կենտրոն վարչական շրջանում։ Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում։

Պատմություն[խմբագրել | խմբագրել կոդը]

Դպրոցը հիմնադրվել է 1951 թվականին Ամիրյան 9 հասցեում։ Դպրոցի տեղում եղել է երկինք հառնող սյուներով մի խորան։ 1955 թվականին անվանակոչվել է հայ գրող Եղիշե Չարենցի անունով։ Հանրապետությունում առաջին դպրոցն է, որ 1961 թվականին ստացավ անգլերենի խորացված ուսուցման թույլտվություն։

Դպրոցն ունի իր ավանդույթները. Եղիշե Չարենցի ծննդյան և մահվան օրերի, հայ և օտարազգի մեծանուն բանաստեղծների և գրողների, պատմական և մշակութային գործիչների հոբելյանների նշումը, առաջին դասարանցիների երդման արարողությունը Եղիշե Չարենցի տուն-թանգարանում, շեքսպիրյան և սարյանական օրեր, բաց դասեր։ Հանդիսավոր նշվել է դպրոցի 50, 55 և 60-ամյակները։

1998 թվականից դպրոցը հանդիսանում է ՅՈՒՆԵՍԿՕ-ի դպրոցների ասոցիացիայի անդամ։ 1999 թվականին Տորոնտոյի ՀՕՄ-ի Ամենօրյա և ԱՄՆ-ի Ֆերհայան վարժարաննեի հետ դարձել է քույր-դպրոց։ Բարեկամական կապեր են հաստատվել Շոտլանդիայի հետ^[1]։

1957 թվականին դպրոցի բակում տեղադրվել է Եղիշե Չարենցի կիսանդրին (քանդակագործ՝ Ղուկաս Չուբարյան)։