1902 թվականին դարձել է Բուլղարիա երկրագործական ժողովրդական միության առաջնորդներից։ 1908 թվականից դարձել է ժողովրդական ժողովի, 1911 թվականին՝ ժողովրդական մեծ ժողովի դեպուտատ։ 1915 թվականին, Առաջին աշխարհամարտում բուլղարական կառավարության՝ Քառյակ միությանը միանալու որոշումը քննադատելու համար, դատապարտվել է ցմահ բանտարկության։ 1918 թվականին ազատվել է բանտից։ 1919—20, 1920— 1923 թվականներին եղել է կառավարության ղեկավար, իրականացրել է բարեփոխումներ։ Հանդես է եկել «Կանաչ» կամ «Երկրագործական» ինտերնացիոնալ (որպես եվրոպական երկրների ագրարային կուսակցությունների միավորում) ստեղծելու նախաձեռնությամբ։
1923 թվականի հունիսի 9-ի պետական հեղաշրջման հետևանքով Ստամբոլիսկիի կառավարությունը տապալվել է իսկ Ստամբոլիսկին դաժանաբար սպանվել։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 100)։
Բուլղարիա.svg)
Aleksandar Stamboliyski Վիքիպահեստում
