ԱՄՆ հանրային աշխատանքների վարչություն

ԱՄՆ հանրային աշխատանքների վարչություն;
Տեսակ	ԱՄՆ-ի կառավարության անկախ գործակալություն և կորպորացիա
Երկիր	ԱՄՆ
Հապավում	WPA
Նախորդող	Federal Emergency Relief Administration?
Հիմնադրված	մայիսի 6, 1935
Լուծարված	հունիսի 30, 1943
Պաշտ. լեզու(ներ)	անգլերեն

ԱՄՆ հանրային աշխատանքների վարչություն (1935 -1943), անկախ դաշնային գործակալություն, որը ստեղծվել է 1935 թվականին ԱՄՆ նախագահ Ֆրանկլին Դելանո Ռուզվելտի նախաձեռնությամբ, և որը առաջատար ուժ է դարձել միլիոնավոր գործազուրկների աշխատանքի տեղավորման համակարգում (հիմնականում՝ ոչ որակավորում ունեցող տղամարդկանց)^[4]։ Հասարակական նշանակալի աշխատանքների տակ ենթադրվում էր հասարակական շենքերի կառուցում, ավտոճանապարհների կառուցում, մարզադաշտերի, ամբարտակների, օդանավակայանների կառուցում։

Պատմություն[խմբագրել | խմբագրել կոդը]

[[ ԱՄՆ Կոնգրես]]ի առջև ելույթ ունենալով 1935 թվականի հունվարին՝ Ռուզվելտի մերձավոր զինակից Հարրի Գոպկինսը հայտարարել է, որ վարչակազմը մտադիր է նախագծում ներգրավել մինչև 3,5 միլիոն մարդու այն մարդկանց թվից, որոնց տնտեսական վիճակը հատկապես ծանր է եղել։

Ծրագրին անհատական մասնակցության իրավունք ստանալու համար դիմումատուն պետք է ԱՄՆ քաղաքացի լիներ 18 տարեկանից ոչ պակաս, աշխատունակ, գործազուրկ, ինչպես նաև ունենար կարիքավոր անձի վկայական, որը հաստատվում է գործակալության տեղական բաժանմունքի կողմից։

Կառավարման ցուցանակ Ստյուարտվիլ քաղաքի քաղաքապետարանի համար, Մինեսոտա, 1937

Գործակալության կազմ[խմբագրել | խմբագրել կոդը]

1935-1939 թվականներին վարչակազմը գլխավորել Է Հարի Լոյդ Գոպկինսը։

Արդյունքներ[խմբագրել | խմբագրել կոդը]

Ընդհանուր առմամբ հասարակական աշխատանքներում զբաղվածների թիվը, որոնք կազմակերպել է հանրային աշխատանքների վարչությունը (WPA) 1930-ականների երկրորդ կեսին և 1940-ականների սկզբին ԱՄՆ-ում հասել է 4 միլիոնի։ Հաշվի առնելով պետական աշխատանքներում ներգրավված ընտանիքների անդամներին՝ մինչև 20 միլիոն ամերիկացիներ բարելավել են իրենց կենսապայմանները։ Կառուցվել է ավելի քան մեկ միլիոն կիլոմետր ճանապարհ և տասնյակ հազարավոր կամուրջներ ամբողջ երկրում։ Միացյալ Նահանգների գրեթե յուրաքանչյուր համայնքում հայտնվել է նոր դպրոց, կամուրջ կամ զբոսայգի։ Նախագծի շրջանակներում կառուցվել են, մասնավորապես, ԱՄՆ նախագահ Քեմփ Դևիդի (1935-1938) քաղաքամերձ նստավայրը, Սան Ֆրանցիսկոյի «Ոսկե դարպասներ» կամուրջը (1933-1937), Գրիֆիտի աստղադիտարանը (1933-1935)։

Քննադատները WPA-ին մեղադրել են պետական միջոցների անմիտ փոշիացման մեջ, որոնք օգտագործվում են որպես թաքնված գործազրկության նպաստ։ Նաև հանդիմանել են ծրագրի նախաձեռնողներին՝ դեմոկրատական կուսակցության տեղական ղեկավարներին և նրանց հավատարիմ ընտրողներին աջակցելու ձգտման համար^[5]։