Stranger in Moscow

Վիքիպեդիայից՝ ազատ հանրագիտարանից
Jump to navigation Jump to search
«Stranger in Moscow»
Մայքլ Ջեքսոնի սինգլը
«HIStory: Past, Present and Future, Book I» ալբոմից
Թողարկված4 նոյեմբերի, 1996
Ֆորմատ7", 12", CD
Ձայնագրված1993-1994
Ժանրռիթմ ընդ բլյուզ
Տևողություն5:44
ԼեյբլEpic Records
ՊրոդյուսերՄայքլ Ջեքսոն
Մայքլ Ջեքսոնի սինգլների ժամանակագրություն
«They Don’t Care About Us»
(1996)
«Stranger in Moscow»
(1996)
«Blood on the Dance Floor»
(1997)
YouTube full-color icon (2017).svg «Stranger in Moscow»

«Stranger in Moscow» (հայ․՝ Օտարերկրացին Մոսկվայում), ամերիկացի հեղինակ-կատարող Մայքլ Ջեքսոնի երգը, նրա HIStory: Past, Present and Future, Book I իններորդ ստուդիական ալբոմի հինգերորդ սինգլը։ Այն միայնության մասին թախծոտ բալլադ է ռիթմ ընդ բլյուզ ժանրում, հեղինակն ու պրոդյուսերը Մայքլ Ջեքսոնն է։ Երգի ստեղծումը խթան է դարձել նոր լիարժեք ստուդիական ալբոմի թողարկման համար։

Սինգլը Եվրոպայի երկրներում թողարկվել է 1996 թվականի նոյեմբերին, իսկ ԱՄՆ-ում կես տարի անց թողարկվել են երգի ռեմիքսները։ «Stranger in Moscow» երգն զբաղեցրել է չորրորդ հորիզոնականը Մեծ Բրիտանիայի հիթ-շքերթում և հինգերորդը Շվեյցարիայում, ինչպես նաև ընդգրկվել է լավագույն տասնյակում Ավստրիայի, Նիդերլանդների և Նոր Զելանդիայի հիթ-շքերթներում։ «Stranger in Moscow» երգի տեսահոլովակը նկարահանվել է ռեժիսոր և լուսանկարիչ Նիք Բրանդտի կողմից։

Ստեղծման պատմություն և առանձնահատկություններ[խմբագրել | խմբագրել կոդը]

«Stranger in Moscow» երգը գրվել է Ջեքսոնի կողմից 1993 թվականին մոսկովյան հյուրանոցներից մեկի համարում։ Երաժշտն սկսել է հորինել երգը անձրևոտ առավոտյան, նա կանչել է հնչյունային ռեժիսոր Բրեդ Բաքսերին, և նրանք միասին ստեղծել են գրեթե ողջ երգը մեկուկես ժամվա ընթացքում․ նախ՝ ակորդների հիմնական հաորդականությունը, ապա մեղեդին։ Ավելի ուշ Ջեքսոնը գրել է տեքստը և արել գործիքավորումը[1]։ Երաժիշտը պատմել է, թե այդ ժամանակն իր համար ծանր շրջան էր, ու ինքը միայնակ էր, և «Stranger in Moscow» երգի տեքստը պատմում է «աշխարհի աչքի առաջ հանկարծակի մահացու անկման մասին» (անգլ.՝ «Swift and sudden fall from grace»)[1][2]։ Երգը դանդաղ տեմպի ստեղծագործություն է, որ ձայնագրված է լյա-բեմոլ մաժոր տոնայնությամբ[3]։ Այն սկսվում է անձրևի ձայնով, ապա սկսվում է պերկուսիան, որի համար օգտագործվել է Ջեքսոնի բիթբոքսը, և կիթառի նվագ[4]։

HIStory: Past, Present and Future, Book I ալբոմը նախապես պլանավորված էր որպես Ջեքսոնի հիթերի հավաքածու մի քանի նոր երգերով, սակայն հենց «Stranger in Moscow» երգն է խթան հանդիսացել, որպեսզի այդ հրատարակությունը թողարկվի որպես լիարժեք ստուդիական ալբոմ՝ նոր նյութով[1]։

Սինգլի թողարկում և քննադատների արձագանքներ[խմբագրել | խմբագրել կոդը]

«Stranger in Moscow» երգը թողարկվել է 1996 թվականի նոյեմբերի 4-ին որպես Մայքլ Ջեքսոնի HIStory: Past, Present and Future, Book I ստուդիական ալբոմի հինգերորդ սինգլ։ Եվրոպայում այն հրատարակվել է վինիլային սկավառակներով, կասետներով ու CD սկավառակներով։ Մասնավորապես Մեծ Բրիտանիայում թողարկվել է երկու սկավառակից բաղկացած CD-հրատարակությամբ[5]։ ԱՄՆ-ում թողարկվել են միայն երգի ռեմիքսները[6]։ Շապիկի նկարն արվել է 1993 թվականին՝ Ջեքսոնի՝ Մոսկվա կատարած ուղևորության ժամանակ։ «Stranger in Moscow» երգն զբաղեցրել է չորրորդ հորիզոնականը Մեծ Բրիտանիայի հիթ-շքերթում, եղել է երկրորդն Իտալիայում և հինգերորդը Շվեյցարիայում, ինչպես նաև ընդգրկվել է Ավստրիայի, Նիդերլանդների ու Նոր Զելանդիայի հիթ-շքերթների լավագույն տասնյակներում[7][6][8]։

Rolling Stoneի լրագրողը գրել է, թե երգի հիշեցնում է 1980-ական թվականների սինթի փոփ[9]։ New York Times-ում գրել են․ «Սա մեղեդային կոմպոզիցիա է տարօրինակ տեքստով, որ ունի հիանալի կրկներգ»[10]։ Ebony-ում «Stranger in Moscow» երգը համարել են «հաճելի հասուն բալլադ»[11]։ Allmusic պորտալի տեսաբանների կարծիքով՝ սա Ջեքսոնի ամենահիշվող երգերից մեկն է[12]։ Entertainment Weekly հրատարակության քննադատը գրել է․ «Ստեղծել այսպիսի բազմաշերտ հնչողություն, այսպիսի մանրամասն մտածված գործիքավորում, ինչպիսին „Stranger in Moscow“-ն է, կարող է միայն Ջեքսոնը»[13]։ «Սա շատ թերագնահատված երգ է Ջեքսոնի կատալոգում․ բացառիկ պրոդյուսերական աշխատանք, հիպնոտիկ բիթբոքս, զգացմունքային տեքստ, գործիքավորում, հուզիչ կատարում»,– գրել է Renownedforsound.com կայքի գրախոսը[14]։

Երաժշտական տեսահոլովակ[խմբագրել | խմբագրել կոդը]

«Stranger in Moscow» երգի տեսահոլովակը նկարահանվել է ռեժիսոր և լուսանկարիչ Նիք Բրանդտի կողմից, ում հետ երգիչն արդեն աշխատել էր «Earth Song» տեսահոլովակի նկարահանման ժամանակ[6]։ Ըստ սև-սպիտալ հոլովակի սյուժեի՝ Ջեքսոնը միայնակ, առանց որևէ մեկի կողմից ճանաչվելու թափառում է փողոցներում անձրևի տակ, իսկ աշխարհը նրա շուրջը շարժվում է դանդաղացված ռիթմով։ Ցուցադրվում են նաև տեսարաններ վեց անծանոթ մարդկանց կյանքից, որոնք նույնքան միայնակ են։ Մոտավորապես տեսահոլովակի մեջտեղում նրանք բոլորը դուրս են գալիս ուժեղ անձրևի տակ։ Քննադատներն այդ պահը բնութագրել են որպես ինքնատիպ «մաքրման ակտ»․ հերոսները կարծես թե դրա միջոցով ձեռք են բերում ընդհանրության ու հարազատության զգացում[15]։

Հոլովակը ներառվել է Ջեքսոնի տեսահոլովակների HIStory on Film, Volume II և Michael Jackson’s Vision հավաքածուներում[16][17]։

Երգացանկ[խմբագրել | խմբագրել կոդը]

  • Եվրոպա CD (համարը Epic Records կատալոգում՝ EPC 663352 0)[18]
# Անվանում Տևողություն
1. «Stranger In Moscow» (Album version) 5:43
2. «Stranger In Moscow» (Tee's Radio Mix) 4:21
3. «Stranger In Moscow» (Basement Boys 12" Dance Club Mix) 4:39
  • Ամերիկայի Միացյալ Նահանգներ 7" (համարը Epic Records կատալոգում՝ 34 78012)[18]
Сторона A
# Անվանում Տևողություն
1. «Stranger In Moscow» (Album version) 5:43
Сторона B
# Անվանում Տևողություն
2. «Stranger In Moscow» (Tee's Radio Mix) 4:21
  • Ամերիկայի Միացյալ Նահանգներ 12" (համարը Epic Records կատալոգում՝ 49-78013)[18]
Сторона A
# Անվանում Տևողություն
1. «Stranger In Moscow» (Hani's Num Club Mix) 10:15
2. «Stranger In Moscow» (TNT Danger Dub) 7:21
Сторона B
# Անվանում Տևողություն
3. «Stranger In Moscow» (Basement Boys 12" Club Mix) 8:18
4. «Blood on the Dance Floor» (T & G Pool Of Blood Dub) 7:34

Ձայնագրության մասնակիցներ[խմբագրել | խմբագրել կոդը]

  • Մայքլ Ջեքսոն – տեքստ, երաժշտություն, վոկալ, բեք վոկալ, գործիքավորում, պերկուսիա
  • Բրեդ Բաքսեր – գործիքավորում, պերկուսիա, լարայիններ
  • Բրեդ Բաքսեր, Դևիդ Պեյչ, Սթիվ Պորկարո – սինթեզատոր, բաս կիթառ
  • Բրեդ Բաքսեր, Սթիվ Լյուկատեր – ֆոնային կիթառ
  • Էնդրյու Շեպս – սինքլավիր

Հիթ-շքերթներ[խմբագրել | խմբագրել կոդը]

Հիթ-շքերթ (1996) Ամենաբարձր
հորիզոնական
Ավստրալիա Ավստրալիա[19] 14
Ավստրիա Ավստրիա[20] 7
Բելգիա Բելգիա (Վալոնիա)[21] 21
Բելգիա Բելգիա (Ֆլանդրիա)[22] 26
Մեծ Բրիտանիա Մեծ Բրիտանիա[7] 4
Գերմանիա Գերմանիա[23] 21
Դանիա Դանիա[6] 8
Իռլանդիա Իռլանդիա[24] 13
Իտալիա Իտալիա[6] 2
Նիդերլանդներ Նիդերլանդներ[8] 6
Նոր Զելանդիա Նոր Զելանդիա[25] 6
Ֆինլանդիա Ֆինլանդիա[26] 14
Ֆրանսիա Ֆրանսիա[27] 18
Շվեյցարիա Շվեյցարիա[28] 5
Շվեդիա Շվեդիա[29] 21

Ծանոթագրություններ[խմբագրել | խմբագրել կոդը]

  1. 1,0 1,1 1,2 Вогель, 2013, էջ 245
  2. White, 2009
  3. «Stranger In Moscow By Michael Jackson — Digital Sheet Music» (անգլերեն)։ musicnotes.com։ Վերցված է 2016-09-02 
  4. Вогель, 2013, էջ 246
  5. «Michael Jackson ‎— Stranger In Moscow» (անգլերեն)։ Discogs։ Վերցված է 2016-08-18 
  6. 6,0 6,1 6,2 6,3 6,4 Halstead et al, 2003, էջ 139
  7. 7,0 7,1 «Michael Jackson. Artist» (անգլերեն)։ Official Charts Company։ Արխիվացված օրիգինալից-ից 2015-06-04-ին։ Վերցված է 2016-07-26 
  8. 8,0 8,1 «Michael Jackson — Stranger in Moscow» (հոլանդերեն)։ Hung Medien։ Վերցված է 2016-07-26 
  9. Hunter James. (1995-08-10)։ «Michael Jackson: HIStory: Past, Present, Future, Book I» (անգլերեն)։ Rolling Stone։ Արխիվացված օրիգինալից-ից 2016-08-18-ին։ Վերցված է 2016-09-01 
  10. Pareles Jon. (1995-06-18)։ «Pop View; Michael Jackson Is Angry, Understand?» (անգլերեն)։ The New York Times։ Արխիվացված օրիգինալից-ից 2016-04-29-ին։ Վերցված է 2016-09-01 
  11. Noment, Lynn. Sounding Off, The Best Recorded Music(անգլ.) // Ebony : журнал. — 1995. — Т. 50. — № 11. — С. 20. — ISSN 0012-9011.
  12. Erlewine Stephen Thomas.։ «HIStory: Past, Present, and Future, Book I — Michael Jackson» (անգլերեն)։ Allmusic։ Արխիվացված օրիգինալից-ից 2016-04-02-ին։ Վերցված է 2016-09-01 
  13. Browne David. (1995-06-23)։ «History» (անգլերեն)։ Entertainment Weekly։ Արխիվացված օրիգինալից-ից 2015-09-25-ին։ Վերցված է 2016-09-01 
  14. Lee Andrew. (2014-01-02)։ «Record Rewind: Michael Jackson — HIStory: Past, Present, Future Book 1» (անգլերեն)։ renownedforsound.com։ Արխիվացված օրիգինալից-ից 2015-10-24-ին։ Վերցված է 2017-02-18 
  15. Вогель, 2013, էջ 247
  16. «Michael Jackson ‎— HIStory On Film (Volume II)» (անգլերեն)։ Discogs։ Վերցված է 2016-09-02 
  17. «Michael Jackson ‎— Vision» (անգլերեն)։ Discogs։ Վերցված է 2016-09-02 
  18. 18,0 18,1 18,2 «Michael Jackson ‎— Stranger In Moscow» (անգլերեն)։ Discogs։ Վերցված է 2016-09-02 
  19. «Michael Jackson — Stranger in Moscow» (անգլերեն)։ Hung Medien։ Վերցված է 2016-07-26 
  20. «Michael Jackson — Stranger in Moscow» (գերմաներեն)։ Hung Medien։ Վերցված է 2016-07-26 
  21. «Michael Jackson — Stranger in Moscow» (ֆրանսերեն)։ Hung Medien։ Վերցված է 2016-07-26 
  22. «Michael Jackson — Stranger in Moscow» (հոլանդերեն)։ Hung Medien։ Վերցված է 2016-07-26 
  23. «Officelle Deutsche Charts» (գերմաներեն)։ offiziellecharts.de։ Վերցված է 2015-07-26 
  24. «Search The Charts» (անգլերեն)։ IRMA։ Վերցված է 2016-07-26 
  25. «Michael Jackson — Stranger in Moscow» (անգլերեն)։ Hung Medien։ Վերցված է 2016-07-26 
  26. «Michael Jackson — Stranger in Moscow» (անգլերեն)։ Hung Medien։ Վերցված է 2016-07-26 
  27. «Michael Jackson — Stranger in Moscow» (ֆրանսերեն)։ Hung Medien։ Վերցված է 2016-07-26 
  28. «Michael Jackson — Stranger in Moscow» (գերմաներեն)։ Hung Medien։ Վերցված է 2016-07-26 
  29. «Michael Jackson — Stranger in Moscow» (անգլերեն)։ Hung Medien։ Վերցված է 2016-07-26 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]