LA (երգ)
«LA» | ||||
---|---|---|---|---|
Ty Dolla Sign-ի, Քենդրիկ Լամարի, Բրենդիի և Ջեյմս Ֆաունտլերոյի երգը «Free TC» ալբոմից | ||||
Թողարկված | 2015 | |||
Տևողություն | 5:07 | |||
Լեյբլ | Taylor Gang Records, Pu$haz Ink, Atlantic Records | |||
Հեղինակ | Ty Dolla Sign, Քենդրիկ Լամար, Բրենդի, Ջեյմս Ֆաունտլերոյ, Chordz, Նաթանիել Հովարդ, Իվ Բազալես, D’Mile, Դարիուս Լոգան, Դոմինիկ Լոգան | |||
Պրոդյուսեր | Ty Dolla Sign, Chordz, D’Mile | |||
Free TC ալբոմի երգացանկ | ||||
|
«LA» (նաև հայտնի է որպես «L.A.», Los Angeles անվան հապավումը), ամերիկացի R&B/հիփ հոփ երգիչ Ty Dolla Sign-ի երգը, որում իրենց մասնակցությունն ունեն նաև ռեփեր Քենդրիկ Լամարը, երգչուհի Բրենդին և երգիչ Ջեյմս Ֆաունտլերոյը։ Այն ընդգրկվել է Թայի «Free TC» անվանումը կրող առաջին ստուդիական ալբոմում, որը թողարկվել է 2015 թվականի նոյեմբերին։
Նախապատմություն[խմբագրել | խմբագրել կոդը]
Դեռ 2014 թվականին Թայը արդեն հայտարարել էր, որ իր «Free TC» ալբոմի համար համագործակցելու է ռեփեր Քենդրիկ Լամարի հետ և ձայնագրելու է «LA» երգը[1]։ 2015 թվականի մայիսին առանց Թայի թույլատվության համացանցում հայտնվեց երգի նախնական տարբերակը, որում իրենց մասնակցությունն ունեին Քենդրիկ Լամարը և D&D դուետը[2]։ Թայը այն անվանեց «ոչ պաշտոնական տարբերակ», սակայն նաև նշեց, որ դրա վերջնական տարբերակը «շատ ավելի լավն է լինելու»[3]։ Դրանից որոշ ժամանակ հետո, Թայը հայտարարեց, որ իր ալբոմում լինելու է համագործակցություն երգչուհի Բրենդիի հետ[4]։ Հոկտեմբերի 15-ին երբ հրապարակվեց ալբոմի վերջնական երգացանկը, պարզ դարձավ, որ «LA» երգում իր մասնակցությունն ունի նաև երգիչ Ջեյմս Ֆաունտլերոյը, իսկ D&D դուետի անունը բացակայում է[5]։ Երգի վերջնական տարբերակը ներկայացվեց նոյեմբերի 5-ին Real 92.3 ռադիոկայանի եթերում[6]։ «Free TC» ալբոմը, որում ներառված է «LA» երգը, վաճառքի դուրս եկավ նոյեմբերի 13-ին[6]։
«LA»-ը 5 րոպե և 7 վայրկյան տևողությամբ ստեղծագործություն է նվիրված Լոս Անջելես քաղաքին, որը Թայի ծննդավայրն է[7][8]։ Թայը այն համեմատել է ռեփեր Ջեյ Զիի և երգչուհի Ալիշա Քիզի «Empire State of Mind» երգի հետ, որը Նյու Յորք քաղաքի մասին է[1]։
Քննադատական արձագանքներ[խմբագրել | խմբագրել կոդը]
Radio.com կայքի լրագրող Ջոնաթան Հեյլին գրել է, որ Քենդրիկ Լամարը իր հատվածով ունկնդիրների ամբողջ ուշադրությունը հրավիրում է իր վրա[9]։ «Uproxx»-ի բլոգեր Գատին դրական կարծիք է հայտնել երգի մասին՝ գրելով, որ այն նոր իմաստ է տալիս Լոս Անջելեսի «Հրեշտակների քաղաք» անվանը[10]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Ty Dolla $ign Calls Upcoming Collaboration With Kendrick Lamar the L.A. Equivalent of Jay Z's "Empire State of Mind"». Complex. 2014 թ․ մարտի 13. Վերցված է 2015 թ․ նոյեմբերի 8-ին.
- ↑ «Ty Dolla $ign – "L.A." (Feat. Kendrick Lamar)». Stereogum. 2015 թ․ մայիսի 26. Վերցված է 2015 թ․ նոյեմբերի 8-ին.
- ↑ «Ty Dolla $ign Talks "Free TC", Leaked "L.A." Track With Kendrick Lamar & More». HotNewHipHop. 2015 թ․ հունիսի 3. Արխիվացված է օրիգինալից 2015 թ․ սեպտեմբերի 6-ին. Վերցված է 2015 թ․ նոյեմբերի 8-ին.
- ↑ «Ty Dolla $ign Reveals Upcoming Collaborations With T.I. And Brandy». HotNewHipHop. 2015 թ․ հուլիսի 8. Վերցված է 2015 թ․ նոյեմբերի 8-ին.
- ↑ «Ty Dolla $ign Reveals Free TC Tracklist Featuring Kendrick Lamar, Kanye West, Fetty Wap, Future, More». Pitchfork Media. 2015 թ․ հոկտեմբերի 15. Վերցված է 2015 թ․ նոյեմբերի 8-ին.
- ↑ 6,0 6,1 «Ty Dolla $ign Grabs Kendrick Lamar, Brandy, and James Fauntleroy For "L.A."». Complex. 2015 թ․ նոյեմբերի 5. Վերցված է 2015 թ․ նոյեմբերի 7-ին.
- ↑ «Free TC by Ty Dolla $ign». iTunes. Վերցված է 2015 թ․ նոյեմբերի 8-ին.
- ↑ «New Music: Ty Dolla $ign feat. Kendrick Lamar, Brandy, & James Fauntleroy – 'LA'». Rap-Up. 2015 թ․ նոյեմբերի 5. Վերցված է 2015 թ․ նոյեմբերի 8-ին.
- ↑ «Listen To Ty Dolla $ign's 'L.A.' Featuring Brandy, Kendrick Lamar & James Fauntleroy». Radio.com. 2015 թ․ նոյեմբերի 5. Վերցված է 2015 թ․ նոյեմբերի 8-ին.
- ↑ «Ty Dolla $ign Shows Major Love To 'LA' With Kendrick Lamar, Brandy And James Fauntleroy». Uproxx. 2015 թ․ նոյեմբերի 5. Վերցված է 2015 թ․ նոյեմբերի 8-ին.
Արտաքին հղումներ[խմբագրել | խմբագրել կոդը]
- Երգի աուդիոն ՅուԹյուբ վիդեոհոսթինգում
- Երգի տեքստը Արխիվացված 2015-09-05 Wayback Machine MetroLyrics կայքում
|