LAR-160 (ՀԿՌԿ)

LAR-160
	LAR-160 համազարկային կրակի ռեակտիվ կայանք
Տեսակ	համազարկային կրակի ռեակտիվ կայանք
Կարգ	ՀԿՌԿ
Փորձարկման սկիզբ	1983 թ․
Արտադրող	Իսրայել
Արտադրման տարիներ	1983 թ․ ի վեր
Քաշ	1․6 - 1․8 տոննա
Մարտագլխիկ	570 կգ, խիստ պայթուցիկ, բեկորաֆուգասային և թափանցող
Մեքենայի Քաշ	19․2 տոննա
Մեքենայի Երկարություն	4․88 մ
Մեքենայի Բարձրություն	2․5 մ
Մեքենայի Լայնություն	2․51 մ
Հրթիռների քանակ	36
Հրթիռների երկարություն	5 մ
Հրթիռների տրամագիծ	160 մմ
Կրակի Հեռահարություն	7-8 կմ
Կրակի Տևողություն	18 վրկ

LAR-160 - իսրայելական արտադրության համազարկային կրակի ռեակտիվ կայանք։

Պատմություն

Նախագծվել է իսրայելական Israel Military Industries LTD (TAAS) ընկերության կողմից 1970-ական թթ․։ Սկսել է օգտագործվել Իսրայելի զինված ուժերում 1983 թ․։

Համակարգն ակտիվ օգտագործվել է 2008 թ․ Ռուս-վրացական պատերազմում՝ Վրաստանի բանակի կողմից Ռուսաստանի և Հարավային Օսեթիայի զինված ուժերի դեմ։ Այս համակարգերն արդյունավետ են եղել Օսեթիայի ստատիկ թիրախները և ռուսական խոշոր տրանսպորտային միջոցները ոչնչացնելու համար, դրանց միջոցով ոչնչացվել են ռուսական բեռնատար ավտոմեքենաներ և կասեցվել է զրահատեխնիկայի առաջխաղացումը^[1]։

Ռումինիան օգտագործում է LAROM կոչվող սեփական տարբերակը, իսկ Արգենտինան՝ TAM VCLC տարբերակը։

2020 թ․ հոկտեմբերի 3-ին Ադրբեջանի զինված ուժերն օգտագործել են LAR-160 համակարգը՝ թիրախավորելով Արցախի Հանրապետության քաղաքացիական բնակչությանը^[2]^[3]^[4]։

Կառուցվածք

Մեկնարկային կայանքը հարմարեցված է М-548 ամերիկյան թրթուրային փոխադրիչի վրա, բայց ունի մոդուլային կառուցվածք, որը թույլ է տալիս մոնտաժել այն տարբեր տեսակի անիվների վրա։ Փաթեթում ներառված մեկնարկային կայանքը կարող է կազմել 18, 26, 36 և 50 հրթիռ։ Փաթեթները լիցքավորվում են ռեակտիվ արկերով և հերմետիկ փակվում են գործարանային պայմաններում։ Պահպանման ժամկետը մինչև 15 տարի է։

Համաձայն Halo Trust կազմակերպության զեկույցի՝ Ադրբեջանն օգտագործել է LAR-160 կայանքը 2016 թ․ Քառօրյա պատերազմի ժամանակ Արցախի Հանրապետության հայաբնակ բնակավայրերը M095 տեսակի կասետային ռումբերով ռմբակոծելու նպատակով^[5]^[6]։

Տակտիկ-տեխնիկական բնութագիր

Տրամաչափ	160 մմ
Հրթիռների քանակ	36 հատ
Արկի ծավալը	100 կգ
Կրակի նվազագույն հեռավորություն	7-8 կմ
Կրակի առավելագույն հեռավորություն	45 կմ
Մեկնարկային կայանքի ծավալը մարտական դիրքում	19․2 տոննա
Մեկնարկային կայանքի չափսերն ընթացքի ժամանակ	4․88 × 2․51 × 2․5 մ
Համազարկի շարունակականություն	18 վրկ
Լիցքավորման ժամանակ	10 րոպե
Մարտական հաշվարկ	5-6 մարդ
Սկսել է կիրառվել	1983 թ․

Սպառազինություն

Արգենտինա — TAM VCLC
Ադրբեջան — 30 միավոր LAR-160
Վենեսուելա — 20 միավոր՝ 2016 թ․ դրությամբ^[7]
Վրաստան — 2007 թ․ Վրաստանի կառավարությունը պաշտոնապես հայտարարեց 6 միավորի ձեռքբերման մասին
Իսրայել — 50 միավոր LAR-160՝ 2016 թ․ դրությամբ^[8]
Ռուանդա — 5 միավոր՝ 2016 թ․ դրությամբ^[9]
Չիլի — 12 միավոր՝ 2016 թ․ դրությամբ^[10]