Ֆրիդրիխ Գրիմ Կրտսեր

Ֆրիդրիխ Գրիմ Կրտսեր;
Ծնվել է	մարտի 11, 1707
Ծննդավայր	Հանաու, Մայն Կինցիգ, Դարմշտադտի վարչական շրջան, Հեսսեն, Գերմանիա
Մահացել է	մարտի 20, 1777 (70 տարեկան)
Մահվան վայր	Steinau an der Straße, Մայն Կինցիգ, Դարմշտադտի վարչական շրջան, Հեսսեն, Գերմանիա
Քաղաքացիություն	Գերմանիա
Կրոն	բողոքականություն
Մասնագիտություն	աստվածաբան
Ծնողներ	հայր՝ Ֆրիդրիխ Գրիմ Ավագ
Երեխաներ	Յուլիանա Շառլոտա Գրիմ և Ֆիլիպ Վիլհելմ Գրիմ

Ֆրիդրիխ Գրիմ Կրտսեր (գերմ.՝ Friedrich Grimm der Jüngere, մարտի 11, 1707(1707-03-11), Հանաու, Մայն Կինցիգ, Դարմշտադտի վարչական շրջան, Հեսսեն, Գերմանիա - մարտի 20, 1777(1777-03-20), Steinau an der Straße, Մայն Կինցիգ, Դարմշտադտի վարչական շրջան, Հեսսեն, Գերմանիա), կալվինական քահանա, Գրիմ եղբայրների պապը։

Կենսագրություն[խմբագրել | խմբագրել կոդը]

Ֆրիդրիխ Գրիմը ծնվել է 1707 թվականի մարտի 11-ին Հանաու քաղաքում։ Ժառանգել է հոր՝ Ֆրիդրիխ Գրիմ Ավագի (1672-1748) ծուխը. գլխավորել է Հանաու քաղաքի կալվինական համայնքը, իսկ այնուհետև ամբողջ Հանաու-Մյունցենբերգ կոմսությունը։ Սովորել է Հանաու քաղաքի բարձրագույն դպրոցում, այնուհետև՝ Բրեմենի Հին դպրոցում, ապա՝ Հայդելբերգի համալսարանի աստվածաբանության ֆակուլտետում։ 1730 թվականին ընդունել է Շտայնաու-ան-դեր-Շտրասսե քաղաքի սուրբ Եկատերինա եկեղեցու ծուխը, որը գլխավորել է 47 տարի և իր ծխականներից ստացել «Ջերմեռանդ հովիվ և հոգիների խնամակալ» կոչումը^[1]։ 1734 թվականի հոկտեմբերի 6-ին ամուսնացել է Հանաու-Մյունցենբերգի կոմսության բակային դատարանի խորհրդականի դստեր՝ Քրիստինե Ելիզավետա Հայլմաննի հետ (1715-1754)։ Ունեցել են 8 որդի և 3 աղջիկ, որոնց մեծ մասը մահացել են մանկության շրջանում։ Քրիստինա Ելիզավետան մահացել է ծննդաբերության ժամանակ՝ 39 տարեկան հասակում։ Ֆրիդրիխ Գրիմը կնոջ մահը չափազանց ծանր է տարել։ Նա կարգադրել է կնոջը հուղարկավորել սուրբ Եկատերինայի մայր տաճարի բեմի և ամբիոնի (որի մոտից նա քարոզներ էր կարդում) միջև։ Ըստ Վիլհելմ Գրիմի վկայության՝ Ֆրիդրիխ Գրիմը ամեն երկուշաբթի և բոլոր եկեղեցական տոներին կնոջ շիրիմին թարմ վարդեր է տարել^[2]։ Տնտեսության վարումն ու եղբայրներին (այդ թվում նաև Ֆիլիպ Վիլհելմ Գրիմին՝ Գրիմ եղբայրների հորը) խնամելն իր վրա է վերցրել Ֆրիդրիխ Գրիմի մեծ աղջիկը՝ Յուլիանա Շառլոտա Ֆրեդերիկան (1735-1796, ամուսնական ազգանունը՝ Շլեմեր)։ Յակոբ Գրիմն իր գրառումներում փոխանցել է ամենավառ հիողությունները «սիրելի հորաքույր Շլեմերի» մասին^[3]։ Ֆրիդրիխ Գրիմ Կրտսերը մահացել է 70 տարեկան հասակում՝ քնած ժամանակ, և թաղվել է Շտայնաու քաղաքի Նոր գերեզմանատանը՝ խոշոր շիրմաքարի տակ։ 1997 թվականին նրա աճյունը տեղափոխվել է սուրբ Եկատերինա եկեղեցի, և այժմ հանգչում է իր կնոջ գերեզմանի կողքին^[4]։

Ծանոթագրություններ[խմբագրել | խմբագրել կոդը]

↑ Hock S. Grimms Hessen: Ein literarischer Reiseführer auf den Spuren der Brüder Grimm. Frankfurt-am-Main, 2007. S. 28.
↑ Письмо Вильгельма Гримма Ахиму фон Арниму 26 декабря 1926. Цит по: Hock S. Idem. S. 29.
↑ Ginschel G. Der junge Jacob Grimm. Berlin, 1989. S. 33 und ff.
↑ Brüder Grimm in Steinau(չաշխատող հղում) Deutsche Märchenstraße

[1] Hock S. Grimms Hessen: Ein literarischer Reiseführer auf den Spuren der Brüder Grimm. Frankfurt-am-Main, 2007. S. 28.

[2] Письмо Вильгельма Гримма Ахиму фон Арниму 26 декабря 1926. Цит по: Hock S. Idem. S. 29.

[3] Ginschel G. Der junge Jacob Grimm. Berlin, 1989. S. 33 und ff.

[4] Brüder Grimm in Steinau(չաշխատող հղում) Deutsche Märchenstraße

[1]

[2]

[3]

[4]