Ֆոլորունսո Ալակիջա
| Ֆոլորունսո Ալակիջա | |
|---|---|
 | |
| Ծնվել է | հուլիսի 15, 1951 (69 տարեկան) |
| Ծննդավայր | Ikorodu, Լագոս, Նիգերիա |
| Քաղաքացիություն |  Նիգերիա |
| Ազգություն | յորուբաներ |
| Կրոն | քրիստոնեություն |
| Կրթություն | Hafodunos? |
| Մասնագիտություն | գործադիր տնօրեն, բարեգործ, գործարար և նորաձևության դիզայներ |
| Աշխատավայր | FinBank? |
| Կայք | folorunsoalakija.com |
| Folorunso Alakija Վիքիպահեստում | |
Ֆոլորունսո Ալակիջա (անգլ.՝ Folorunso Alakija, հուլիսի 15, 1951, Ikorodu, Լագոս, Նիգերիա), նիգերիացի միլիարդատեր գործարարուհի[1], որը ներգրավված է նորաձևության[2], նավթի, անշարժ գույքի ու տպագրության ոլորտներում[3]։ Հանդիսանում է «The Rose of Sharon Prints & Promotions Limited» և «Digital Reality Prints Limited» ընկերություններից բաղկացած «The Rose of Sharon Group» կազմակերպության գործադիր տնօրենը և «Famfa Oil Limited» ընկերության գործադիր փոխնախագահը։
«DaySpring Property Development» ընկերությունում ունի բաժնետոմսերի վերահսկիչ փաթեթ[4][5]։ «Ֆորբս»ամսագրի կողմից իր 1 միլիարդ դոլլար կարողությամբ ճանաչվել է Նիգերիայի ամենահարուստ կին[6][3]։ 2015 թվականի դրությամբ համարվել է Աֆրիկայում երկրորդ ամենաազդեցիկ կինը Նգոզի Օկոնջո-Իվեալայից հետո և 87-րդ ամենաազդեցիկ կինն աշխարհում[7]։
Վաղ կյանք և կրթություն[խմբագրել | խմբագրել կոդը]
Ծնվել է 1951 թվականի հուլիսի 15-ին Նիգերիայի հարավում գտնվող Լագոս նահանգի Իկորոդու քաղաքում։ 1955–1958 թվականներին հաճախել է Լագոսի «Our Ladies of Apostles» մանկապարտեզը։ Յոթ տարեկանում մեկնել է Միացյալ Թագավորություն 1959–1963 թվականներին Ուելսի Լանգերնյու համայնքում գտնվող աղջիկների Դինորբեն դպրոցում նախնական կրթությունը շարունակելու համար։ Նախնական կրթությունն ավարտելուց հետո հաճախել է Նիգերիայի Օգուն նահանգի Շագամու քաղաքի մուսուլմանական ավագ դպրոցը, որից հետո վերադարձել է Անգլիա և քարտուղարական գործ ուսանել Լոնդոնի՝ Պիտմենի անվան կենտրոնական քոլեջում․ այսպիսով՝ կրթությունն ստացել է Եվրոպայում[8]։
Կարիերա[խմբագրել | խմբագրել կոդը]
Կարիերան սկսել է 1974 թվականին Լագոսի «Sijuade Enterprises» ընկերությունում որպես գործադիր քարտուղար, որտեղից տեղափոխվել է նախկինում «Չիկագոյի առաջին ազգային բանկ» կոչվող բանկը, որը հետագայում անվանվել է «Նիգերիայի ֆինբանկ» և այժմ պատկանում է «First City Monument Bank» բանկային խմբին[9]։ Մի քանի տարի աշխատելուց հետո հիմել է «Supreme Stitches» կոչվող կարի արհեստանոցը, որը հաջորդ մի քանի տարվա ընթացքում հայտնի է դարձել «Rose of Sharon House of Fashion» անունով[3][10]։ Որպես Նիգերիայի մոդելավորողների ասոցիացիայի (FADAN) ազգային նախագահ և ցմահ հոգաբարձու՝ անժխտելի դեր է խաղացել նիգերիական մշակույթը նորաձևությամբ խթանելու գործում[2][11]։
1993 թվականի մայիսին դիմել է նավթի որոնման լիցենզիայի տրամադրման համար (OPL)[12], որը տրամադրվել է նրա «Famfa Limited» ընկերությանը 617 000 ակր մակերեսով տարածքում նավթաորոնման համար։ Տարածքը գտնվում է Լագոսից մոտավորապես 220 մղոն դեպի հարավ-արևելք, Նիգեր գետի դելտայում։ 1996 թվականի սեպտեմբերին համատեղ ձեռնարկության մասին համաձայնագիր է կնքել «Star Deep Water Petroleum Limited» ընկերության հետ և ընկերությանը որպես տեխնիկական խորհրդատու նշանակել լիցենզիայով թույլատրված նավթաորոնման աշխատանքներում՝ իր 100 տոկոս բաժնեմասի 40 տոկոսը փոխանցելով «Star Deep-ին»[13][14]։
Նավթաորոնման դրական արդյունքի մասին լուրը տարածվելուց հետո նիգերիական կառավարությունը վերցրել է 40% բաժնեմասը, որից հետո՝ ևս 10%[15]։ Տասներկու տարի դատարանում վիճարկել է այդ հարցը կառավարության հետ և հաղթել[16]։
Ճանաչում[խմբագրել | խմբագրել կոդը]
2014 թվականին «Ֆորբս» ամսագրի կողմից ճանաչվել է աշխարհի 96-րդ ամենաազդեցիկ կինը[7]։ 2015 թվականի մայիսին երկու նիգերիացի կանայք՝ ֆինանսների նախարար Նգոզի Օկոնջո-Իվեալան ու Ալակիջան հայտնվել են «Ֆորբս» ամսագրի՝ աշխարհի ամենաազդեցիկ կանանց ցուցակում, որտեղ վերջինս զբաղեցրել է 86-րդ տեղը[17]։
Մարդասիրական հետաքրքրություններ[խմբագրել | խմբագրել կոդը]
«Rose of Sharon Foundation» անունով հիմնադրամ ունի, որը կրթաթոշակների և բիզնես դրամաշնորհների միջոցով օգնում է այրիներին ու որբերին[18][19]։ Նվիրաբերում է կատարել Լագոսում գտնվող Տեխնոլոգիայի Յաբա քոլեջ բարձրագույն ուսումնական հաստատության հմտությունների ձեռքբերման կենտրոնին[20]։
Անձնական կյանք[խմբագրել | խմբագրել կոդը]
1976 թվականի նոյեմբերին ամուսնացել է իրավաբան Մոդուպե Ալակիջայի հետ[21][22]։ Զույգն իրենց չորս որդիների[23] ու թոռների հետ[24] բնակվում է Նիգերիայի Լագոս քաղաքում։ DJ Էքսքլուսիվը (Ռոտիմի Ալակիջան) տիկնոջ եղբորորդին է[25]։
Ծանոթագրություններ[խմբագրել | խմբագրել կոդը]
- ↑ Iyengar Rishi (30 December 2014)։ «Here's She is the World's Richest Black woman in the world»։ TIME։ Վերցված է 30 December 2014
- ↑ 2,0 2,1 Wilson Julee (5 December 2012)։ «Richest Black Woman in the World, Folorunso Alakija, Was A Major Fashion Designer in Africa»։ The Huffington Post
- ↑ 3,0 3,1 3,2 Kehinde FALODE (17 September 2011)։ «Fashion icon, Folorunso Alakija at 62»։ The Nation։ Վերցված է 20 June 2013
- ↑ Adetutu Audu (31 January 2016)։ «Folorunso Alakija explores Real Estate»։ The Nation
- ↑ «From Energy to Real Estate…Folorunsho Alakija Spreads Wings to Property Sector»։ ThisDay։ 9 October 2016։ Վերցված է 27 June 2019
- ↑ «Africa's 40 Richest»։ Forbes։ November 2012
- ↑ 7,0 7,1 «The World's 100 Most Powerful Women»։ Forbes (Forbes)։ Վերցված է 26 June 2014
- ↑ «Folorunso Alakija»։ africa.harvard.edu (անգլերեն)։ Վերցված է 2020-06-08
- ↑ «FCMB»։ www.fcmb.com
- ↑ «Folorunsho Alakija»։ Forbes։ November 2012։ Վերցված է 19 December 2012
- ↑ Gabriel Gift (24 June 2012)։ «I moved out of the crowd to get it right – Mrs Alakija»։ Sunday Tribune (Nigeria)
- ↑ «The Richest Black Woman in the World, Folorunsho Alakija»։ Ventures Africa (Lagos)։ 29 November 2012
- ↑ «Folorunso Alakija richest black woman on earth»։ PM News։ 25 December 2012
- ↑ «Agbami Oilfield, Nigeria»։ offshore technology.com (Nigeria)
- ↑ «How Africa's second richest woman gained her fortune - CNBC Africa»։ CNBC Africa (en-US)։ 17 September 2016։ Վերցված է 2018-08-03
- ↑ «5 Lessons Folorunsho Alakija Could Teach Christian Entrepreneurs - Tithehacker.org»։ Tithehacker.org (en-US)։ 29 July 2018։ Վերցված է 2018-08-03
- ↑ Sotubo Jola (27 May 2015)։ «Nigerians make Forbes' most powerful women list»։ Forbes։ Վերցված է 28 May 2015
- ↑ Ellis Jessica (16 February 2012)։ «Nigerian billionaire takes on cause of 'mistreated widows'»։ CNN
- ↑ Amos Adaeze (26 May 2013)։ «My passion for widows and orphans –Folorunso Alakija»։ National Mirror (Nigeria)։ Վերցված է 20 June 2013
- ↑ Nsehe Mfonobong։ «Nigeria's Richest Woman Folorunsho Alakija Donates Skills Acquisition Center To School»։ Forbes (անգլերեն)։ Վերցված է 2020-07-27
- ↑ Allen Lee (9 October 2019)։ «Meet Folorunso Alakija: The Richest Woman in Africa»։ Money Inc.։ Վերցված է March 31, 2020
- ↑ «Folorunsho Alakija Biography: Age, Career, Net Worth, Family, Husband, Facts»։ DailyMedia։ 20 December 2019։ Վերցված է March 31, 2020
- ↑ Sessou Ebun (9 September 2011)։ «My life is full of blissful moments – Folorunso Alakija»։ The Vanguard (Nigeria)
- ↑ «Africa's Richest Woman Folorunsho Alakija: "It Has Not Been a Rag to Riches Fairytale"»։ Bella Naija։ 29 August 2014
- ↑ «"I'm Not Folorunsho Alakija's Son" – DJ Xclusive»։ Silverbird Television։ Վերցված է 14 November 2014
Արտաքին հղումներ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆոլորունսո Ալակիջա կատեգորիայում։ |
| ||||||
