Ֆահրիյե Էվջեն
| Ֆահրիյե Էվջեն | |
|---|---|
_-_cropped.png) | |
| Ծննդյան թիվ՝ | հունիսի 4, 1986[1] (39 տարեկան) |
| Ծննդավայր՝ | Զոլինգեն, Դյուսելդորֆ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն |
| Քաղաքացիություն՝ |  Թուրքիա Գերմանիա |
| Մասնագիտություն՝ | հեռուստատեսային դերասանուհի և կինոդերասանուհի |
| IMDb։ | ID 2274696 |
Ֆահրիյե Էվջեն Օզչիվիթ (թուրքերեն՝ Fahriye Evcen Özçivit, հունիսի 4, 1986[1], Զոլինգեն, Դյուսելդորֆ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն), կինոյի և հեռուստատեսության թուրք դերասանուհի։
Կենսագրություն
[խմբագրել | խմբագրել կոդը]Ֆահրիյեն ծնվել է 1986 թվականի հունիսի 4-ին Հյուսիսային Հռենոս-Վեսթֆալիայի Զոլինգեն քաղաքում, թուրքի և չերկեզի ընտանիքում, որոնք արտագաղթել են Սալոնիկից։ Ֆահրիյեի, ինչպես նաև Զոլինգենում բնակվող բոլոր թուրքերի համար մանկության տարիները անցել են դժվարին պայմաններում[2][3][4]։ Միջնակարգ դպրոցն ավարտելուց հետո Ֆահրիյեն ընդունվել է Դյուսելդորֆի Հենրիխ Գեյինի անվան համալսարան, որտեղ ուսումնասիրել է սոցիոլոգիա։ Դյուսելդորֆում սովորելու ընթացքում 2005 թվականին, նա մոր հետ մեկնում է Ստամբուլ հանգստանալու, որտեղ անսպասելիորեն «Երբեք չմոռանաս» սերիալում ստանում է դեր[5]։ Նկարահանումների ավարտից հետո Ֆահրիյեն որոշում է շարունակել դերասանուհու կարիերան և վերցնում է ակադեմիական արձակուրդ։
Շուտով նա ստանում է Նեջլիի դերը Ռեշատ Նուրի Գյունթեքինի «Տերևաթափ» վեպի ժամանակակից մշակմամբ նկարահանված ֆիլմում, որը նրան Թուրքիայում մեծ ճանաչում է բերում։ Դեռ չավարտելով աշխատանքը «Տերևաթափ» ֆիլմում, Ֆահրիյեն սերիալներում և ֆիլմերում ստանում է մի քանի դերեր, այդ թվում՝ և գլխավոր։ 2009 թվականի սկզբին Ֆահրիյեն պատմություն սովորելու համար ընդունվում է Բոսֆորի համալսարան[6], բայց «Տերևաթափ» սերիալի նկարահանումներով զբաղվածության պատճառով, նա հետաձգում է ուսումը մինչ նկարահանումների ավարտը։ Ֆահրիյեն 2014 թվականին ավարտել է Բոսֆորի համալսարանի պատմության ֆակուլտետը։ 2013 թվականին նա գլխավոր դեր է ստացել «Ցախսարեկ՝ երգող թռչնակ» վեպի հիման վրա նկարահանված ֆիլմում[7]։ Ապա հաջորդեց Մյուրվետի դերը՝ «Քուրթ Սեիթը և Շուրան» սերիալում։ 2014 թվականին Ֆահրիյեն «Սերը նման է քեզ» ֆիլմում ստացել է գլխավոր դերը[8], որտեղ նա խաղացել է Բուրաք Օզչիվիթի սիրելիի դերը, որը նախկինում խաղացել է «Ցախսարեկը երգեցիկ թռչուն է» սերիալում։ 2016-ին Ֆահրիյեն նկարահանվել է «Անսահման սեր» ֆիլմում, որտեղ նրա գործընկերը դարձավ հայտնի թուրք դերասան Մուրադ Իյլդիրիմը։
Տիրապետում է չորս լեզուների. իսպաներեն, գերմաներեն, անգլերեն և թուրքերեն։ Պատանի տարիքում զբաղվել է սպորտով, իսկ դպրոցական տարիներին բասկետբոլի թիմում եղել է պաշտպան[9]։
Անձնական կյանք
[խմբագրել | խմբագրել կոդը]2012 թվականից մինչև 2013 թվականը Ֆահրիյեն հանդիպել է «Դու իմ տունն ես» մելոդրամայում իր հետ նկարահանված Օզջան Դենիզի հետ։ Բաժանման պատճառ է հանդիսացել այն, որ դերասանը տարված է եղել 20-ամյա մոդել Բուսե Նարջիով։
2015 թվականի սկզբին հայտնի դարձավ, որ Ֆահրիյեն հանդիպում է Բուրաք Օզչիվիթի հետ[10]։ 2017 թվականի հունիսի 29-ին Ստամբուլում կայացավ նրանց հարսանիքը[11]։ Հարսանիքը տեղի ունեցավ Սաիդ Հալիմ Փաշա պատմական առանձնատանը, որը գտնվում է Բոսֆորի նեղուցի ափին։
Ֆիլմագրություն
[խմբագրել | խմբագրել կոդը]| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2005 | ս | Երբեք չմոռանաս | թուրքերեն՝ Asla Unutma | Փինար |
| 2006 | ս | Տերևաթափ | Yaprak Dökümü | Նեջելա Տեկին |
| 2006 | ս | Կարոտ | Hasret | Սոնգյուլ |
| 2007 | ֆ | Երկինք | Cennet | Կիզ (աղջիկ) |
| 2008 | ֆ | Սիրո խավարում | Aşk Tutulması | Փինար |
| 2009 | ֆ | Էլվինը և բուրունդուկները 2 | Alvin ve Sincaplar 2 | թուրքական կրկնօրինակ |
| 2010 | ֆ | Թիմը՝ Ալլահի ճանապարհին | թուրքերեն՝ Takiye: Allah'ın Yolunda | Սևդե Աքսու |
| 2010 | ֆ | Սենյորա Էնրիկա | Sinyora Enrica ile İtalyan Olmak | սենյորա Էնրիկան երիտասարդ տարիքում |
| 2011 | ս | Խաբեբա գարունը | թուրքերեն՝ Yalancı Bahar | Զեյնեփ Քարաման |
| 2012 | ֆ | Դու իմ տունն ես | Evim Sensin | Լեյլա |
| 2012 | ս | Բաժանում | թուրքերեն՝ Veda: Esir Sehirde Bir Konak | Մեհփարե |
| 2013 | ս | Ցախսարեկը երգեցիկ թռչուն է (հեռուստասերիալ 2013 ) | Çalıkuşu | Ֆերիդե |
| 2014 | ս | Քուրտ Սեիտ և Շուրա | Kurt Seyit ve Şura | Մյուրվետ |
| 2015 | ֆ | Սերը նման է քեզ | թուրքերեն՝ Aşk Sana Benzer | Դենիս |
| 2017 | ֆ | Անսահման սեր | Sonsuz Aşk | Զեյնեփ[12] |
| 2017 | ս | Մինչ մահ | Ölene Kadar | Սելվի (Վիլդան) |
| 2017 | ս | Ստրուկի գինը | Fiyat Esaret |
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ «Başrolde Nazi» (թուրքերեն). Тakvim. Վերցված է 2014 թ․ դեկտեմբերի 8-ին.
- ↑ «Almanya, Fahriye Evcen'i de yaktı» (թուրքերեն). Ankara Haber.com. Արխիվացված է օրիգինալից 2013 թ․ դեկտեմբերի 1-ին. Վերցված է 2014 թ․ դեկտեմբերի 8-ին.
- ↑ «Fahriye Evcen Özel Röportajı» (թուրքերեն). Sinemalar.com. Վերցված է 2014 թ․ դեկտեմբերի 8-ին.
- ↑ «Asla Unutma» (թուրքերեն). SinemaТürk.com. Վերցված է 2014 թ․ դեկտեմբերի 8-ին.
- ↑ Ali Tufan Koç (3 Temmuz 2011). «Hayatımda hiç 'koyver gitsin' demedim» (թուրքերեն). Radikal. Վերցված է 2012 թ․ մայիսի 30-ին.
- ↑ Hakan Gence (21 Eylül 2013). «Feride,Fahriye'nin gözlerinde canlandı» (թուրքերեն). Hürriyet. Վերցված է 2014 թ․ դեկտեմբերի 8-ին.
- ↑ «Fahriye Evcen ile Burak Özçivit'in aşk hikayesi» (թուրքերեն). gecce.com. Արխիվացված է օրիգինալից 2014 թ․ հոկտեմբերի 18-ին. Վերցված է 2014 թ․ դեկտեմբերի 8-ին.
- ↑ «Интересные факты о турецкой актрисе Фахрие Эвджен». Comode. Արխիվացված է օրիգինալից 2017 թ․ հունիսի 5-ին. Վերցված է 2017 թ․ հունիսի 3-ին.
- ↑ «Burak Özçivit ile Fahriye Evcen ele ele!» (թուրքերեն). gecce.com. Վերցված է 2015 թ․ հունիսի 4-ին.(չաշխատող հղում)
- ↑ 32-летний Бурак Озчивит из «Великолепного века» женился Леди@mail.ru
- ↑ «Sonsuz Aşk'ın kamera arkası görüntüleri» (թուրքերեն). Hürriyet Kelebek. 14 Mart 2017. Վերցված է 2017 թ․ դեկտեմբերի 6-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ֆահրիյե Էվջեն» հոդվածին։ |
| ||||||||||||||
