Ֆահրիյե Էվջեն

Վիքիպեդիայից՝ ազատ հանրագիտարանից
Jump to navigation Jump to search
Ֆահրիյե Էվջեն
Fahriye Evcen at Cannes 2017 (3) - cropped.png
Ծննդյան թիվ՝հունիսի 4, 1986(1986-06-04)[1] (33 տարեկան)
Ծննդավայր՝Solingen, Դյուսելդորֆ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն
Քաղաքացիություն՝Flag of Turkey.svg Թուրքիա
Մասնագիտություն՝հեռուստատեսային դերասանուհի և կինոդերասանուհի
IMDb։ID 2274696

Ֆահրիյե Էվջեն Օզչիվիթ (թուրք.՝ Fahriye Evcen Özçivit, հունիսի 4, 1986(1986-06-04)[1], Solingen, Դյուսելդորֆ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն), կինոյի և հեռուստատեսության թուրք դերասանուհի:

Կենսագրություն[խմբագրել | խմբագրել կոդը]

Ֆահրիյեն ծնվել է 1986 թվականի հունիսի 4-ին Հյուսիսային Հռենոս-Վեսթֆալիայի Զոլինգեն քաղաքում, թուրքի և չերկեզի ընտանիքում, որոնք արտագաղթել են Սալոնիկից: Ֆահրիյեի, ինչպես նաև Զոլինգենում բնակվող բոլոր թուրքերի համար մանկության տարիները անցել են դժվարին պայմաններում[2][3][4]: Միջնակարգ դպրոցն ավարտելուց հետո Ֆահրիյեն ընդունվել է Դյուսելդորֆի Հենրիխ Գեյինի անվան համալսարան, որտեղ ուսումնասիրել է սոցիոլոգիա: Դյուսելդորֆում սովորելու ընթացքում 2005 թվականին, նա մոր հետ մեկնում է Ստամբուլ հանգստանալու, որտեղ անսպասելիորեն «Երբեք չմոռանաս» սերիալում ստանում է դեր[5]: Նկարահանումների ավարտից հետո Ֆահրիյեն որոշում է  շարունակել դերասանուհու կարիերան և վերցնում է ակադեմիական արձակուրդ:

Շուտով նա ստանում է Նեջլիի դերը Ռեշատ Նուրի Գյունթեքինի «Տերևաթափ» վեպի ժամանակակից մշակմամբ նկարահանված ֆիլմում, որը նրան Թուրքիայում մեծ ճանաչում է բերում: Դեռ չավարտելով աշխատանքը «Տերևաթափ» ֆիլմում, Ֆահրիյեն  սերիալներում և ֆիլմերում ստանում է մի քանի դերեր, այդ թվում՝ և գլխավոր: 2009 թվականի սկզբին Ֆահրիյեն պատմություն սովորելու համար ընդունվում է Բոսֆորի համալսարան[6], բայց «Տերևաթափ» սերիալի նկարահանումներով զբաղվածության պատճառով, նա հետաձգում է ուսումը մինչ նկարահանումների ավարտը: Ֆահրիյեն 2014 թվականին ավարտել է Բոսֆորի համալսարանի պատմության ֆակուլտետը: 2013 թվականին նա գլխավոր դեր է ստացել «Ցախսարեկ՝ երգող թռչնակ» վեպի հիման վրա նկարահանված ֆիլմում[7]: Ապա հաջորդեց Մյուրվետի դերը՝ «Քուրթ Սեիթը և Շուրան» սերիալում: 2014 թվականին Ֆահրիյեն «Սերը նման է քեզ» ֆիլմում ստացել է  գլխավոր դերը[8], որտեղ նա խաղացել է Բուրակ Օզչիվիտի սիրելիի դերը, որը նախկինում խաղացել է «Ցախսարեկը երգեցիկ թռչուն է» սերիալում: 2016-ին Ֆահրիյեն նկարահանվել է «Անսահման սեր» ֆիլմում, որտեղ նրա գործընկերը դարձավ հայտնի թուրք դերասան Մուրադ Իյլդիրիմը:

Տիրապետում է չորս լեզուների. իսպաներեն, գերմաներեն, անգլերեն և թուրքերեն։ Պատանի տարիքում զբաղվել է սպորտով, իսկ դպրոցական տարիներին բասկետբոլի թիմում եղել է պաշտպան[9]:

Անձնական կյանք[խմբագրել | խմբագրել կոդը]

2012 թվականից մինչև 2013 թվականը Ֆահրիյեն հանդիպել է «Դու իմ տունն ես» մելոդրամայում իր հետ նկարահանված Օզջան Դենիզի հետ: Բաժանման պատճառ է հանդիսացել այն, որ դերասանը տարված է եղել 20-ամյա մոդել Բուսե Նարջիով:

2015 թվականի սկզբին հայտնի դարձավ, որ Ֆահրիյեն հանդիպում է Բուրակ Օզչիվիտի հետ[10]: 2017 թվականի հունիսի 29-ին Ստամբուլում կայացավ նրանց հարսանիքը[11]: Հարսանիքը տեղի ունեցավ Սաիդ Հալիմ Փաշա պատմական առանձնատանը, որը գտնվում է Բոսֆորի նեղուցի ափին:

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
2005 ս Երբեք չմոռանաս թուրք.՝ Asla Unutma Փինար
2006 ս Տերևաթափ Yaprak Dökümü Նեջելա Տեկին
2006 ս Կարոտ Hasret Սոնգյուլ
2007 ֆ Երկինք Cennet Կիզ (աղջիկ)
2008 ֆ Սիրո խավարում Aşk Tutulması Փինար
2009 ֆ Էլվինը և բուրունդուկները 2 Alvin ve Sincaplar 2 թուրքական կրկնօրինակ
2010 ֆ Թիմը՝ Ալլահի ճանապարհին թուրք.՝ Takiye: Allah'ın Yolunda Սևդե Աքսու
2010 ֆ Սենյորա Էնրիկա Sinyora Enrica ile İtalyan Olmak սենյորա Էնրիկան երիտասարդ տարիքում
2011 ս Խաբեբա գարունը թուրք.՝ Yalancı Bahar Զեյնեփ Քարաման
2012 ֆ Դու իմ տունն ես Evim Sensin Լեյլա
2012 ս Բաժանում թուրք.՝ Veda: Esir Sehirde Bir Konak Մեհփարե
2013 ս Ցախսարեկը երգեցիկ թռչուն է (հեռուստասերիալ 2013 ) Çalıkuşu Ֆերիդե
2014 ս Քուրտ Սեիտ և Շուրա Kurt Seyit ve Şura Մյուրվետ
2015 ֆ Սերը նման է քեզ թուրք.՝ Aşk Sana Benzer Դենիս
2017 ֆ Անսահման սեր Sonsuz Aşk Զեյնեփ[12]
2017 ս Մինչ մահ Ölene Kadar Սելվի (Վիլդան)
2017 ս Ստրուկի գինը Fiyat Esaret

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. «Başrolde Nazi» (թուրքերեն)։ Тakvim։ Վերցված է 2014-12-08 
  3. «Almanya, Fahriye Evcen'i de yaktı» (թուրքերեն)։ Ankara Haber.com։ Վերցված է 2014-12-08 
  4. «Fahriye Evcen Özel Röportajı» (թուրքերեն)։ Sinemalar.com։ Վերցված է 2014-12-08 
  5. «Asla Unutma» (թուրքերեն)։ SinemaТürk.com։ Վերցված է 2014-12-08 
  6. Ali Tufan Koç (3 Temmuz 2011)։ «Hayatımda hiç 'koyver gitsin' demedim» (թուրքերեն)։ Radikal։ Վերցված է 2012-5-30 
  7. Hakan Gence (21 Eylül 2013)։ «Feride,Fahriye'nin gözlerinde canlandı» (թուրքերեն)։ Hürriyet։ Վերցված է 2014-12-08 
  8. «Fahriye Evcen ile Burak Özçivit'in aşk hikayesi» (թուրքերեն)։ gecce.com։ Վերցված է 2014-12-08 
  9. «Интересные факты о турецкой актрисе Фахрие Эвджен»։ Comode։ Վերցված է 2017-06-03 
  10. «Burak Özçivit ile Fahriye Evcen ele ele!» (թուրքերեն)։ gecce.com։ Վերցված է 2015-6-04 
  11. 32-летний Бурак Озчивит из «Великолепного века» женился Леди@mail.ru
  12. «Sonsuz Aşk'ın kamera arkası görüntüleri» (թուրքերեն)։ Hürriyet Kelebek։ 14 Mart 2017։ Վերցված է 2017-12-06 

Արտաքին հղումներ[խմբագրել | խմբագրել կոդը]