Օրոն

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Օրոն
Տեսակամրոց
Վարչական միավորԳյումյուշհանեի մարզ
ԵրկիրFlag of Turkey.svg Թուրքիա
Կառուցված6-րդ դար
Կապված անձինքՀուստինիանոս Ա

Օրոն, բերդ (ամրոց) պատմական Խաղտիք (Ճանիք) երկրամասում, պատմական Հայաստանի հյուսիս-արևելյան սահմանում՝ Պարսկահայաստանի և Խաղտիքի սահմանագլխին, Խաղտիքի Սխամալանիք (Սքիմալանիքոն) բերդաքաղաքի մոտ[1]։

Պատմություն[խմբագրել | խմբագրել կոդը]

Բերդը կառուցվել Բյուզանդիայի կայսր Հուստինիանոս Ա-ի (527-565) կողմից։ Այն ծառայում էր որպես բյուզանդացիների հենակետ, որտեղ կար մշտական կայազոր[1]։ Օրոն բերդից մոտ 40 կմ հեռավորության վրա է գտնվում Խարտ գյուղը (ամրոց)՝ Օկենիտյան ճաների երկրում[2]։ Օրոն ամրոցը ճաներին նվաճելու ժամանակ հանդիսացել է բյուզանդացիների համար ռազմական հենակետ[2]։

Տեղադրություն[խմբագրել | խմբագրել կոդը]

Նիկողայոս Ադոնցը բերդի անունը նույնացնում է Գյումուշխանեից ոչ հեռու գտնվող Խալանեն-խանլար վայրի անվանը[1]։ Օրոնը հանգուցային կետ էր, որտեղից ճանապարհները բաժանվում էին երեք ուղղությամբ՝ Բյուզանդահայաստան, Պարսկահայաստան և Ճանիք[2]։ Այնտեղ, որտեղ հատվում են հիշյալ ճանապարհային գծերը, կա մի վայր, որ թուրքերեն կոչվում է Խալանեն խանլար (Խալանի կայարան), որն էլ ըստ Նիկողայոս Ադոնցի, Օրոն բերդն է։ Խալանը գտնվում է Խարտից նույնքան հեռավորության վրա, որքան Օրոնը, որի հեռավորությունը հիշատակել է Պրոկոպիոս Կեսարացին[2]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 503 — 916 էջ։
  2. 2,0 2,1 2,2 2,3 «Հայաստանը Հուստինիանոսի դարաշրջանում», Նիկողայոս Ադոնց, Երևան, 1987, էջ 74, 76, 77.