Օշան գորշ
Օշան Գորշ | ||||||||||
---|---|---|---|---|---|---|---|---|---|---|
Գիտական դասակարգում | ||||||||||
|
||||||||||
Լատիներեն անվանում | ||||||||||
Տ. cana C. Koch
|
Օշան Գորշ (լատին․՝ Տ. cana C. Koch), թելուկազգիների ընտանիքի, օշան ցեղի բույս։
Նկարագրություն[խմբագրել | խմբագրել կոդը]
Ցածրաաճ մոխրագույն կիսաթուփ է 20—35 սմ բարձրությամբ։ Ցողունները և տերևները ծածկված են կարճ, սեղմված մազմզուկներով։ Ընձյուղները կարճ են, փայտացած, միամյա ճյուղերը փխրուն են։ Տերևները հաստ են, վերևի կողմից հարթ, նստադիր, սպիտակ-մոխրավուն մազմզուկներով ծածկված, բթածայր։ Ծաղկապատը կազմված է թաղանթանման, երկարավուն մազմզուկներով ծածկված տերևիկներից, որոնք հետագայում պտղի վրա առաջացնում են թաղանթանման, սևածիրանագույն անհավասար լայնությամբ թևիկներ, որը ծաղկապատի հետ միասին հասնում է 8 - 10 մմ տրամագծի։ Փոշանոթները գծանման են։
Տարածվածություն[խմբագրել | խմբագրել կոդը]
Տարածված է Հարավային Կովկասում, Հյուսիսային Իրանում, Արաքսի հովտում, Արարատյան դաշտում (Ջովաշեն, Արևշատ, Վեդի)։ Հանդիպում է քարքարոտ լանջերին, գիպսային հողերում[1]։
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 222։