Օլիվիա Կալպո

Վիքիպեդիայից՝ ազատ հանրագիտարանից
Jump to navigation Jump to search
Օլիվիա Կալպո
Olivia Culpo
Olivia Culpo 2012.jpg
Ծնվել էմայիսի 8, 1992
ԾննդավայրԿրանստոն (Ռոդ-Այլենդ), ԱՄՆ
ՔաղաքացիությունԱմերիկայի Միացյալ Նահանգներ ԱՄՆ
ԿրթությունԲոստոնի համալսարան
Մասնագիտությունմոդել, դերասանուհի
ԾնողներՍյուզան Կապլո, Պետեր Կապլո
Պարգևներ և
մրցանակներ
Միսս Տիեզերք
Կայքoliviaculpo.com
Olivia Culpo Վիքիպահեստում

Օլիվիա Կալպո (անգլ.՝ Olivia Culpo; ծնվել է 1992 թվականի մայիսի 8-ին), ամերիկացի դերասանուհի, մոդել, գեղեցկության մրցույթների մասնակից, Միսս ԱՄՆ 2012[1] ու Միսս Տիեզերք 2012 գեղեցկության մրցույթի հաղթող։

Կենսագրություն[խմբագրել | խմբագրել կոդը]

Օլիվիան ծնվել է 1992 թվականի մայիսի 8-ին Կրանստոնում (Ռոդ-Այլենդ), Սյուզան և Պետեր Կապլոների ընտանիքում[2]: Նրա հայրը ունի իտալական, իսկ մայրը՝ իտալական և իռլանդական արմատներ[3][4]: 2 ծնողներն էլ պրոֆեսիոնալ երաժիշտներ են։ Բացի Կապլոյից, ընտանիքում կա նաև 4 երեխա՝ 2 ավագ՝ Պիտ և Ավրորա և 2 փոքր՝ Գուս և Սոֆի[5]: 2010 թվականին ավարտել է Ռոդ-Այլենդի «St. Mary Academy — Bay View» օրիորդաց կաթոլիկ դպրոցը։

2-րդ դասարանից նա այցելել է թավջութակի դասընթացների։ Խաղացել է տարբեր նվագախմբերում, ներառելով՝ Բոստոնի սիմֆոնիկ նվագախումբը, նյույորքյան նվագախումբը, իսկ 2010 թվականին շրջագայություն է անց կացրել Անգլիայում:

«Միսս Տիեզերք» մրցույթի ժամանակ նա Բոստոնյան համալսարանի 2-րդ կուրսի ուսանողուհի էր։ Բացի իր մայրենի լեզվից, նա տիրապետում է նաև իտալերենի։ Նրա սերը այդ լեզվի նկատմամբ թույլ տվեց մասնակցել Միլանում կայացած 2 արտասահմանյան ծրագրերի։

Աձնական կյանք[խմբագրել | խմբագրել կոդը]

2013 թվականի հունիսից 2015 թվականի հունիսը հանդիպել է դերասան և երաժիշտ, «Jonas Brothers» ռոք խմբի նախկին մենակատար Նիկ Ջոնասի հետ[6]:

Մրցույթների մասնակցություն[խմբագրել | խմբագրել կոդը]

Միսս Ռոդ-Այլենդ ԱՄՆ 2012[խմբագրել | խմբագրել կոդը]

2011 թվականի սեպտեմբերի 18-ին Կալպոն հաղթեց «Միսս Ռոդ-Այլենդ ԱՄՆ 2012» մրցույթում[7]:

Միսս ԱՄՆ 2012[խմբագրել | խմբագրել կոդը]

2012 թվականի հունիսի 3-ին Օլիվիան «Միսս ԱՄՆ 2012» մրցությում ներկայացրել է Ռոդ-Այլենդ նահանգը, և արդյունքում հաղթող է ճանաչվել։

Այն հարցին, թե ինչպես է նա վերաբերվում սեռափոխ տղաների մասնակցությանը գեղեցկության մրցությում, Օլիվիան պատասխանել է, որ չնայած նա այդ հաղթանակը կհամարեր անարդար, նա ինքն էլ կընտրեր ժյուրիի ընտրած որոշումը։ Նրա կարծիքով շատերը ստիպված են ծայրահեղ ընթացակարգերի, որպեսզի իրենց կյանքը լավացնեն։ «Ես հավատում եմ, որ սա ազատ երկիր է»,- ավելացրեց Օլիվիան։

Միսս Տիեզերք 2012[խմբագրել | խմբագրել կոդը]

Օլիվիա Կալպոն դարձել է «Միսս Տիեզերք 2012»-ի հաղթող[8], որն անցկացվել է 2012 թվականի դեկտեմբերի 19-ին Լաս Վեգասում: Ամերիկացիների պատմության մեջ դա 8-րդ հաղթանակն էր սկսած 1997 թվականից։ Նրան թագադրել է «Միսս Տիեզերք 2011» թվականի հաղթող Լեյլա Լոպեսը՝ Անգոլայից: Օլիվիան իր տիտղոսը փոխանցել է Մարիա Գաբրիել Իսլերին Վենեսուելայից: Մրցույթը տեղի է ունեցել 2013 թվականի նոյեմբերի 9-ին՝ Մոսկվայում:

Ծանոթագրություններ[խմբագրել | խմբագրել կոդը]