Իշխանուհի Օլգա (քրիստոնեական անունը՝ Հեղինե (Ելենա)) (մոտ 890[1], Պսկով, Կիևյան Ռուսիա, Plisnesko և Պլիսկով (գյուղ, Պոգրեբիշչեի շրջան), Lipovets County, Կիևի նահանգ, Ռուսական կայսրություն - 969[2][3], Կիև, Կիևյան Ռուսիա), Կիևի մեծ իշխանուհի, Իգոր Ռյուրիկովիչի կինը։ 945-ին, դրևլյանների կողմից ամուսնու սպանությունից հետո, դաժանորեն ճնշել է նրանց ապստամբությունը։ 945 - 47-ին դրևլյանների և նովգորոդցիների համար սահմանել է հարկի չափ, ստեղծել է վարչական կենտրոններ՝ պոգոստներ։ Օլգան նշանակալիորեն ընդլայնել է Կիևյան մեծ իշխանական տան հողային տիրույթները։ 955 (կամ 957)-ին այցելել է Կ․Պոլիս, ընդունել է քրիստոնեություն։ Պետությունը կառավարել է որդու՝ Մվյատոսչավ Իգորեիչի մանկության, իսկ ավելի ուշ՝ նրա արշավանքների ժամանակ։ 968-ին ղեկավարել է Կիևի պաշտպանությունը պեչենեգների դեմ կռվում։ Ռուսական եկեղեցին Օլգային դասել է սրբերի շարքը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 526)։