Քնարիկ Հովհաննիսյան

Քնարիկ Հովհաննիսյան
Ի ծնե	Քնարիկ Վասակի Հովհաննիսյան
Ծնվել է	դեկտեմբերի 28, 1926(1926-12-28)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Վախճանվել է	մայիսի 28, 2015(2015-05-28) (88 տարեկան)
Մահվան վայր	Երևան, Հայաստան
Քաղաքացիություն	Հայաստան
Մասնագիտություն	նկարիչ
Անդամակցություն	Հայաստանի նկարիչների միություն
Ամուսին	Ռուբեն Գաբրիելյան

Քնարիկ Վասակի Հովհաննիսյան (դեկտեմբերի 28, 1926(1926-12-28), Երևան, Հայկական ԽՍՀ, ԱԽՖՍՀ, ԽՍՀՄ - մայիսի 28, 2015(2015-05-28), Երևան, Հայաստան), հայ նկարչուհի։

Գեղանկարիչ Ռուբեն Գաբրիելյանի կինը։

Կենսագրություն

• 1950 թվականին ավարտել է Լենինգրադի գեղարվեստա-մանկավարժական ուսումնարանը
• 1956 թվականին՝ Ռեպինի անվան գեղարվեստի ակադեմիայի գեղանկարչության բաժինը՝ Իոհանսոնի դասարանը
• 1960 թվականից Հայաստանի նկարիչների միության անդամ

Քնարիկ Հովհաննիսյանի նկարներից շատերը գտնվում են նախկին Խորհրդային Միության տարբեր քաղաքներում, Հայաստանի ազգային պատկերասրահում։

Ստեղծագործություններ

Քնարիկ Հովհաննիսյանը 1950-ականների կեսերից մինչև վաղ 70-ական թվականներն ընդգրկված է եղել նոր արտահայտչամիջոցների և նկարչական նոր լեզվի որոնման ընդհանուր ընթացքի մեջ։ Հովհաննիսյանի գունանկարներում միասնանում են հայրենի բնության ռեալիստական ու ռոմանտիկ ընկալումները, գունային գամման և լույսն արտահայտում են մարդու և տիեզերքի խորհրդավոր գեղեցկությունը։

• «Ինքնանկար», 1972, 1984
• «Նատյուրմորտ դեղին գամմայով», 1973
• «Նատյուրմորտ», 1975
• «Վերնաշենի լեռները», 1975
• «Տղան ավանակով», 1975, ՀԱՊ
• «Ոչխարների խուզը», 1978, ՀԱՊ
• «Նատյուրմորտ», 1980
• «Կանաչ նատյուրմորտ», 1980, Մոսկվայի Արևելքի ժողովուրդների թանգարան
• «Լեռներում. ոչխարակիթ», 1980, Չեյլաբինսկի պատկերասրահ
• «Սևանի երկինքը», 1984, Չեյլաբինսկի պատկերասրահ
• «Նատյուրմորտ», 1996
• «Կալենցի այգին», 1994

Անհատական ցուցահանդեսներ

Ցուցահանդեսների սկսել է մասնակցել 1957 թվականից։

• 1962 - Չելյաբինսկ
• 1988 - Մոսկվա
• 1985 - Բաքու
• 1980, 2010, 2013 - Երևան

Արտաքին հղումներ

• «Երևանն ամենահարազատ և ամենադաժան քաղաքն էր ինձ համար»