Քնած աղջիկը

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Քնած աղջիկը
Vermeer young women sleeping.jpg
տեսակգեղանկար
նկարիչՅան Վերմեեր
տարի1657
բարձրություն87,6 սանտիմետր
լայնություն76,5 սանտիմետր
ուղղությունհոլանդական գեղանկարչության ոսկե շրջան
ժանրկենցաղային ժանր
նյություղաներկ և կտավ
գտնվում էՄետրոպոլիտեն թանգարան
հավաքածուՄետրոպոլիտեն թանգարան
սեփականատերԲենջամին Օլթմեն[1], Rodolphe Kann?[2], Joseph Duveen, 1st Baron Duveen?[2] և John Waterloo Wilson?[2]
A Maid asleep by Johannes Vermeer Վիքիպահեստում


«Քնած աղջիկը», հոլանդացի նկարիչ Յան Վերմերի կտավը:

Նկարում պատկերված է սեղանի կողքին նստած աղջիկ: Նա փակել է իր աչքերը և ձեռքով պահում է իր գլուխը: Առաջնային պլանում սեղանի վրա դրված է մրգերով լի վազը և գինով լցված սափորը: Կտավում սեղանի վրա խառնաշփոթ թափթփվածություն է, որը նկարիչը չի թաքցրել, ինչպես նաև հետևի պլանում գտնվող սենյակի աղքատիկ ինտերյերը: Դիտորդը, սենյակի բաց դռան միջոցով, որտեղ նստած է քնած աղջիկը կարող է նաև տեսնել հարևան սենյակը: Ռենտգեն հետազոտությունը պարզել է, որ Յան Վերմերը սկզբից նկարի համար այլ ֆոն է մտածել և պատկերել: Այսինքն, աղջկա հետևում պետք է կանգնած լիներ տղամարդ, իսկ դռան մոտ շուն նստած լիներ: Վերմերը գինով լցված սափորը պատկերելով առաջին պլանում` ցանկացել է այդպիսով բացատրել աղջկա քնելու պատճառը, որն էլ որոշում է կտավի անունը: 1696 թվականի մայիսի 16-ին Ամստերդամում նկարը վաճառվել է հետևյալ անվանումով «Een dronke slafende Meyd aen een Tafel» (Խմած և քնած աղջիկը սեղանի վրա): Իսկ հաջորդ անգամ գեղանկարը վաճառվել է «Een slapent vrouwtje, van de Delfse van der Meer» (Քնած երիտասարդ կինը, Դելֆտից Վան դե Մերայի կողմից) անունով: Նկարում պատկերված աղջիկը աղախին չէ, նրա թանկարժեք հագուստը խոսում է այն մասին, որ նա ամուսնացած տնային տնտեսուհի է: Նրա դիրքորոշումը ընկալվում է երկու ձևով` կամ որպես այլաբանական մելամաղձություն, կամ էլ ծուլություն, որը միջնադարյան աստվածաբանության մեջ մահացու մեղք էր համարվում:

Գրականություն[խմբագրել | խմբագրել կոդը]

  • Schneider Norbert, Tout l’oeuvre peint de Vermeer, «Taschen», 2004, ISBN 3-8228-0971-3.
  • Blankert Albert, Vermeer van Delft, Warszawa: Wydawnictwa Artystyczne i Filmowe, 1991, ISBN 83-221-0534-7.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]