Քենեթ Լեյ

Վիքիպեդիայից՝ ազատ հանրագիտարանից
Քենեթ Լի Լեյ
Kenneth Lee Lay
Ken Lay.jpg
Ծնվել է Ապրիլի 15, 1942
Ծննդավայր Ամերիկայի Միացյալ Նահանգներ Թայրոն, Միսուրի, ԱՄՆ
Մահացել է Հուլիսի 5, 2006
(64 տարեկանում)
Մահվան վայր Ամերիկայի Միացյալ Նահանգներ Սնոումես, Կոլորադո, ԱՄՆ
Քաղաքացիություն Ամերիկայի Միացյալ Նահանգներ
Ազգություն Ամերիկայի Միացյալ Նահանգներ Ամերիկացի
Կրթություն Հյուստոնի համալսարան և Միսուրիի համալսարան
Մասնագիտություն գործարար
Աշխատանք Գործարար
Ամուսին Լինդա Լեյ
Քաղաքական կուսակցություն ԱՄՆ Հանրապետական կուսակցություն

Քենեթ Լի Լեյ (անգլKenneth Lee Lay, ապրիլի 15, 1942 - հուլիսի 5, 2006), ամերիկացի գործարար, առավել հայտնի որպես «Էնրոն» կորպորացիայի հիմնադիր և գործադիր տնօրեն՝ 1985 թվականից մինչև իր հրաժարականը՝ 2002 թվականի հունվարի 23-ը։ 2000 թվականի ընթացքում Լեյին, որպես գործադիր տնօրեն, մի քանի ամսով փոխարինել է Ջեֆ Սկիլինգը։ Եղել Է Ջորջ Բուշ կրտսերի նախագահական քարոզարշավների առավել ակտիվ համախոհներից և հովանավորներից։

Լեյի անունը կապվում է կորպորատիվ աշխարհի պատմության խոշորագույն սկանդալներից մեկի՝ «Էնրոնի» հաշվապահական զեղծարարության հետ։[1] 2004 թվականի հուլիսի 7-ին դատարանը Լեյին մեղավոր է ճանաչում արժեթղթերի խարդախության 11 տեսակի և նմանատիպ զեղծարարությունների մեջ, մասնավորապես՝ ընկերության իրավիճակի մասին կեղծ ֆինանսային հաշվետվություններ ներկայացնելու մեջ։ 2006 թվականի հունվարի 31-ին Հյուստոնում տեղի է ունենում Լեյի և Սկիլինգի դատավարությունը։ Նույն թվականի մայիսի 25-ին դատարանը Լեյին մեղավոր է ճանաչում ներկայացված 11 մեղադրանքներից 10-ում։ Քանի որ ներկայացված մեղադրանքներից յուրաքանչյուրը ենթադրում էր 5-10 տարվա ազատազրկում, փորձագետներն համոզված էին, որ Լեյին սպասվում է 20-30 տարվա ազտազարկում։[2] Վերջնական դատավարությունից երեք ու կես ամիս առաջ՝ 2006 թ.-ի հուլիսի 5-ին Լեյը կնքում է մահկանացուն։[3] Ըստ նախնական դիահերձման հաշվետվությունների՝ Լեյը հանակարծամահ է եղել սրտի կաթվածից։[4] Լեյի մահից հետո դատարանը նրան հետմահու ազատում է մեղադրանքներից։ Կան բազմաթիվ տեսություններ, որ Լեյը կեղծել է իր մահը, որպեսզի ազատվի իրեն ներկայացված մեղադրանքներից։[5]

Ծանոթագրություններ[խմբագրել | խմբագրել կոդը]

  1. Քրոուֆորդ Քրիստեն (2004-07-12)։ «Լեյն հանձնվում է իշխանություններին»։ «Սի Էն Էն մանի»։ Վերցված է 2010 թ․ մարտի 2 
  2. Պաշա, Շահին և Ջեսիկա Սեյդ (2006-05-25)։ «Լեյի և Սկիլինգի հետ հաշիվները մաքրելու օրը»։ «Սի Էն Էն մանի»։ Վերցված է 2010 թ․ մարտի 2 
  3. Մուլիգան Թոմաս Ս., Բաստիլլո Միգել (Հուլիսի 6, 2006)։ «Լեյի մահը կասկածի տակ է առնում նրա հանդեպ մեղադրանքները»։ «Լոս Անջելես թայմս»։ Վերցված է 2010 թ․ մարտի 2 
  4. Ֆաուլեր Թոմ (Հոկտեմբերի 17, 2006)։ «Դատավորը հանում է Լեյին ներկայացված բոլոր մեղադրանքները»։ «Ասոշիեդ պրես»։ Վերցված է 2010 թ․ մարտի 2 
  5. Ուեստլեր Ալեն (2006-06-06)։ «Քեն Լեյի դավադրությունը»։ «Սի Էն Էն մանի»։ Արխիվացված օրիգինալից-ից 2010-06-24-ին։ Վերցված է 2010 թ․ հունիսի 24 

Արտաքին հղումներ[խմբագրել | խմբագրել կոդը]