Փարիզի համաձայնագրեր (1954)

Վիքիպեդիայից՝ ազատ հանրագիտարանից
Jump to navigation Jump to search

Փարիզի համաձայնագրեր 1954, ԱՄՆ–ի, Մեծ Բրիտանիայի, Ֆրանսիայի, Իտալիայի, Կանադայի, Բելգիայի, Նիդերլանդների, Լյուքսեմբուրգի ներկայացուցիչների կողմից ԳՖՀ–ի հետ ստորագրված (հոկտեմբերի 23-ին) ռազմական, քաղաքական և այլ փաստաթղթերի ամբողջություն։ Ուժի մեջ են մտել 1955 թվականի մայիսի 5-ին։ Հիմնականներն են․ 1․ ԳՖՀ–ում օկուպացիոն ռեժիմի վերացման մասին ԱՄՆ–ի, Մեծ Բրիտանիայի, Ֆրանսիայի և Արմ․ Գերմանիայի ստորագրած արձանագրությունն ու համաձայնագիրը, 2․ ՆԱՏՕ–ի շրջանակներում ռազմա-քաղաքական Արևմտաեվրոպական դաշինքի ստեղծման վերաբերյալ Մեծ Բրիտանիայի, Ֆրանսիայի, Իտալիայի, Բելգիայի, Նիդերլանդների, Լյուքսեմբուրգի և ԳՖՀ–ի ստորագրած արձանագրությունները, 3․ ԳՖՀ–ի՝ ՆԱՏՕ-ին միանալու մասին այդ խմբավորման անդամ պետությունների արձանագրությունը։ Փարիզի համաձայնագրերը էապես մեղմացրին արևմտագերմանական ռազմաարդյունաբերական պոտենցիալի սահմանափակումները, օրինականացրեցին ԳՖՀ-ի սպառազինումը։ ԳՖՀ-ի կառավարությունը ապօրինի կերպով հռչակվեց ամբողջ գերմանական ժողովրդի «միակ ներկայացուցիչը» միջազգային գործերում։ Ի խախտումն Պոտսդամի կոնֆերանս 1945 թվականի որոշումների ստորագրված Փարիզի համաձայնագրերը ուժեղացրին միջազգային լարվածությունը։ Այդ համաձայնագրերի դեմ վճռաբար հանդես եկան ԽՍՀՄ, ԳԴՀ և սոցիալիստ, մյուս երկրները, եվրոպական պետությունների խաղաղասեր հասարակայնությունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png