Ցոլակ Վարդազարյան

Ցոլակ Վարդազարյան
Ծնվել է	հունվարի 19, 1910; Ջալալօղլի, Բորչալուի գավառ, Թիֆլիսի նահանգ, Ռուսական կայսրություն
Մահացել է	ապրիլի 23, 1944 (34 տարեկան); Երևան, Հայկական ԽՍՀ, ԽՍՀՄ
Մասնագիտություն	Երգիչ, երգահան
Գործունեություն	1937–1944
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Երևանի Կոմիտասի անվան պետական կոնսերվատորիա և Հայաստանի էստրադային նվագախումբ
Կրթություն	Ռոմանոս Մելիքյանի անվան պետական երաժշտական քոլեջ և Մոսկվայի կոնսերվատորիա
Կապված	Հայաստանի պետական ջազ նվագախումբ

Վիքիպեդիայում կան հոդվածներ Վարդազարյան ազգանունով այլ մարդկանց մասին։

Ցոլակ Վարդազարյան (հունվարի 19, 1910(1910-01-19), Ջալալօղլի, Բորչալուի գավառ, Թիֆլիսի նահանգ, Ռուսական կայսրություն - ապրիլի 23, 1944(1944-04-23), Երևան, Հայկական ԽՍՀ, ԽՍՀՄ), հայ սովետական փողհար, դիրիժոր, երաժիշտ։

Կենսագրություն

Ծնվել է 1910 թվականի հունվարի 19-ին Ջալալօղլիում։ 1932 թվականին ավարտել է Երևանի երաժշտական ուսումնարանը։ 1932-1936 թվականներին սովորել է Մոսկվայի կոնսերվատորիայում` Տաբակովի արվեստանոցում։ 1937 թվականից եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մենակար։ Դասավանդել է Երևանի կոնսերվատորիայում և երաժշտական ուսումնարանում։ 1938 թվականին Արտեմի Այվազյանի հետ եղել է Հայաստանի պետական ջազ նվագախմբի հիմնադիր կազմում` որպես դիրիժոր և մենակատար։ 1942 թվականից եղել է Երևանի երաժշտական կոմեդիայի թատրոնի դիրիժոր։ Հայրենական մեծ պատերազմի տարիներին կազմակերպել է համերգային անսամբլներ և հանդես եկել ռազմաճակատում։ Վախճանվել է 1944 թվականի ապրիլի 23-ին Երևանում`ավտովթարից,իր քրոջ հետ։ Հայտնի ժողովրդական արտիստ,կոմպոզիտոր Մարտին Վարդազարյանի հայրն է։

↑ «ԵՐԱԺՇՏԱԿԱՆ ԿՈՄԵԴԻԱՅԻ ՊԵՏԱԿԱՆ ԹԱՏՐՈՆ». www.comedytheater.am. Արխիվացված է օրիգինալից 2017 թ․ սեպտեմբերի 4-ին. Վերցված է 2017 թ․ ապրիլի 1-ին.