Ցոլակ Վարդազարյան

Ցոլակ Վարդազարյան
Ծնվել է	ապրիլի 1, 1910; Ջալալօղլի, Բորչալուի գավառ, Թիֆլիսի նահանգ, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	ապրիլի 12, 1944 (34 տարեկան); Երևան, Հայկական ԽՍՀ, ԽՍՀՄ
Մասնագիտություն	փողհար, դիրիժոր և երաժշտության դասախոս
Գործունեություն	1937–1944
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Երևանի Կոմիտասի անվան պետական կոնսերվատորիա, Հայաստանի էստրադային նվագախումբ և Հակոբ Պարոնյանի անվան պետական երաժշտական կոմեդիայի թատրոն
Կրթություն	Ռոմանոս Մելիքյանի անվան պետական երաժշտական քոլեջ (1932) և Մոսկվայի կոնսերվատորիա (1936)
Պարգևներ

Վիքիպեդիայում կան հոդվածներ Վարդազարյան ազգանունով այլ մարդկանց մասին։

Ցոլակ Մարտիրոսի Վարդազարյան (ապրիլի 1, 1910(1910-04-01)^[1], Ջալալօղլի, Բորչալուի գավառ, Թիֆլիսի նահանգ, Ռուսական կայսրություն^[1] - ապրիլի 12, 1944(1944-04-12)^[1], Երևան, Հայկական ԽՍՀ, ԽՍՀՄ^[1]), հայ սովետական փողհար, դիրիժոր, երաժիշտ։

Կենսագրություն

Ծնվել է 1910 թվականի հունվարի 19-ին Ջալալօղլիում։ 1932 թվականին ավարտել է Երևանի երաժշտական ուսումնարանը։ 1932-1936 թվականներին սովորել է Մոսկվայի կոնսերվատորիայում` Տաբակովի արվեստանոցում։ 1937 թվականից եղել է Երևանի Սպենդիարյանի անվան օպերայի և բալետի ազգային ակադեմիական թատրոնի մենակար։ Դասավանդել է Երևանի կոնսերվատորիայում և երաժշտական ուսումնարանում։ 1938 թվականին Արտեմի Այվազյանի հետ եղել է Հայաստանի պետական ջազ նվագախմբի հիմնադիր կազմում` որպես դիրիժոր և մենակատար։ 1942 թվականից եղել է Երևանի երաժշտական կոմեդիայի թատրոնի դիրիժոր։ Հայրենական մեծ պատերազմի տարիներին կազմակերպել է համերգային անսամբլներ և հանդես եկել ռազմաճակատում։ Վախճանվել է 1944 թվականի ապրիլի 23-ին Երևանում`ավտովթարից,իր քրոջ հետ։ Հայտնի ժողովրդական արտիստ,կոմպոզիտոր Մարտին Վարդազարյանի հայրն է։

Ղեկավարած ներկայացումներ

Երևանի երաժշտական կոմեդիայի թատրոնում ղեկավարել է հետևյալ ներկայացումները^[2]՝

Ի. Կալման՝ «Սիլվա»
Ռ. Նելսոն՝ «Թագավորը զվարճանում է»
Մ. Ֆերկելման՝ «Սերենադա»
Ա. Այվազյան՝ «Ատամնաբույժն արևելյան»
Ա. Այվազյան՝ «Ուշ լինի՝ նուշ լինի»
Ի. Կալման՝ «Մարիցա»

Պարգևներ

«Պատվո նշան» շքանշան
Երաժիշտ-կատարողների Համամիութենական մրցույթի դիպլոմանտ, Մոսկվա, 1941

Տես նաև

Հայաստանի պետական ջազ նվագախումբ

Ծանոթագրություններ

1 2 3 4 5 6 7 8 9 10 11 12 13 14 Հայկական սովետական հանրագիտարան (հայ.) — Երևան: 1985. — հատոր 11. — էջ 309.
↑ «ԵՐԱԺՇՏԱԿԱՆ ԿՈՄԵԴԻԱՅԻ ՊԵՏԱԿԱՆ ԹԱՏՐՈՆ». www.comedytheater.am. Արխիվացված է օրիգինալից 2017 թ․ սեպտեմբերի 4-ին. Վերցված է 2017 թ․ ապրիլի 1-ին.

Արտաքին հղումներ

Ցոլակ Վարդազարյանի կենսագրություն Արխիվացված 2020-08-15 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 309)։

[_3bbd308e060f764c-1] 1 2 3 4 5 6 7 8 9 10 11 12 13 14 Հայկական սովետական հանրագիտարան (հայ.) — Երևան: 1985. — հատոր 11. — էջ 309.

[2] «ԵՐԱԺՇՏԱԿԱՆ ԿՈՄԵԴԻԱՅԻ ՊԵՏԱԿԱՆ ԹԱՏՐՈՆ». www.comedytheater.am. Արխիվացված է օրիգինալից 2017 թ․ սեպտեմբերի 4-ին. Վերցված է 2017 թ․ ապրիլի 1-ին.

[1]

[2]