Տրելյու

Տրելյու
Քաղաք
	Տրելյու
	իսպ.՝ Trelew
	43°15′0″S 65°18′27″W / 43.25000°S 65.30750°W
Երկիր	Արգենտինա
Շրջան	Ռոսոն
Համայնք	Rawson Department?
Ղեկավար	Ադրիան Մադերնա
Հիմնադրված է	1886 թ.
Մակերես	249 կմ²
ԲԾՄ	11 մ
Բնակչություն	99430 մարդ (2010)
Խտություն	376 մարդ/կմ²
Ագլոմերացիա	147091
Ժամային գոտի	UTC-4
Փոստային դասիչ	U9100
Պաշտոնական կայք	trelew.gov.ar
	Տրելյու (Արգենտինա)
	Տրելյու (Արգենտինա)
	Տրելյու Վիքիպահեստում

Տրելյու (իսպ.՝ Trelew^[1]), քաղաք Արգենտինայի Չուբուտ նահանգում, գտնվում է Ատլանտյան օվկիանոսի ափից մի քանի կիլոմետր հեռավորության վրա՝ Չուբուտ գետի ափին։ 2010 թվականին բնակչությունը կազմել է 99 430 մարդ։ Ռոսոն քաղաքում և Չուբուտ գետի ստորին հոսանքի մի քանի գյուղերում և քաղաքներում ապրում է մոտավորապես 150 հազար մարդ։ Նահանգի մեծությամբ երկրորդ քաղաքն է Կոմոդորո Ռիվադավիա քաղաքից հետո և Պատագոնիայի ամենամեծ քաղաքը։

Ընդհանուր տեղեկություններ

Քաղաքը գտնվում է Չուբուտ գետի ստորին հոսանքում՝ Ատլանտյան օվկիանոսի ափից մոտավորապես 20-25 կմ, իսկ Ռոսոնից 17 կմ հեռավորության վրա։ Տեղանքում ռելիեֆը հարթավայրային է։ Քաղաքը գտնվում է կիսաանապատների և անապատների բնական գոտիների սահմանին։ Տարեկան տեղումների միջին քանակը չի գերազանցում 200 մմ։

Պատմություն

Քաղաքի անունը Վալլիերեն թարգմանվում է Լյուի քաղաք (քաղաքի հիմնադիր Լյուիս Ջոնսի անվան կրճատ ձևն է)։ Տրելյուն հիմնադրվել է 1886 թվականին որպես երկաթուղային կայարան։ Այն վալլիական գաղութի մաս է կազմել։ Ներկայումս քաղաքը Պատագոնիայի վալլիական խոշորագույն բնակավայրերից մեկն է, որտեղ մինչև օրս ապրում են Ուելսից եկածների սերունդներ։ Վալլիերենն օգտագործվում է առօրյա խոսքում և դասավանդվում որոշ դպրոցներում։

Տնտեսություն

Տրելյուն խոշոր արդյունաբերական և առևտրային կենտրոն է։ Քաղաքի տնտեսության հիմքը կազմում են գյուղատնտեսությունը (անասնաբուծություն), արդյունաբերությունը, զբոսաշրջությունը, առևտուրը, բանկային գործը։ Գյուղատնտեսությամբ սկսել են զբաղվել դեռևս XIX դարի վերջին։