Տոմազո դել Մացցա
Տոմազո դել Մացցա | |
---|---|
Ծնվել է | 14-րդ դար կամ 14-րդ դար |
Վախճանվել է | 14-րդ դար կամ 15-րդ դար |
Մասնագիտություն | նկարիչ |
Ուշագրավ աշխատանքներ | Coronation of the Virgin? |
Tommaso del Mazza Վիքիպահեստում |
Տոմազո դել Մացցա (իտալերեն՝ Tommaso del Mazza, 14-րդ դար կամ 14-րդ դար - 14-րդ դար կամ 15-րդ դար), հայտնի է նաև Սանտա Վերդիանայի վարպետ (Maestro di Santa Verdiana) անունով, գործել է 1377 - 1395 թվականներին, 14-րդ դար կամ 14-րդ դար - 14-րդ դար կամ 15-րդ դար), վաղ Վերածննդի դարաշրջանի իտալացի նկարիչ
Կենսագրություն[խմբագրել | խմբագրել կոդը]
Տոմազո դել Մացցան կերպարվեստի մեջ հմտացել է Ֆլորենցիայում՝ աշակերտելով նախ՝ Անդրեա Օրկանյային, այնուհետև՝ վերջինիս եղբորը՝ Ջակոպո դի Չոնեին։ Նա ստեղծագործել է Ֆլորենցիայում, Պրատոյում և Պիզայում։ Նկարել է տիպիկ գոթական ոճով, որպես կանոն՝ ոսկեգույն խորապատկերի (ֆոնի) վրա[1]։ Հաճախ համագործակցել է այլ նկարիչների հետ; Այսպես՝ մի շարք աշխատանքներ իրականացրել է Պիետրո Նելլիի համահեղինակությամբ (այդ թվում՝ Սանտա Մարիա դել Իմպրունետայի պոլիպտիքոսը)։ Համագործակցել է նաև մեկ այլ նկարչի՝ Նիկոլո դի Պիետրո Ջերինիի հետ։
Տոմազո դել Մացցան Ֆլորենցիայում ունեցել է իր սեփական արվեստանոցը։ Նկարչի հայտնի ստեղծագործություններից են՝
- Ավետումը - ամենայն հավանականությամբ՝ ստեղծվել է Պիենցայի Սան Ֆրանչեսկո եկեղեցու Պիկոլոմինի մատուռի համար. ներկայումս գտնվում է Ամերիկայի Միացյալ Նահանգներում՝ Կալիֆորնիայի Գեթթի թանգարանում[2].
- Տիրամայրը Մանկան և վեց սրբերի հետ (1390 թ.) - գտնվում է ԱՄՆ-ում՝ Ջորջիա նահանգի Ատլանտա քաղաքի High Museum of Art թանգարանում[3].
- Սուրբ Կույսի կյանքի, չարչարանքների ու թագադրման տեսարաններ պատկերող նկարների շարք (1365-1375 թթ.), որն ըստ երևույթին ստեղծվել է Ֆլորենցիայի Հիսուսի և Խաչի եղբայրակցության (Confraternita di Gesu e della Croce) ճառասրահի համար[4]
- Սուրբ Կույսի թագադրումը (1380-1390 թթ.) - ներկայումս գտնվում է Փարիզի «Լուվր» թանգարանում (Ֆրանսիա)
- Սուրբ Կույսը Մանկան, սրբերի և նվիրատուների հետ (մոտավորապես 1400 թ.) National Gallery of Ireland - ներկայումս գտնվում է Դուբլինում՝ Իռլանդիայի ազգային պատկերասրահում։
Գրականություն[խմբագրել | խմբագրել կոդը]
- Elisabetta Nardinocchi (a cura di), Guida al Museo Horne, Edizioni Polistampa, Firenze 2011. ISBN 978-88-596-0969-8
Ծանոթագրություններ[խմբագրել | խմբագրել կոդը]
- ↑ Getty Museum, artist biographies.
- ↑ Getty Museum, Annunciation entry.
- ↑ High Museum of Art, European Art Collection.
- ↑ Una tavoletta inedita di Tommaso del Mazza proveniente dall'Etruria Pittrice del Marchese Alfonso Tacoli-Canacci, Vincenzo Buonocore, Arte Cristiana, November 2002 article.
Վիքիպահեստն ունի նյութեր, որոնք վերաբերում են «Տոմազո դել Մացցա» հոդվածին։ |
|