Տիբեթցիներ

Վիքիպեդիայից՝ ազատ հանրագիտարանից
Jump to navigation Jump to search

Տիբեթացիներ (ինքնանվանումը՝ պյոբա), ժողովուրդ, Տիբեթի արմատական բնակչությունը։ Բնակվում են Չինաստանում (Տիբեթի ինքնավար շրջան, Դանսու, Ցինհայ, Սըչուան, Ցուննան նահանգներ), որոշ մասը՝ Հնդկաստանում, Նեպալում և Բութանում։ Ընդհանուր թիվը՝ մոտ 5 միլիոն (1978 թ.)։ Խոսում են տիբեթերենի բարբառներով։ Հիմնական կրոնը լամայականությունն է (բուդդայականության հյուսիսային ճյուղ)։ Տիբեթացիների կեսից ավելին լեռնային նստակյաց երկրագործներ են (աճեցնում են հիմնականում գարի, ցորեն, բրինձ), մնացածներրը՝ կիսանստակյաց հողագործ-անասնապահներ և թափառակեցիկ անասնապահներ (բուծում են եղնայծ, ձի, ոչխար, այծ)։ Զարգացած են արհեստները։ XX դ․ սկզբին ստեղծվել են արդիական մի քանի փոքր ձեռնարկություններ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 695 CC-BY-SA-icon-80x15.png