Տերեփուկ երևանյան
| Տերեփուկ երևանյան | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Centaurea erivanensis
|
Տերեփուկ երևանյան (լատին․՝ Centaurea erivanensis), բարդածաղկավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Առսերմ մոխրագույն թավոտ, նոսր տերևակալած բազմամյա խոտաբույս է։ Զամբյուղները ձվաձև են, ծածկոցի թերթերի հավելուկները՝ սղոցաատամնավոր։ Ծաղիկիները սպիտակակրեմագույն են։ Սերմիկներն ունեն կարճ թարթիչավոր պապուս[1]։
Տարածվածություն[խմբագրել | խմբագրել կոդը]
Հայտնի է Երևանի ֆլորիստական շրջանում (Երևան, Շորաղբյուր, Զովաշեն, Գեղադիր, Ենգիջա, Ուրծի լեռնաշղթա, «Էրեբունի» պետական արգելոց)։ Հանդիպում է նաև Նախիջևանում (Ազնաբերդ), Արևմտյան Հայաստանում և Հյուսիսարևմտյան Իրանում[1]։
Էկոլոգիա[խմբագրել | խմբագրել կոդը]
Աճում է ստորինից մինչև վերին լեռնային գոտի՝ ծովի մակարդակից 700-2000մ բարձրություների վրա, չոր քարքարոտ, կավային կամ գիպսակիր, աղակալված լանջերին, կիսաանապատներում, տափաստանում։ Ծաղկում է հունիս-հուլիս ամիսներին, պտղաբերում՝ հուլիս-օգոստոսին[1]։
Պահպանություն[խմբագրել | խմբագրել կոդը]
Խոցելի տեսակ է։ Տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Հայաստանի Կարմիր գրքի առաջին հրատարակության մեջ ընդգրկված էր որպես կրճատվող տեսակ։ CITIS-ի Բեռնի կոնվենցիաների հավելվածներում ընդգրկված չէ[1]։
Պոպուլյացիայի մի մասը պահպանվում է «Խոսրովի անտառ» և «Էրեբունի» պետական արգելոցների տարածքներում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.