Տագանրոգի քաղաքաշինություն և կենցաղ (թանգարան)

Վիքիպեդիայից՝ ազատ հանրագիտարանից
Տագանրոգի քաղաքաշինություն և կենցաղ
Sharonov house1.jpg
Տեսակ թանգարան
Երկիր Ռուսաստան
Տեղագրություն Տագանրոգ
Վայր Տագանրոգ
Հիմնադրված է 1981
Կոորդինատներ: 47°13′7″ հս․ լ. 38°55′16″ ավ. ե. / 47.21861° հս․. լ. 38.92111° ավ. ե. / 47.21861; 38.92111
Տագանրոգի քաղաքաշինություն և կենցաղ (թանգարան)ը գտնվում է Ռուսաստանում
Տագանրոգի քաղաքաշինություն և կենցաղ (թանգարան)
Taganrog City Development Museum Վիքիպահեստում

«Տագանրոգի քաղաքաշինություն և կենցաղ» թանգարան (ռուս.՝ Музей «Градостроительство и быт г. Таганрога»), մոդեռն ոճով 1912 թվականին կառուցված ճարտարապետության և մշակույթի հուշարձան։ Մտնում է Տագանրոգի գրականության և պատմաճարտարապետական պետական թանգարան-արգելոցի կազմի մեջ։

Նկարագրություն[խմբագրել | խմբագրել կոդը]

«Տագանրոգի քաղաքաշինություն և կենցաղ» թանգարանն ունի զգալի ճարտարապետական արժեք ՌԴ Ռոստովի մարզի Տագանրոգ քաղաքի համար։ Գտնվում է քաղաքի բանուկ կենտրոնում։ Հինավուրց շենքը (նախկինում` հացավաճառ Եվգենի Շարոնովի տունը) մոդեռն ոճով 1912 թվականին կառուցված ճարտարապետության և մշակույթի հուշարձան է։ Նախագծի հեղինակը Անտոն Չեխովի ընկերն է` ճարտարապետ, ակադեմիկոս Ֆեոդոր Շեխտելը։

Հիմնական ճակատը շենքերի ամենամեծ տեսարժանիքն է։ Հուշարձանի կառուցվածքը հիմնված է անհամաչափության վրա։ Իր տեսակի մեջ եզակի խճանկարային ծոփորը պատրաստված է մայոլիկայից, նրա հորինվածքը միավորում է սյուժետային մի շարք խմբեր։ Շենքն ուսումնասիրելու ընթացքում հայտնվել են պնդումներ, որ որմնապատկերներն արվել են Նիկոլայ Ռերիխի, Միխայիլ Վրուբելի, Վիկտոր Վասնեցովի էսքիզներով Մոսկվայի մոտ գտնվող Աբրամցևյան արվեստանոցում։ Խճանկարները նվիրված են ռուսական բիլինաների սյուժեներին։ Առանձնատունը տարածաշրջանում միակն է, որի ճակատին կիրառվել է մոնումենտալ գեղանկարչություն։

Խորհրդային տարիներին շենքում տեղակայված են եղել տարբեր հաստատություններ, իսկ 1981 թվականին բացվել է «Տագանրոգի քաղաքաշինություն և կենցաղ» թանգարանը։ Ցուցադրության մեջ ներկայացված են հին Տագանրոգի շրջանները, հին լուսանկարներ, բացիկներ, քաղաքային պլաններ, XVIII-XX դարերի կահույքի և դեկորատիվ արվեստի նմուշներ, ռուսական և արևմտաեվրոպական ապակուց պատրաստված առարկաներ, որոնք ցուցադրում են քաղաքի կենցաղի ոճի առանձնահատկությունները Պետրոս Մեծի ժամանակներից մինչ մեր օրերը[1][2]։

«Տագանրոգի քաղաքաշինություն և կենցաղ» թանգարանի շենքի ցոկոլային հարկում գտնվում է չորս ցուցասրահ, որտեղ պարբերաբար կազմակերպվում են տարբեր ցուցահանդեսներ, թեմատիկ երեկոներ և մշակութային այլ իրադարձություններ[3]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]