Տագանրոգի գրականության և պատմաճարտարապետական պետական թանգարան-արգելոց
Տագանրոգի գրականության և պատմաճարտարապետական պետական թանգարան-արգելոց | |
|---|---|
 | |
| Տեսակ | թանգարան |
| Երկիր |  Ռուսաստան |
| Տեղագրություն | Տագանրոգ |
| Վայր | Ռուսաստան |
| Հիմնադրվել է | 1981 |
| Կայք | donland.ru/Default.aspx?pageid=122053 |
 | |
 | |
Տագանրոգի գրականության և պատմաճարտարապետական պետական թանգարան-արգելոց (ռուս.՝ Таганрогский государственный литературный и историко-архитектурный музей-заповедник / ТГЛИМАЗ), Ռուսաստանի Ռոստովի մարզի Տագանրոգ քաղաքի գրական և երկրագիտական թանգարանների միավորում։
Թանգարանի պատմություն[խմբագրել | խմբագրել կոդը]
Ստեղծվել է 1981 թվականին։ Ընդհանուր մակերեսը 5000 քառակուսի մետր է։ Ֆոնդերը կազմում են ավելի քան 280 հազար պահեստավորված միավոր։ Միավորման մաս կազմող թանգարաններից յուրաքանչյուրը ստեղծվել է տարբեր ժամանակներում և ունի իր պատմությունը։
Թանգարանի կառուցվածք[խմբագրել | խմբագրել կոդը]
Միավորման գրական մաս.[խմբագրել | խմբագրել կոդը]
- Անտոն Չեխովի գրական թանգարան, գտնվում է նախկին արական դասական գիմնազիայի շենքում։ Այստեղ սովորել է Անտոն Չեխովը։ Թանգարանը բացվել է 1935 թվականի մայիսի 29-ին։ Թանգարանի ցուցադրությունը վերաբերում է Անտոն Չեխովի կյանքի և ստեղծագործության ուսումնասիրմանը, ինչպես նաև Տագանրոգի ազդեցությանը նրա ստեղծագործությունների վրա։ Ցուցադրությունը ներառում է շուրջ 1600 ցուցանմուշ։
- «Չեխովի տնակ» հուշաթանգարան, տուն, որտեղ ծնվել է Անտոն Չեխովը։ 1926 թվականին այստեղ բացվել է գրողի կյանքի նվիրված թանգարանային առաջին ցուցադրությունը։
- «Չեխովների կրպակ», գտնվում է 1840-ական թվականների տանը, որը Չեխովների ընտանիքը վարձակալել է 1869-1874 թվականներին։ Ընտանիքն ապրել է տան երկրորդ հարկում, իսկ ներքևի հարկում գտնվել է հոր նպարեղենի կրպակը։ Անտոն Չեխովն այստեղ ապրել է 9-ից 14 տարեկանում։ Թանգարանը բացվել է 1977 թվականի նոյեմբերի 3-ին։
- Իվան Վասիլենկոյի թանգարան, գտնվում է այն տանը, որտեղ 1923-1966 թվականներին ապրել է գրող, Ստալինյան մրցանակի դափնեկիր Իվան Վասիլենկոն։ 1988 թվականին գրողի նախկին բնակարանը փոխանցվել է թանգարան-արգելոցին։
Միավորման պատմական մաս.[խմբագրել | խմբագրել կոդը]
- Պատմաերկրագիտական թանգարան, հիմնվել է XIX դարի վերջում Անտոն Չեխովի նախաձեռնությամբ։ Չեխովը թանգարանին տրամադրել է դրամական օգնություն, նրա խնդրանքով թանգարանին են փոխանցվել ռուս հայտնի նկարիչների կտավներ։ 1927 թվականին թանգարանը տեղափոխվել է Տագանրոգի Ալֆերակիի պալատի շենք[1]։ 1955 թվականից Տագանրոգի երկրագիտական թանգարանի կինոդասախոսական դահլիճում գործում էր պլանետարիում, որտեղ կար մի քանի աստղադիտակ։
- Անատոլի Դուրովի թանգարան, նվիրված է կենդանիների հայտնի վարժեցնող Անատոլի Դուրովի կյանքին և ստեղծագործությանը։ Ա. Դուրովը 1926 թվականին գնել է շենքը, որտեղ ապրել է մինչև 1940 թվականը։ 1987 թվականին այստեղ բացվել է Դուրովին նվիրված ցուցադրություն։
- «Տագանրոգի քաղաքաշինություն և կենցաղ» թանգարան, բացվել է 1981 թվականին։ Գտնվում է հացավաճառ Եվգենի Շարոնովի առանձնատանը, որը Ռուսաստանի Դաշնության նախագահի 1995 թվականի փետրվարի 20-ի թիվ 176 հրամանագրով դասվել է ՌԴ ճարտարապետության հուշարձանների շարքին։ Շենքը կառուցվել է 1912 թվականին մոդեռն ոճով ակադեմիկոս Ֆեոդոր Շեխտելի նախագծով։ Թանգարանը վարում է ակտիվ ցուցահանդեսային գործունեություն` իր սրահներում տեղադրելով ինչպես տեղի արվեստագետների ստեղծագործությունները, այնպես էլ տարբեր շրջիկ ցուցահանդեսներ։ Թանգարանում ցուցադրված հայտնի նկարիչների թվում են Յուրի Շաբելնիկովը[2], Ալեքսանդր Կիսլյակովը[3], Նատալյա Դուրիցկայան[4]։
- Պատմաերկրագիտական թանգարանի ցուցանմուշները
-
Հնագիտության սրահ -
Շքասրահի առաստաղը -
Կայսր Պետրոս I-ի սրահ -
Մերձազովյան հողերի նվաճման սրահ -
«Տագանրոգ», գերմանական վիմագրություն, 18-րդ դարի վերջ - 19-րդ դարի սկիզբ
.jpg)
Գրականություն[խմբագրել | խմբագրել կոդը]
- Кожевникова Е.А. Домик Чехова // Таганрог. Энциклопедия. — Таганрог: Антон, 2008. — С. 326. — ISBN 978-5-88040-064-5.
Արտաքին հղումներ[խմբագրել | խմբագրել կոդը]
- Таганрогский государственный литературный и историко-архитектурный музей-заповедник
- История музея
- Таганрогский государственный литературный и историко-архитектурный музей-заповедник
- Музей А. А. Дурова
- История Таганрогского государственного литературного и историко-архитектурного музея-заповедника
- Дом-музей писателя И. Д. Василенко
- История Таганрогского государственного литературного и историко-архитектурного музея-заповедника
Ծանոթագրություններ[խմբագրել | խմբագրել կոդը]
- ↑ «Таганрогский историко-краеведческий музей». Արխիվացված է օրիգինալից 2017 թ․ հունվարի 4-ին. Վերցված է 2017 թ․ փետրվարի 15-ին.
- ↑ Собств. корр. Сладкое и горькое приношение победителям // Город N. — 1995. — 17 мая.
- ↑ Боде М. Два приношения: горькое и сладкое // Художественный журнал. — 1996. — № 9.
- ↑ Шабельников Ю. Дурицкая // Новая таганрогская газета. — 2006. — 2 дек.