Վյաչեսլավ Աղաբալյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Վյաչեսլավ Աղաբալյան
Վյաչեսլավ Աղաբալյան.jpeg
Ծնվել էսեպտեմբերի 22, 1946(1946-09-22)
ԾննդավայրԱստղաշեն, Ասկերանի շրջան, ԼՂԻՄ, ԱԽՍՀ, ԽՍՀՄ
Մահացել էհունվարի 5, 2004(2004-01-05) (57 տարեկանում)
Մահվան վայրՍտեփանակերտ
ԿրթությունԵրևանի Մխիթար Հերացու անվան Պետական Բժշկական Համալսարան
Մասնագիտությունքաղաքական գործիչ և վիրաբույժ

Վյաչեսլավ Ռուբենի Աղաբալյան (սեպտեմբերի 22, 1946(1946-09-22), Աստղաշեն, Ասկերանի շրջան, ԼՂԻՄ, ԱԽՍՀ, ԽՍՀՄ - հունվարի 5, 2004(2004-01-05), Ստեփանակերտ), հայ բժիշկ, վիրաբույժ: ԼՂՀ առաջին առողջապահության նախարար (1992–1995), ԼՂՀ առողջապահության և ռազմական բժշկության ծառայության կազմակերպիչներից։ Բժշկական ծառայության պահեստի ավագ լեյտենանտ (1972):

Կենսագրություն[խմբագրել | խմբագրել կոդը]

Վյաչեսլավ Աղաբալյանը ծնվել է Արցախի Աստղաշեն գյուղոմ: 1970 թ. ավարտել է Երևանի պետական բժշկական ինստիտուտի բուժական ֆակուլտետը։ Վերապատրաստվել է Բաքվի, Լենինգրադի, Կիևի, Երևանի և Մինսկի բժիշկների կատարելագործման ինստիտուտներում։ 1970-1972 թթ. ծառայել է ԽՍՀՄ սահմանապահ զորքերում։ 1972 թվականից աշխատել Լեռնային Ղարաբաղում։ 1976-1979 թթ. եղել է ԼՂԻՄ-ի մարզային հիվանդանոցի գլխավոր բժիշկը։ 1992 թ. ընտրվել է ԼՂՀ առաջին Գերագույն խորհրդի առողջապահության և սոցիալական հարցերի հանձնաժողովի նախագահ՝ միաժամանակ գլխավորելով հանրապետական հիվանդանոցը, ապա և առողջապահության նախարարությունը՝ մինչև 1997 թ.։ 1997 թվականին եղել է առողջապահության փոխնախարարի պաշտոնակատար, 2002-2004 թթ.՝ ԼՂՀ դատաբժշկական փորձաքննության բյուրոյի պետ[1]։

Պատերազմի հենց սկզբից ստեղծել և ղեկավարել է առաջին զինվորական հոսպիտալը, այնուհետև երկրորդը։ 1992 թ. սեպտեմբերից գործուն մասնակցություն է ունեցել ԼՂՀ պաշտպանության բանակի բուժծառայության ստեղծման և կայացման գործին։

Հիմք ընդունելով իր աշխատանքային բազմամյա փորձը և հատկապես՝ հայ-ադրբեջանական հակամարտության ընթացքում կուտակված փաստերը, Վյաչեսլավ Աղաբալյանը գիտական բարեխղճությամբ ձեռնամուխ է եղել մի ուսումնասիրության «Ետպատերազմյան սինդրոմ»։

Ծանոթագրություններ[խմբագրել | խմբագրել կոդը]

  1. Media Noev Kovcheg։ «Воин и врач»։ novostink.ru (ռուսերեն)։ Վերցված է 2017-03-30