Վիքիպեդիա:Ադմինիստրատորների տեղեկատախտակ/Արխիվ/2017

Գնահատումներ

Ողջույն, հարգելի ադմինիստրատորներ: Վաղը ծանր կազմակերպչական օր է սպասվում բոլորիս, սակայն կա այսպիսի մի հարց, եթե ժամանակ գտնեք պատասխանելու՝ շատ ուրախ կլինեմ: Բանն այն է, որ մեր Վիքիպեդիայում գրվում են տարաբնույթ հոդվածներ՝ ամենատարբեր մասնագիտությունների հետ կապված ու ամենալայն թեմատիկայով, սակայն լավ կամ ընտրյալ դառնում են մարզական, մասնավորապես՝ ֆուտբոլային թեմատիկայի հոդվածները: Ստացվում է, որ Հայերեն Վիքիպեդիա մտնող մարդը՝ խմբագիր թե ՀՎ-ով հետաքրքրվող ցանկացած այլ ոք, կտեսնի, որ այստեղ հիմնական շեշտը ֆուտբոլիստի կենսագրություն կազմող հոդվածներ են, այլ ոչ թե հանրագիտարանային բնույթի տեղեկատվական ինֆորմացիա: Թեև մարդու կենսագրությունը նույնպես ունի հանրագիտարանային նշանակություն, բայց ֆուտբոլիստների պարագայում դա կենսագրությունից զատ ոչինչ չի պարունակում, իսկ այստեղ թիմային կերպով՝ մի երեխա գրում է նման հոդված, մյուսները՝ քվեարկում: Իմ մեջ կան երկու իրարամերժ կարծիքներ այս խնդրի հետ կապված, ուստի ես շատ կցանկանայի լսել բոլորիդ կարծիքը, եթե ձեզ հարմար է՝ ժամանակի կամ ցանկության տեսանկյունից: Մի կողմից՝ ինձ համար հաճելի է թեկուզև առանց կարգավիճակի, բայց տարաբնույթ թեմայի ծավալուն հոդվածներով հարուստ վիքիպեդիա, ու նաև գիտակցում եմ, որ լավի ու ընտրյալի պիտակը ոգևորում է մասնակցին, մյուս կողմից՝ մեր հանրագիտարանի տեխնիկական և ոչ միայն, պահերով հետաքրքրվող մարդը այն կտեսնի կենսագրությունների շարք, որովհետև այս երևույթը անընդհատ կշարունակվի՝ աճող տեմպերով: Ինչ կարծիքներ ունեք այս կապակցությամբ՝ մնա ինչպես որ է, թե ընդունվեն որոշակի նորմեր այս երևույթի դեմ, ինչպես մի անգամ Արամն արդեն փորձեց անել: Շնորհակալություն --Հայկ (արաբագետ) 13:53, 14 Հունվարի 2017 (UTC)

Ողջույն։ Որևէ խնդիր չեմ տեսնում, որ կարգավիճակ են ստանում մեծամասամբ սպորտի թեմատիկայի հոդվածները։ Եթե հիշողությունս չի դավաճանում, Ahaik մասնակիցն էլ միանգամից 10 հոդված ներկայացրեց գնահատման, բոլորն էլ աստղագիտության թեմատիկայից։ Դա ո՛չ մեր մեղքն է, ո՛չ էլ առանձին վերցրած խմբագիրների։ Համայնքը ցանկալի բազմազան չէ, որպեսզի մենք ունենանք այլ թեմատիկայից կարգավիճակ ունեցող հոդվածներ։

Հայկ ջան, եթե նկատելի է թիմային աշխատանք (ինչպես վերը նշեցիր «գրել-քվեարկել»-ու տեսքով), շատ հեշտ կարելի է քվեարկությունը կասեցնելու հայտ բացել։ Հավատա, եթե թեկուզ մի փոքր կասկած լինի ադմինների մոտ, կփակվի քվեարկությունը։

Բացի այդ, ես չեմ պատկերացնում, թե ինչպես կարելի է (ընդունման դեպքում) նորմեր կիրառել երևույթի դեմ՝ առանց Վիքիպեդիայի գաղափարախոսությանը դեմ գնալու։ --@ջեօ 17:35, 16 Հունվարի 2017 (UTC)

Շնորհակալություն արձագանքի համար, ջեօ: Աստղագիտության հարցն ուրիշ է, դա գիտություն է, որը գրվում է մասնագետի կողմից, իսկ սա կենսագրության շարք է, դա է խնդիրը: Բացի այդ, ես նորից ուզում եմ շեշտել, ինքս դեռ չունեմ կոնկրետ դիրքորոշում այս հարցի շուրջ, և ուղղակի կուզենայի հնարավորինս շատ կարծիքներ լսել՝ ավելի փորձառու մասնակիցներից՝ որպեսզի իմ դիրքորոշումը լինի և անկողմնակալ, և չհակասի վիքի-կանոններին: Ինչ վերաբերում է գրել-քվեարկելուն, ապա ոչ նորմեր ընդունելն եմ պատկերացնում, ոչ դրանց ձևաչափը, ու դրա համար էլ ուզում եմ մյուսներին լսել: Իսկ քվեարկությունը կասեցնելու հայտի պարագան, դա երևի ամենադժվար, եթե ոչ՝ անհնար ստուգելի բանն է, մարդիկ կարող են միմյանց խնդրել քվեարկել՝ թե առցանց, թե առերես: Մի կողմից՝ հանրագիտարանը կենսագրության շարան չվերածելն է (ֆուտբոլիստի պարագայում որևէ այլ բան գրեթե չկա), մյուս կողմից՝ իրենց մեջ էմոցիաները ու վիքիտրամադրությունը չկոտրելը: Չգիտեմ, լավ կլինի՝ որ ձեր պատասխանները խորհուրդներ էլ ունենան, քանի որ կարծում եմ՝ միայն ինձ չի այս հարցը հետաքրքրում --Հայկ (արաբագետ) 17:50, 16 Հունվարի 2017 (UTC)

Քվեարկության կասեցման համար հիմք կարող է հանդիսանալ միայն այլ մասնակիցներին որևէ հոդվածի օգտին քվեարկել հորդորելը: Այդպիսի միջադեպ գրանցվեց Տարվա հոդվածի քվեարկության ժամանակ, ինչին հետևեց տվյալ հոդվածի համար քվեարկության կասեցումը: Ապացույցներ են պետք, որ քվեարկելու հորդոր է եղել, ինչը պրակտիկորեն անհնար է:--Arsog1985 (քննարկում) 18:34, 16 Հունվարի 2017 (UTC)

Այստեղ Հայկի մտահոգությունը ինձ լրիվ հասկանալի է։ Նման քանակությամբ հոդվածներ «բացահայտ կերպով ոչ հանրահայտ» ֆուտբոլիստների մասին կարող են ստանալ «լավ» կարգավիճակ, ինչը կարող էր նորմալ երևույթ հանդիսանալ «տոպ 10 վիքիպեդիաների», բայց ոչ հայ-վիքիի համար։ Մենք չունենք գործող ֆուտբոլային պորտալ, ինչը հիմք կարող է հանդիսանալ այդ հոդվածների ռեալ գնահատման համար, քանի որ «ֆուտբոլային գիտելիքներին և պատմությանը չտիրապետող» մասնակիցները չեն կարող պրոֆեսիոնալ գնահատել դրանք։ — Vahe ^քնն. 20:03, 16 Հունվարի 2017 (UTC)

Իմ կարծիքով ոչ մի առտարոց բանկ չկա, հոդվածի թեման կապ չունի կարգավիճակի հետ, գնահատման կարող է ներկայացվել ցանկացած հոդված, որը բավարարում է Վիքիպեդիայի պահանջներին: Գրել քվեարկելու դեմ կա շատ պարզ եղանակ, եթե հոդվածը վատն է կարող եք պարզապես դեմ քվեարկել: Յուրաքանչյուր մասնակից կարող է գրել իրեն հոգեհարազատ թեմայով, սա հանրագիտարան է և ոչ միայն գիտական հոդվածները տեղ ունեն այստեղ, այլ նշանակալի ամեն ինչ: Ըստ այդմ ոչ մի հակասող բան չկա միանգամից 10 ֆուտբոլիստի մասին հոդված ներկայացնելը, պարզապես գնահատման ներկայացնողներին կհորդորեմ մեկ առ մեկ ներկայացնել քանի որ առանց այդ էլ համայնքը քիչ է, իսկ կարդալու և քվեարկելու ժամանակը առավել ևս:--Սամվել^{քննարկում} 04:57, 17 Հունվարի 2017 (UTC)

Շնորհակալություն բոլորին՝ կարծիքներ արտահայտելու համար: Իմ կարծիքն արդեն ձևավորվեց [1] --Հայկ (արաբագետ) 11:50, 19 Հունվարի 2017 (UTC)

Երկու հատ շատ ա

Ժողովուրդ, աշխատանքային դաշտից ներքև {{Արտաքին հղումներ}} գրված է 2 անգամ "Կաղապարներ" և "Պիտակներ" բաժիններում։ Երևի մեկը հերաքա։ - Kareyac (քննարկում) 05:29, 2 Փետրվարի 2017 (UTC)

Պիտակներ բաժնից հանեցի։ Ապրես, Կարեյաց ջան։ --@ջեօ 05:57, 2 Փետրվարի 2017 (UTC)

Մրսի, GeoO ջան։ - Kareyac (քննարկում) 06:07, 2 Փետրվարի 2017 (UTC)

Հաճախակի վանդալություն

Խնդրում եմ արգելափակել 46.70.209.59 հասցեն, հաճախակի վանդալություններ անելու պատճառով:--Սամվել^{քննարկում} 11:31, 13 Փետրվարի 2017 (UTC)

Սամվել ջան, հոդվածն արդեն պաշտպանել եմ։--Լիլիթ (քննարկում) 11:32, 13 Փետրվարի 2017 (UTC)

Փաստորեն, այլ հոդվածում էլ էր վանդալություն արել, արգելափակեցի մեկ օրով։--Լիլիթ (քննարկում) 11:34, 13 Փետրվարի 2017 (UTC)

Մարիամ (գրիչ)

Հարգելի ադմիններ Minizaika play մասնակիցը կատարել է անիմաստ տեղափոխում և մասնակցին անվանել է «դեբիլ»: Խնդրում եմ ձեռնարկել համապատասխան գործողություն:--Շեյդի ~ 14:46, 19 Մարտի 2017 (UTC)

Հետաքրքիր է, թե ինչի՞ չի լինում հետ շրջել հոդվածի անվանափոխման գործողությունը:--Գարդմանահայ (քննարկում) 15:26, 19 Մարտի 2017 (UTC)

Շնորհակալ եմ տեղեկացնելու համար։ Մասնակիցը զգուշացում ստացավ։ --@ջեօ 22:03, 19 Մարտի 2017 (UTC)

Բեկոր Աշոտ

Hi There is something wrong with Ashot Bekor's article. dete of birth in infobox mentioned 1965 and in context 1959. which one is correct.– Այս անստորագիր գրառման հեղինակն է Modern Sciences (քննարկում|ներդրումներ) մասնակիցը։

Thanks--Գարդմանահայ (քննարկում) 08:22, 22 Մարտի 2017 (UTC)

Իրազեկում

Հարգելի ադմիններ, ուզում եմ տեղեկացնել, որ ես խմբագրում եմ միայն Իմ Ակումբի (Ստեփանակերտի Վիքիակումբի) երեխաների ավազարկղերում՝ վերջիններիս խնդրանքով և ներկայությամբ: Հուսամ, այսուհետ ոչ մի խնդիր ու հարց չի ծագի, նման դեպքեր արձանագրելու ժամանակ: --Safi-iren (քննարկում) 18:19, 29 Մարտի 2017 (UTC)

Քավարան

Բարև ձեզ հարգելի ադմիններ: Քավարան հոդվածի հեղինակը և անձամբ հեռուստասերիալի ռեժիսորի օգնականն ինձ խնդրեց մի բան ձեռնարկել այս մասնակցի կատարած սխալ խմբագրումների դիմաց: Ինչպես նկատեցի այդ անուն ազգանունով մեկ այլ հաշիվ 3 օրով արգելափակվել էր արդեն:--Շեյդի ~ 08:42, 30 Մարտի 2017 (UTC)

Շեյդի ջան, այժմ հոդվածում սխալ տեղեկություններ կա՞ն։ --@ջեօ 10:34, 30 Մարտի 2017 (UTC)

Ոնցոր թե ոչ Ջեո ջան: Շնորհակալություն: Բայց նաև առաջարկում եմ էջը պաշտպանել մի քանի օրով:--Շեյդի ~ 06:52, 1 Ապրիլի 2017 (UTC)

Էջը մարտի 30-ից մինչև ապրիլի 6-ը պաշտպանված է, Շեյդի ջան։ --23artashes (քննարկում) 08:24, 1 Ապրիլի 2017 (UTC)

Շնորհակալ եմ 23artashes ջան:--Շեյդի ~ 18:38, 1 Ապրիլի 2017 (UTC)

Լուրջ անհանգստություն

Հարգելի ադմիններ, լուրջ մտահոգությունս եմ հայտնում բոլորիդ, քանի որ մեր Վիքիպեդիայում բազմիցս խախտվում են ՎՊ:ԱԱԿ կանոնը, մասնավորապես Հայաստանի խորհրդարանական ընտրություններ 2017 հոդվածում, լրատվամիջոցների ամեն գրված ամեն նյութ համարվում է իրականություն և տեղ է գտնում Վիքիպեդիայիայում, ինչի մեղմ ասած մեր Վիքիպեդիայի վարկանիշը շատ է ցածրացնում, բացի այդ վերը նշված կանոնը Վիքիպեդիայի գլխավոր դրույթներից է, իսկ խախտումը կարող է հանգեցնել արգելափակման: Խնդրում եմ հնարավորինս միջոցներ ձեռնարկել մեր Վիքիպեդիան նման ցածր մակարդակի տեղեկատվությունից զերծ պահելու համար: Մեկ մեջբերում վերը նշված հոդվածից, ինչը ոչ միայն հանրագիտարանային չէ, այլև ընդհանրապես տեղ չունի Վիքիպեդիայում: Ես դա անելու եմ, ֆսյո։ Հենց հիմա էդ գյադուն կանչի ստե, ասֆալտ անողին․․․ Լրիվ գյուղը պետք ա ինձ ձայն տա, հիմա Առաքել Մովսիսյանը ինչ ասի պետք է գրենք Վիքպեդիայու՞մ, սա մեղմ ասած մեզ հարիր չէ:--Սամվել^{քննարկում} 13:01, 30 Մարտի 2017 (UTC)

Ավետիսյան91 ջան, նշում եմ քեզ, քանզի կարծում եմ կհետաքրքրի։ Միանգամայն համակարծիք եմ Սամվելի հետ։ Ես անկեղծ ցանկություն չունեմ, որպեսզի Վիքիպեդիան դեղին մամուլ դառնա։ --@ջեօ 13:23, 30 Մարտի 2017 (UTC)

Ողջույն հարգելի մասնակիցներ։ GeoO ջան, շնորհակալ եմ նշելու համար։ Կոնկրետ նշված հոդվածի պահով․ Խմբագրման հեղինակը ես եմ, բայց համաձայն եմ Սամվելի հետ։ Ընտրակաշառքի փաստը հաստատող ինֆորմացիա է, բայց, այո, ոչ հանրագիտարանային։ Քիչ հետո կհեռացնեմ այն և ուշադիր կլինեմ, որ առնվազն այդ հոդվածում նման ձևակերպումներ հնարավորինս քիչ լինեն։ Շնորհակալ եմ նկատելու համար։--Ավետիսյան91 (քննարկում) 13:48, 30 Մարտի 2017 (UTC)

Մեր Վիքիպեդիան չպետք է քաղաքականացվի, իմ կարծիքով որոշ մարդիկ դա են ուզում:--Շեյդի ~ 06:55, 1 Ապրիլի 2017 (UTC)

Խնդրանք

Հարգելի ադմիններ, քանի որ «Անուղղակի արտադրական ծախսումներ» հոդվածը եղել է իմ առաջինը հոդվածը և ես տեղյակ չեմ եղել վիքիպեդիայի որոշ կանոններին, հոդված եմ ստեղծել իմ անհատական աշխատանքից։ Այժմ խնդիրներ են առաջացել աշխատանքի պաշտպանության հետ կապված, քանի որ այն հրապարակել եմ վիքիպեդիայում։ Խնդրում եմ, հնարավորության դեպքում այն հեռացրեք։ Երբ ամեն ինչ հարթվի, հոդվածը նորից կստեղծեմ։ Եթե հնարավոր չէ, ինչ տարբերակ կարող եք առաջարկել: Անահիտ Մկրտչյան (քննարկում) 14:47, 7 Մայիսի 2017 (UTC)

Իսկ Վիքիպեդիայի կանոններին տեղյակ չլինելն ի՞նչ կապ ունի տվյալ հոդվածի հետ։ Վիքիպեդիայի որևէ կանոն չի արգելում անհատական աշխատանքի հիման վրա հոդված ստեղծել Վիքիպեդիայում, եթե դրա համար օգտագործվել են հեղինակավոր աղբյուրներ։ --Լիլիթ (քննարկում) 15:01, 7 Մայիսի 2017 (UTC)

Հարգելի Լիլիթ միանշանակ սա իմ սխալն է, ի՞նչ եք կարծում ինչպես կարելի է լուծել այս խնդիրը: Հնարավոր է արդյո՞ք ջնջել հոդվածը և որոշ ժամանակ անց նորից տեղադրել այն կամ ուղղակիորեն թարգմանել այս հոդվածն անգլերեն վիքիպեդիայի համանուն հոդվածից: Անահիտ Մկրտչյան (քննարկում) 15:14, 7 Մայիսի 2017 (UTC)

Ինչքան հասկացա՝ թեզի կամ դիպլոմայինի պաշտպանությանն է խանգարում, որովհետև առանց փոփոխությունների այստեղ է արտագրվել։--Beko^{Քննարկում} 15:17, 7 Մայիսի 2017 (UTC)

Իմ ասածն էլ այն է, որ Վիքիպեդիայի տեսանկյունից որևէ սխալ չեք գործել։ Ընդհանրապես հոդվածները Վիքիպեդիայում հրապարակվելուց հետո ենթակա չեն ջնջման, եթե չեն խախտում Վիքիպեդիայի կանոններից որևէ մեկը։ Եթե խնդիրներ են առաջացել Ձեր դասախոսի հետ, ապա այդ փաստը պետք է հաշվի առնել ու որոշել՝ ընդառաջել, թե ոչ, որովհետև Վիքիպեդիայի չափանիշներին համապատասխանող հոդվածի ուղղակի ջնջումն արդեն Վիքիպեդիայի սկզբունքներին է դեմ։ Ինչևէ, սպասում եմ մնացած ադմինների կարծիքին։ --Լիլիթ (քննարկում) 15:19, 7 Մայիսի 2017 (UTC)

Իսկ դասախոսները չե՞ն ընդառաջի, պարզ երևում է որ Ձեր գրածն է։--Beko^{Քննարկում} 15:25, 7 Մայիսի 2017 (UTC)

Ասել եմ, որ վիքիպեդիայում եմ տեղադրել, բայց խնդիրն էլ հենց դա է, որ եթե չջնջվի պետք է անհատականս նորից գրեմ: Ցավոք սրտի այլ տարբերակ չունեմ քան Ձեզ անհանգստացնելն ու խնդրելը, որ հեռացնեք այս հոդվածը: Խոստանում եմ այս հոդվածի փոխարեն երկու հոդված գրել: --Անահիտ Մկրտչյան (քննարկում) 15:37, 7 Մայիսի 2017 (UTC)

Հոդվածի պատմությունը հստակ հնարավորություն է ընձեռում ապացուցել, որ դա Դուք եք գրել ու երբ եք գրել: Կարող ենք տեղափոխել Ձեր ավազարկղ՝ հետագա մշակման, այդպիսով հիմնական տիրույթում չի երևա:--Arsog (1985) 15:59, 7 Մայիսի 2017 (UTC)

Շատ շնորհակալ կլինեի: --Անահիտ Մկրտչյան (քննարկում) 16:03, 7 Մայիսի 2017 (UTC)

Հարգելի՛ Անահիտ Մկրտչյան, սպասենք նաև այլ կարծիքների, և եթե նոր կամ դեմ կարծիքներ չեղան, ապա վաղը որպես խիստ բացառություն (սա նաև հետագայի համար)՝ հոդվածը կտեղափոխվի:--Arsog (1985) 16:19, 7 Մայիսի 2017 (UTC)

Բարի շնորհակալ եմ արագ արձագանքման համար: --Անահիտ Մկրտչյան (քննարկում) 16:23, 7 Մայիսի 2017 (UTC)

Ոչ մասնակցային անուն

Մասնակցի քննարկում:Վիկիպեդյա--Ավետիսյան91 (քննարկում) 11:49, 14 Մայիսի 2017 (UTC)

Ավետիսյան91 ջան, կներես, չափազանց ուշ եմ տեսել գրառումդ։ Արգելափակեցի։ --Լիլիթ (քննարկում) 05:53, 11 Հունիսի 2017 (UTC)

Ողջո՜ւյն։ Կնայե՞ք այս մասնակցին։ Համապատասխանու՞մ է մասնակցային անունների կանոնակարգին։--Ավետիսյան91 (քննարկում) 07:08, 12 Սեպտեմբերի 2017 (UTC)

 Մեկնաբանություն՝ YSU - Yerevan State University--Ավետիսյան91 (քննարկում) 07:09, 12 Սեպտեմբերի 2017 (UTC)

Ողջույն, Ավետիսյան91 ջան, նորմալ է։--Լիլիթ (քննարկում) 07:47, 12 Սեպտեմբերի 2017 (UTC)

Խնդիրների շտեմարան Վիքիխմբագրման գործիքների հետ

Ողջույն հարգելի ադմիններ և համայնք: Մի քանի օր առաջ Վիքիխմբագրման գործիքները դեռ կային, սակայն չէին աշխատում քննարկման էջերում: Հիմա այն չգիտես թե ինչու փոխվել է ցանկերով, և նրանց միջից իսպառ բացակայում են մի շարք կաղապարներ` Ողջույն, Վիքիընդլայնում, ՀՍՀ, ՎՍԳ, անգամ 4 ~-ները և այլն: Խնդրում եմ այն կարգի բերել, այլապես ես այն ստիպված կլինեմ բերել աշխատող տարբերակի: Ըստ իս ամեն ինչ պետք է Վիքիպեդիայում լինի դյուրին, պարզ ու հասկանալի: Իսկ կոնկրետ այս դեպքում առաջնորդվել են միայն գեղեցիկով, որը ճիշտ չէ: Հարգանքներով` Nimeru23 (քննարկում) 05:39, 11 Հունիսի 2017 (UTC)

Ողջույն։ Ինձ մոտ ամեն ինչ հին ձևով է։ --Լիլիթ (քննարկում) 05:51, 11 Հունիսի 2017 (UTC)

Ինձ մոտ թերթվող scrollbox_ով կաղապար է, որը բացելիս ցույց է տալի Օգտագործվող շարքը: Բացի այդ եղածն էլոր սեղմում ես, տեքստում չի ավելանում: Օրինակ "արագ|" կաղապարը սեղմում եմ, ոչ մի ռեակցիա չկա տեքստի վրա: Էլ չեմ ասում, որ խմբագրման որոշ գործիքներ իսպառ չկան` օրինակ տեքստի ավտոմատ փոխարինումը, թավատառ, շեղատառը և այլն: Բայց այս նույն խնդիրը չկա Վիքիդարանում: Nimeru23 (քննարկում) 06:08, 11 Հունիսի 2017 (UTC)

Իմ մոտ էլ հին, նորմալ աշխատող տարբերակն է։ --Beko^{Քննարկում} 06:54, 11 Հունիսի 2017 (UTC)

Փորձիր մաքրել բրաուզերի քեշը, ապա զրոյացնել հայ-վիքիում քո կարգավորումները։ — Vahe ^քնն. 08:00, 11 Հունիսի 2017 (UTC)

Եթե Նախընտրություններ/Գադջեթներ/Խմբագրումի Խմբագրման Գործիքներ-ը միացված է, անջատիր։ --23artashes (քննարկում) 08:16, 11 Հունիսի 2017 (UTC)

Կաղապարները խմբագրման ժամանակ հայտնվեցին, երբ անջատեցի Նախընտրություններ/Գադջեթներ/Խմբագրումի Խմբագրման Գործիքներ, բայց այն տեքստում չի դրվում:Nimeru23 (քննարկում) 09:26, 11 Հունիսի 2017 (UTC)

Փաստորեն կաղապարները միայն քննարկման էջերում չէր դրվում: Ըստ երևույթին ինչ-որ մեկը գործիքների կարգավիճակ է փոխել: Nimeru23 (քննարկում) 11:07, 12 Հունիսի 2017 (UTC)

Քեշը մաքրելը և ամեն ինչը լռելյայն դարձնելը նախընտրություններում ինձ չօգնեց վերականգնել գործիքների վահանակը խմբագրելիս: Այս խնդիրը ես չունեմ ռուսերեն Վիքիում ընդհանրապես, և Հայերեն Վիքիում միմիայն անանուն խմբագրման ժամանակ:Nimeru23 (քննարկում) 12:21, 15 Հունիսի 2017 (UTC)

Improved search in deleted pages archive

Please help translate to your language

During Wikimedia Hackathon 2016, the Discovery team worked on one of the items on the 2015 community wishlist, namely enabling searching the archive of deleted pages. This feature is now ready for production deployment, and will be enabled on all wikis, except Wikidata.

Right now, the feature is behind a feature flag - to use it on your wiki, please go to the Special:Undelete page, and add &fuzzy=1 to the URL, like this: https://test.wikipedia.org/w/index.php?title=Special%3AUndelete&fuzzy=1. Then search for the pages you're interested in. There should be more results than before, due to using ElasticSearch indexing (via the CirrusSearch extension).

We plan to enable this improved search by default on all wikis soon (around August 1, 2017). If you have any objections to this - please raise them with the Discovery team via email or on this announcement's discussion page. Like most Mediawiki configuration parameters, the functionality can be configured per wiki. Once the improved search becomes the default, you can still access the old mode using &fuzzy=0 in the URL, like this: https://test.wikipedia.org/w/index.php?title=Special%3AUndelete&fuzzy=0

Please note that since Special:Undelete is an admin-only feature, this search capability is also only accessible to wiki admins.

Շնորհակալություն CKoerner (WMF) (talk) 18:39, 25 Հուլիսի 2017 (UTC)

Ծանոթագրություններ և վերջակետ

Քննարկումը տեղափոխվել է Խորհրդարան:--Arsog (1985) 01:24, 8 Օգոստոսի 2017 (UTC)

Հարգելի ակտիվ համայնք, հարց եմ բարձրացում ծանոթագրությունների և վերջակետի դիրքերի մասին: Մի 2 տարի առաջ բանավոր քննարկումների ժամանակ ընդունվել էր բանավոր որոշում, որի համաձայն ծանոթագրությունները պետք է դրվեն վերջակետից առաջ, եթե միայն մի նախադասության է վերաբերվում: Իսկ եթե վերաբերվում է ողջ պարբերությանը, ապա պետք է դրվի վերջակետից հետո: Կուզենայի այս հարցը քննարկվեր և վերանար տարակարծրությունը: Nimeru23 (քննարկում) 16:55, 30 Հուլիսի 2017 (UTC)

Զուտ գիտական տեսանկյունից երբեք չեմ հանդիպել նման միտք, որ ծանոթագրությունների՝ վերջակետի հանդեպ ունեցած դիրքից կարող է որոշվել դրանց պատկանելությունը: Վիքիտեսանկյունից ես միշտ առաջնորդվել եմ գիտականության սկզբունքով, քանի որ սա հանրագիտարան է: Կտրականապես Դեմ եմ, որ ինչ-որ բան փոխվի այս ոլորտում: Ու փորձենք հիմա էլ սա վիճարկման թեմա դարձնել ու 15-16 տարեկանին (կամ ավելի վատ՝ 9-15 տարեկանին) բացատրենք, որ ուշադիր լինի, թե ծանոթագրությունն ուր է դնում: Այսպես մենք կվանենք մեր խմբագիրներին: Ամեն ինչ պարզության մեջ ավելի լավ է: --Arsog (1985) 18:07, 30 Հուլիսի 2017 (UTC)

 Կարևոր է՝ Սա էլ խորհրդարանի քննարկումը:--Arsog (1985) 18:12, 30 Հուլիսի 2017 (UTC)

Ժողովուրդ ջան, ձեր թույլատվությամբ քննարկումը տեղափոխում եմ խորհրդարան, որովհետև այս խնդիրը ադմինների հետ առնչվում է այնքան, ինչքան մնացած մասնակիցների հետ։ Բացի դա, ավելի շատ մասնակիցներ կտեսնեն և կարծիք կհայտնեն։--ԱշոտՏՆՂ (քննարկում) 19:08, 30 Հուլիսի 2017 (UTC)

Բարի երեկո։ Կողմ եմ ցանկացած պարագայում ծանոթագրությունը կետադրական նշաններից առաջ դնելուն։ --@ջեօ 19:33, 30 Հուլիսի 2017 (UTC)

գիտեիք որ բաժին

ողջույն հարգելի ադմինիստրատորներ, ո՞նց եք, ձեռքս կոտրել եմ ու ժամանակս շատ սուղ է դարձել, չեմ կարողանում աշխատել, գլխավոր էջի գիտեիք որ բաժինը մոտ 2 ամիս չեմ կարողանա այսպես ասած «տիրություն անել»: --ERJANIK (քննարկում) 05:43, 28 Օգոստոսի 2017 (UTC)

Ոչ ազատ պատկերներ

Ադմիններ ջան, բարև ձեզ։ Նախատեսնում եմ մաքրել Վիճելի կարգավիճակով ջնջման պատկերների կատեգորիան։ Ունենք պատկերներ, որոնք ամիսներով կամ տարիներով այսպես էլ մնում են։ Իմ համոզմամբ՝ ավելի լավ է ազատվել այդ պատկերներից, քան երկար ժամանակ վիճել դրանց՝ այստեղ մնալու շուրջ։ Եթե դեմ եք, խնդրում եմ այստեղ շարադրել։ --@ջեօ (քնն․) 13:09, 31 Օգոստոսի 2017 (UTC)

Կողմ եմ ջնջելուն, քանի որ բավականին ժամանակ կար կաղապարը լրացնելու:--Սամվել^{քննարկում} 16:34, 1 Սեպտեմբերի 2017 (UTC)

Ես էլ եմ կողմ ջնջելուն։ --Լիլիթ (քննարկում) 18:42, 1 Սեպտեմբերի 2017 (UTC)

Կողմ եմ, այս կատեգորիան կարծես ճիտին պարտքը լինի, որ քարշ ենք տալիս: --Arsog (1985) 22:51, 1 Սեպտեմբերի 2017 (UTC)

պատկերի անվանափոխում

պատկեր:Mamikon Manukyan.jpg -> պատկեր:Մամիկոն Մանուկյան.jpg

-Սահակ (քննարկում) 03:20, 10 Սեպտեմբերի 2017 (UTC)

Արված է --Լիլիթ (քննարկում) 05:30, 10 Սեպտեմբերի 2017 (UTC)

պատկեր:Arshak Harutyunyan.jpg -> պատկեր:Արշակ Հարությունյան.jpg

-Սահակ (քննարկում) 17:46, 10 Սեպտեմբերի 2017 (UTC)

Արված է: 23artashes (քննարկում) 18:36, 10 Սեպտեմբերի 2017 (UTC)

պատկեր:Սերիկ Շեկոյան .jpg -> պատկեր:Սերիկ Շեկոյան.jpg

-Սահակ (քննարկում) 02:50, 11 Սեպտեմբերի 2017 (UTC)

Արված է: --23artashes (քննարկում) 06:09, 11 Սեպտեմբերի 2017 (UTC)

պատկեր:Խաչատուր Ավետիսյան.JPG -> պատկեր:Խաչատուր Ավետիսյան.jpg

-Սահակ (քննարկում) 00:17, 12 Սեպտեմբերի 2017 (UTC)

Նկարը ջնջեցի, քանի որ Վիքիպահեստում կար ազատ տարբերակը։--Լիլիթ (քննարկում) 03:28, 12 Սեպտեմբերի 2017 (UTC)

պատկեր:Sergey Davidyan.jpg -> պատկեր:Սերգեյ Դավիդյան.jpg

-Սահակ (քննարկում) 01:22, 14 Սեպտեմբերի 2017 (UTC)

Արված է։ --@ջեօ (քնն․) 06:44, 14 Սեպտեմբերի 2017 (UTC)

պատկեր:Սամվել Մկրտչյան 1.jpg -> պատկեր:Սամվել Մկրտչյան.jpg

-Սահակ (քննարկում) 15:09, 17 Սեպտեմբերի 2017 (UTC)

Արված է --Լիլիթ (քննարկում) 15:48, 17 Սեպտեմբերի 2017 (UTC)

պատկեր:Vahram Aristakesyan.jpg -> պատկեր:Վահրամ Արիստակեսյան.jpg

-Սահակ (քննարկում) 03:03, 18 Սեպտեմբերի 2017 (UTC)

Արված է։ --@ջեօ (քնն․) 04:30, 18 Սեպտեմբերի 2017 (UTC)

պատկեր:Henrik Alaverdyan.jpg -> պատկեր:Հենրիկ Ալավերդյան.jpg

-Սահակ (քննարկում) 03:00, 22 Սեպտեմբերի 2017 (UTC)

Արված է --@ջեօ (քնն․) 04:31, 22 Սեպտեմբերի 2017 (UTC)

պատկեր:Lusya Hovhannisyan.jpg -> պատկեր:Լյուսյա Հովհաննիսյան.jpg

-Սահակ (քննարկում) 02:17, 23 Սեպտեմբերի 2017 (UTC)

պատկեր:Henrik Malyan.jpg -> պատկեր:Հենրիկ Մալյան.jpg

-Սահակ (քննարկում) 13:13, 24 Սեպտեմբերի 2017 (UTC)

Արված է --23artashes (քննարկում) 18:38, 24 Սեպտեմբերի 2017 (UTC)

պատկեր:Hobelyanakan hachakhord.jpg -> պատկեր:Հոբելյանական հաճախորդ.jpg

պատկեր:Vazgen amirbekyan.jpg -> պատկեր:Վազգեն Ամիրբեկյան.jpg

-Սահակ (քննարկում) 17:59, 30 Սեպտեմբերի 2017 (UTC)

պատկեր:Armen Martirosyan 1.jpg -> պատկեր:Արմեն Մարտիրոսյան.jpg

-Սահակ (քննարկում) 14:42, 5 Նոյեմբերի 2017 (UTC)

Մասնակից:Manana85

Հարգելի ադմինիստրատորներ, խնդրում եմ ծրագրային հնարավորության դեպքում ստուգել Manana85, Մառա Ջինա, Syuniq մասնակցային հաշիվների (և ոչ միայն) օգտագործման համադրելիությունը, այսինքն՝ արդյո՞ք նշված հաշիվները նույն անձին են պատկանում, թե՞ ոչ: Հաշվի առեք նաև հետևյալ IP հասցեն՝ 46.162.193.242: Խնդրանքիս նպատակն այն է, որ վերջ դրվի այդ հաշիվների կողմից Արծվիկ Մինասյան հոդվածում վանդալության տարրեր պարունակող գործողություններին: Բացի այդ, եթե պարզվի, որ այդ հաշիվները մեկ անձի են պատկանում, ապա դա Հայերեն Վիքիպեդիայի կանոնների խախտում է (մեկից ավելի հաշիվներ ունենալու մասին օրենք): Շնորհակալություն: --Գարդմանահայ (քննարկում) 13:36, 23 Հոկտեմբերի 2017 (UTC)

37.157.223.66

Ողջո՜ւյն։ Խնդրում եմ երկար ժամկետով արգելափակել այս IP֊ն՝ 37.157.223.66։ Սա էլ ներդրումները։--Ավետիսյան91 (քննարկում) 20:35, 16 Նոյեմբերի 2017 (UTC)

GeoO-ն արգելափակել էր 1 օրով, ես երկարացրի ժամկետը, քանի որ մասնակիցը նախկինում կրկին վանդալության համար արգելափակվել էր 1 և 3 օրերով։ --Լիլիթ (քննարկում) 14:22, 17 Նոյեմբերի 2017 (UTC)

Ողջույն։ Խնդրում եմ սա էլ արգելափակել՝ 46.71.251.188 ։ ներդրումը։--Ավետիսյան91 (քննարկում) 13:28, 21 Նոյեմբերի 2017 (UTC)

Արված է։ --@ջեօ (քնն․) 13:30, 21 Նոյեմբերի 2017 (UTC)

Մասնակից Որոտ

Հարգելի ակտիվ համայնք ուզում եմ ուշադրություն դարձնեք Որոտի քննարկումներին : --Nimeru23 (քննարկում) 14:05, 17 Նոյեմբերի 2017 (UTC)

EcoLab

Հարգելի ադմիններ, խնդրում եմ ուշադրություն դարձնել EcoLab մասնակցի ներդրումներին ([2]): Բացի այն, որ անունը չի համապատասխանում վիքիկանոններին, դրան գումարած՝ նկարների վրա կազմակերպության նշանն է, որը գովազդ է պարունակում: Շնորհակալություն --Հայկ (արաբագետ) 10:15, 18 Նոյեմբերի 2017 (UTC)

Շնորհակալություն նկատելու համար։ Մանսակցային հաշիվն արգելափակված է, հոդվածներն էլ բերվել են նախկին տարբերակներին։ --@ջեօ (քնն․) 10:59, 18 Նոյեմբերի 2017 (UTC)

ջեօ, կարծում եմ արագ ջնջման պետք է պիտակենք ԷկօԼաբի հոդվածները՝ արդեն վերևում ասած սկզբունքով: Դրանք հիմա քննարկվում են ՋԵՀ էջում, բայց երևի դրա կարիքը չկա: Ի՞նչ կասես --Հայկ (արաբագետ) 20:10, 20 Նոյեմբերի 2017 (UTC)

Հայկ, ի՞նչ պատճառաբանությամբ ես առաջարկում ջնջել հոդվածը։ --@ջեօ (քնն․) 05:59, 21 Նոյեմբերի 2017 (UTC)

Նույն տրամաբանությամբ, որովհետև դրանք նույնպես ստեղծվել են՝ չհամապատասխանելով հոդված գրելու օրենքներին, լցվել իրենց կազմակերպության նկարներով՝ իրենց գովազդն անելու համար --Հայկ (արաբագետ) 18:59, 21 Նոյեմբերի 2017 (UTC)

Ստուգեցի, ոչ մի տեղից պատճենած չէր։ Ջրանիշ պարունակող պատկերները դուրս բերեցի հոդվածներից, այս երկու օրն էլ հոդվածները կջնջվեն։ --@ջեօ (քնն․) 06:19, 22 Նոյեմբերի 2017 (UTC)

‎Hajoxutyun

Հարգելի ադմիններ, խնդրում եմ ուշադրություն դարձնել այս մասնակցին Մասնակից:‎Hajoxutyun: Ջնջում է էջերի պարունակությունը:--Armen (քննարկում) 08:23, 19 Նոյեմբերի 2017 (UTC)

Շատ շնորհակալ եմ ծանուցման համար, Armen ջան։ Արգելափակեցի մեկ շաբաթով։ --@ջեօ (քնն․) 08:26, 19 Նոյեմբերի 2017 (UTC)

պատկերի անվանափոխում

պատկեր:Азимова Азиза.jpg -> պատկեր:Ազիզա Ազիմովա.jpg

-Սահակ (քննարկում) 00:09, 11 Դեկտեմբերի 2017 (UTC)

Արված է--Սիգմա (քննարկում) 00:14, 11 Դեկտեմբերի 2017 (UTC)

պատկեր:Ашот Арузманян.jpg -> պատկեր:Աշոտ Արզումանյան.jpg

-Սահակ (քննարկում) 01:22, 11 Դեկտեմբերի 2017 (UTC)

Արված է--23artashes (քննարկում) 05:24, 11 Դեկտեմբերի 2017 (UTC)

պատկեր:Эрнест Мартиросян.jpg -> պատկեր:Էռնեստ Մարտիրոսյան.jpg

-Սահակ (քննարկում) 04:23, 12 Դեկտեմբերի 2017 (UTC)

Արված է--23artashes (քննարկում) 05:23, 12 Դեկտեմբերի 2017 (UTC)

պատկեր:Эразм Карамян.jpg -> պատկեր:Էրազմ Քարամյան.jpg

-Սահակ (քննարկում) 21:26, 16 Դեկտեմբերի 2017 (UTC)

Արված է--Սիգմա (քննարկում) 22:07, 16 Դեկտեմբերի 2017 (UTC)

պատկեր:Шахбазян Гайк Хачатурович.JPG -> պատկեր:Հայկ Շահբազյան.jpg

-Սահակ (քննարկում) 02:51, 18 Դեկտեմբերի 2017 (UTC)

Արված է--23artashes (քննարկում) 06:15, 18 Դեկտեմբերի 2017 (UTC)

Voskanian

Հարգելի վիքիհամայնք, ստացվում է այնպես, որ մեկ մասնակից քեզ վիրավորում և պիտակավորում է և դրա համար պատիժ չի կրում, և այդ ամենը տեսնելով մեկ այլ մասնակից կարծում է, թե նորմալ է այդ անձին այլատյացության մեջ մեղադրել և պիտակավորելը: Պարզվում է, որ ավելի ճիշտ է միանգամից պաշտպանվել, քան աչք փակել, երբ քեզ վիրավորում են: Ադմինիստրատորներին խնդրում եմ մեր կանոնակարգին համապատասխան որակավորում տալ Voskanyan-ի այս գրառման («Պանդուխտ մասնակիցը մշտապես ընդգծում է իր վերաբերմունքը որոշակի ազգի նկատմամբ»...):--Pandukht (քննարկում) 11:00, 11 Դեկտեմբերի 2017 (UTC)

Ողջույն բոլորին: Հարկ եմ համարում այստեղ մի քանի կարևոր միտք արտահայտել, որոնք բխում են Պանդուխտի՝ ոչ միայն այս գրառմանը, այլև այն հանգամանքներին, որի արդյունքնում ստացվեց սա: Նախ՝ մեկ մասնակից քեզ վիրավորում և պիտակավորում է և դրա համար պատիժ չի կրում արտահայտությունը հստակորեն վերաբերում է ինձ, ու դրանում ոչ մի տարակուսանք չկա, շատ պարզ կարելի է կարդալ այստեղ: Մի քանի բառով կարող եմ կարճ ասել՝ մասնակիցը Ռուսաստանին ծաղրաբար անվանել էր «Հյուսիսի մեծ եղբայր», «ԽՍՀՄ-հայրենիքը» փաթաթել էին մեր վզին, Խորհրդային քարոզչությունն ամեն ինչ արեց, որ ստրկացրած (այստեղ՝ հայերը) այդ ժողովուրդները չմտածեն էլ ազգային պետություն ունենալու մասին, Գերմանիան էր և Ռուսաստանը պատերազմի են քշել իրենց կողմից ստրկացրած ժողովուրդների և շատ այլ վիրավորանքներ՝ ուղղված մեր ազգային ինքնությանը և մեղադրելով մեզ, որ իր պես չենք մտածում: Դրան ես պատասխանում եմ՝ ես պետք է շատ լուրջ իմ վրա աշխատեմ, որպեսզի քո այստեղի գրածները՝ ուղղված հայ ժողովրդին, ու քո պահվածքը, որ հազիվ եմ զսպում ինձ վիքիէթիկետ չխախտելու ու քեզ պատասխանելու համար, աշխատեմ մոռանալ: Որևէ վիրավորական բառ չկար իմ գրածի մեջ՝ ուղղված իր անձը, իսկ իր պատասխանը նախորդի կրկնությունն էր, որի համար ստացավ ինձանից արդեն իսկական պատասխան: Դրան նա պատասխանեց այսպես՝ Ութ օր է անցել և քո վիրավորանքների համար քեզ ոչ պաշտոնապես զգուշացրել են, ոչ էլ արգելափակել են: Քո նշած «ավելի կայացած համայնքներում» դու արդեն վաղուց առնվազն երկարաժամկետ արգելափակված կլինեիր այսքանի համար: Ուղղակի ասացի տեղեկացնեմ քեզ, թե չէ կարող է տեղյակ չես, թե ինչպես են «տնից դուրս» վայրերում՝ այլ վիքիներում վարվում նման դեպքերում: Հավելեմ, որ այս քննարկումը Պանդուխտը բացել էր ջեօյի խնդրանքով. նախ՝ նմանատիպ այլ անվանափոխումների համար նա չէր բացել քննարկումներ, և երկրորդ, հոդվածն անվանափոխելով՝ Պանդուխտն անվանափոխել էր նաև բազմաթիվ կատեգորիաներ՝ կապված սրա հետ:

Նշեմ, որ սա միակ դեպքը չէր, երբ մասնակիցն ինքն իր կամքով անվանափոխել էր բազմաթիվ հոդվածներ՝ ադմին դառնալուց հետո (գերմանա-խորհրդային պատերազմ, երրորդ հոսքի ներգաղթ, Հայաստանի պատմություն, և մի քանի այլ՝ գլոբալ հարցեր, սրանք դեռ միայն իմ հսկացանկից): Մեզնից յուրաքանչյուրը կարող է նայել ու տեսնել, որ այստեղ Պանդուխտը 2010-2011 թվականին արել է իր հիմնական գործունեությունը՝ գրելով հարյուրավոր (հիմնականում 4-5 տողանոց հոդվածներ), որն այն ժամանակ մեզ համար մեծագույն սխրանք դիտվեց և բոլորս հարգեցինք իրեն: Սակայն 2013-2016 թվականներին (4 տարվա ընթացքում) Պանդուխտը խմբագրել է այնքան, ինչքան միայն 2017 թվականին խմբագրել է կատեգորիաներ: Իսկ ի՞նչ կատեգորիաների մասին է խոսքը. այ դրանք օրինակներով բերել էր Voskanyan մասնակիցը Խորհրդարանի քննարկման էջում, թեև ժամանակից շեղվելով: Հազարավոր այդպիսի անօգուտ խմբագրումներ, որոնք զուտ մի կատեգորիայից մյուսի տեղափոխումն էին՝ ջնջելով հինը, ինչ տարիներ շարունակ եղել էր Հայերեն Վիքիպեդիայում: Բերեմ մեկ օրինակ. Կատեգորիա:20-րդ_դարում_կառուցումն_ավարտված_մշակութային_ենթակառուցվածքներ, չկար ի սկզբանե կառուցումն ավարտված բառը. ուրեմն՝ նախկին տարբերակը, որը պատմություն է ունեցել, խմբագրվել է, Պանդուխտը ջնջել է, ու փոխարենը դրել նոր անուն՝ առանց բառ անգամ քննարկելու: Եթե մտնեք այդ կատեգորիան, այնտեղ կտեսնեք այլ ենթակատեգորիաներ, որոնք էլ ունեն իրենց ճյուղերը կամ մայր կատեգորիաները, մի ամբողջ համակարգ: Դրանք վերաբերում էին հարյուրներով հասնող հոդվածների, որտեղ դրանք այլևս ոչ ոք չի ուղղի ու կմնա այսպես, քանի որ դա անհնար է վերականգնելը այլևս: Դա այն դեպքում, երբ վաղուց ասվել էր, որ մասշտաբային փոփոխություններ անելիս պետք է գրել Խորհրդարանում ու քննարկել ընդհանուր. դա չէր վերաբերում միայն մեկ հոդվածի մասին:

Եվ երրորդ, որ Ռուսաստանում ապրելու և հակառուսական լինելու իմ եզրակացությունները, որ գրել եմ այդ էջում, և արվել են նաև այլ տեղերում, բխում են հենց իր էջում գրելուց, որը տարիներ շարունակ այդ տեսքն ուներ, իսկ հիմա ջնջված է՝ դարձյալ ադմին դառնալուց հետո: Եթե այդ մասով ես էթիկետ եմ խախտել՝ ապա ես մեղավոր եմ, բայց ես պարտավոր չէի անընդհատ նայել իր էջը՝ ստուգելու համար, թե ինչ է ավելացրել կամ պակասեցրել: Հակառուսական դրոշն ու Մոսկվայի զինանշանը՝ որպես մոսկվացի, վստահաբար եղել են իր էջում: Ենթադրում եմ, որ այդ հակառուսականության մասով Voskanyan-ի գրածը խորհրդարանում նույնպես սրա արգասիքն էր, և արդարացի չեմ համարում, որ իր քննարկման էջում Սամվելը զգուշացում էր տվել: Ես իմ կողմից խոստանում եմ, որ նմանատիպ վերաբերմունք շարունակելու դեպքում ես ինքս կբացեմ Պանդուխտի՝ ադմինության դրոշակից զրկելու հայտ, բերելով այս ու այլ փաստեր, որոնք ամենաթողության արդյունք են՝ ուղղված մեր ու մեր խմբագրումների դեմ: Նույնիսկ եթե ոչ ոք կողմ չարտահայտվի, սա Պանդուխտի համար կդիտվի որպես լուրջ զգուշացում, և նա արդեն կհասկանա, որ Հայերեն Վիքիպեդիան հանրագիտարան է, ոչ թե փորձադաշտ, որտեղ կարող է անել իր ուզած փոփոխությունները --Հայկ (արաբագետ) 19:38, 12 Դեկտեմբերի 2017 (UTC)

Հարգելի Հայկ ջան, Վիքիպեդիայում չի կարելի անձնական վիրավորանք հասցնել այլ խմբագրողների, անգամ եթե վիրավորելու համար կան լուրջ փաստարկներ կամ առիթներ: Ինձ որպես ադմինի իրավունք է վերապահված զգուշացնելու կամ արգելափակելու այն անձանց, ովքեր կվիրավորեն այլ խմբագրողների, անկախ նրանց խմբագրումների քանակից և որակից:--Սամվել^{քննարկում} 06:07, 13 Դեկտեմբերի 2017 (UTC)

Ողջույն բոլորին: Հայկ ջան բայց ի՞նչն է հետևյալ արտահայտությունների մեջ վիրավորականը՝ «Հյուսիսի մեծ եղբայր», «ԽՍՀՄ-հայրենիքը» փաթաթել էին մեր վզին, Խորհրդային քարոզչությունն ամեն ինչ արեց, որ ստրկացրած այդ ժողովուրդները չմտածեն էլ ազգային պետություն ունենալու մասին, Գերմանիան էր և Ռուսաստանը պատերազմի են քշել իրենց կողմից ստրկացրած ժողովուրդների: «Հյուսիսի մեծ եղբայր» արտահայտությունը Պանդուխտը չի հնարել, և այն լայնորեն կիրառվել ու կիրառվում է ինչպես հայկական հասարակական, այնպես էլ քաղաքական միջավայրում: Այն որքանով որ տեղյակ եմ առաջին անգամ հենց ռուսներն են շրջանառության մեջ դրել, որ մենք հայերի մեծ եղբայրն ենք: Իսկ արդեն մերօրյա իրականության պայմաններում, որոշակի հանգամանքների հետևանքով այն ինչ-որ չափով վերածվել է քննադատական արտահայտության: Չեմ կարծում, թե այստեղ մենք՝ հայ հասարակությունը, պետք է վիրավորվի: «ԽՍՀՄ-հայրենիքը փաթաթել էին մեր վզին...» արտահայտությունը եթե դիվանագիտական տերմինաբանությամբ ներկայացնենք, ապա կստացվի այսպես՝ «11-րդ Կարմիր բանակը բռնազավթեց Հայաստանի Հանրապետությունը և այնտեղ հաստատեց խորհրդային կարգեր»: «Գերմանիան և Ռուսաստանը պատերազմի են քշել իրենց կողմից ստրկացրած ժողովուրդների» արտահայտությունը եթե ներկայացնենք քաղաքական տերմինաբանությամբ, ապա կստացվի հետևյալ կերպ՝ «Նացիստական Գերմանիան և ԽՍՀՄ-ն իրենց կողմից բռնազավթված տարածքների ժողովուրդների ֆիզիկական և նյութական ներուժն օգտագործեցին պատերազմում հաղթելու համար»: Պանդուխտի վերը նշված ասածներից ո՞րն է սխալ կամ սուտ: --Գարդմանահայ (քննարկում) 13:36, 13 Դեկտեմբերի 2017 (UTC)

Հայկ ջան, մի հարց տամ էլի: Ի՞նչ կապ ունի, թե վիքիմասնակիցներից ով որ երկրին կամ ազգին է ատում կամ պաշտում: Եթե ինչ-որ բանի ատող կամ սիրող մասնակիցը հոդվածում արտահայտել է իր այդ զգացողությունները, ապա դա այլ հարց է, իսկ եթե ոչ, ապա յուրաքանչյուրն էլ իրավունք ունի իր էջում և այլ քննարկումներում կոռեկտության սահմաններում գրի, որ ինքը չի սիրում օրինակ X պետությունը կամ սիրում ու պաշտում է Y ժողովրդին:--Գարդմանահայ (քննարկում) 13:45, 13 Դեկտեմբերի 2017 (UTC)

Իհարկե ողջունելի է, որ մասնակիցներն ավելի ակտիվ լինեն վիքիպեդիայում, սակայն ակտիվությունը յուրաքանչյուրի որոշելու շրջանակներում է, այնպես որ չեմ կարծում, թե տեղին է որևէ մեկին մեղադրել որոշակի պասիվության մեջ , եթե նա ինքը չի իր պասիվությունը ներկայացնում որպես ակտիվություն:--Գարդմանահայ (քննարկում) 13:47, 13 Դեկտեմբերի 2017 (UTC)

Վերջին ժամանակներում նկատել եմ, որ ռուսական թեմատիկայի շուրջ ձևավորվում և ընթանում է հակամարտություն, որին մասնակցում են ոչ թե 1,2,3 այլ ավելի շատ մասնակիցներ: Կոչ եմ անում այդ հակամարտությունը չդարձնել փոխադարձ վիրավորանքների կամ քարոզչական հարթակի, այլ առողջ բանավեճի միջոց, որի շնորհիվ կզարգանան ձեր կողմից «սիրելի» կամ «ատելի» ռուսական թեմատիկայի հոդվածները: --Գարդմանահայ (քննարկում) 13:36, 13 Դեկտեմբերի 2017 (UTC)

Սամվել ջան, հարցը խմբագրումների քանակի մեջ չէր, այլ նրա, որ մարդուն ասելը իր ռուսասիրության կամ ռուսատյացության մասին՝ էթիկետի խախտում չէ, առավել ևս երբ դա անտեղի չէ, այլ բխում է կոնկրետ փաստերից: Դա ուղղակի փաստի ամրագրում է: Գարդմանահայ ջան, ոչ ոք իրավունք չունի հանրագիտարանում հայերին անվանի ստրկացված ժողովուրդ՝ սեփական կարծիքն առաջ տանելու համար: Դա վիրավորանք է ամբողջ ազգի, առնվազն 2-3 սերնդի, ում մի ստվար հատված կռվել է այդ պատերազմում, ու ում ժառանգները այստեղ նստած խմբագրում են: Եթե Գերմանիան բռնազավթել էր տարածքներ ու դրանց բնակչությունը իր ցանկությամբ չէ, որ կռվում էր, ապա Հայկական ԽՍՀ բնակչության մի մաս էլ կռվում էր հենց մեր սահմանների մոտ, կանգնած սպասելով հրահանգի՝ Կարսն ու այլ քաղաքները մտնելու համար: Այստեղ հարցը դրա մեջ չէ, այլ ընդհանուր վիրավորանքի, քանի որ հարյուրավոր մարդիկ կարդում են մեր խմբագրումները, ու վստահորեն տեսնում, թե ինչ կարծիք ունեն խմբագիրները մեր ազգի մասին: Խմբագիրը, ով հայրենասիրական միտումներով դրդված է մտել ՀՎ, իրավունք չունի հայրենիքի մասին այդպես արտահայտվելու: Սա արդեն ոչ թե անձնական, այլ ազգային վիրավորանք է, ու ես դա կոպիտ խախտում եմ համարում: Իսկ պասիվության պահը ես այստեղ նշել եմ միանգամայն այլ բան ցույց տալու համար, որը և արել եմ--Հայկ (արաբագետ) 13:51, 13 Դեկտեմբերի 2017 (UTC)

Հանրագիտարանում բոլորն էլ կարող են իրենց կարծիքը/տեսակետը հայտնել, եթե իհարկե դա վիքիէթիկետի խախտում չէ։ Պանդուխտի կողմից արված վերոնշյալ արտահայտություններն այնպիսի բան չեն, որի համար արգելափակում են, ու թե խմբագիրներն ինչ կարծիք ունեն այս կամ այն ազգի մասին կամ թե ով ինչի համար է խմբագրում ու ինչքան է խմբագրում, պետք է ընդհանրապես կապ չունենա մեզ համար։ Գարդմանահայն արդեն վերևում շատ ճիշտ մանրամասնեց թույլատրելիի և ոչ թույլատրելիի սահմանը։ Վերջին շրջանում ծավալված մի քանի քննարկումներից այնպիսի տպավորություն է, որ Հայկ, դու ինչ-որ անձնական խնդիր ունես Պանդուխտի հետ, որը տեղափոխվել է Վիքիպեդիա։ Դա իմ զգացողությունն է, միգուցե սխալվում եմ։ Համենայն դեպս, կխնդրեի քեզ, եթե այդպիսի բան կա, ապա անձնական հարցերը լուծել վիքիից դուրս, քանի որ նման մթնոլորտը խաթարում է Վիքիպեդիայի բնականոն ընթացքը։ Ոսկանյան մասնակցին էլ կխնդրեի մասնակիցների հետ ավելի մեղմ խոսել, քանի որ այդպես քննարկումները դեպի կառուցողական դաշտ չեն գնում։ Ես ինքս համակարծիք չեմ Պանդուխտ մասնակցի որոշ տեսակետների հետ ու աշխատում եմ դրանք հայտնել կոնկրետ քննարկումներում՝ առանց ընդհանրացնելու բոլոր քննարկումներում մասնակցի ասածները։ Սամվելը մի քննարկման մեջ շատ ճիշտ նշեց՝ չպետք է մոռանալ, որ սա Հայերեն Վիքիպեդիան է և ոչ թե Հայկական։ Այնպես որ կխնդրեի խմբագիրներին քննարկումներում չշեղվել թեմայից և խոսել բուն քննարկվող նյութերից։--Լիլիթ (քննարկում) 17:14, 13 Դեկտեմբերի 2017 (UTC)

Պարզ է, բայց թույլ տուր չհամաձայնվել քո այն մտքի հետ, որ անձնական խնդիր կա Պանդուխտի հետ, ու ուզում եմ լուծել այս հարթակում: Ամեն ինչ սկսեց հենց իր անվանափոխումներից, որոնք նկատեցի բոլորովին վերջերս, երբ նորից սկսեցի խմբագրել: Երևի դու էլ ուրախ չէիր լինի, երբ տեսնեիր, որ հոդվածները անվանափոխվում են առանց քննարկման, կամ կատեգորիաները ձևավորվում են՝ առանց հները ու դրանց պատմությունը պահպանելու: Ես հիանալի հասկանում եմ, որ իմ գրածները նախևառաջ սուբյեկտիվորեն են ընկալվում, որպես վեճեր հրահրող մասնակից, և հետո միայն՝ հնարավոր է, օբյեկտիվորեն, որ կարող է պատահել՝ իսկապես լուրջ խնդրի մասին է խոսքը գնում: Եթե, դիցուք՝ ես, մասսայաբար փոփոխություններ եմ անում, նախ՝ դրա մասին հարցնում եմ, եթե չեմ հարցնում, ապա ինձ հուշում են դրա մասին, ու ես դադարում եմ դա անել՝ մինչև համաձայնության գալը, իսկ եթե սխալ եմ լինում՝ վերականգնում եմ նախկինը: Պանդուխտի պարագայում միանգամայն այլ պատկեր է, ու ոչ ոք ոչինչ չի ասում այդ կապակցությամբ, եթե չհաշվենք այն միակ դեպքը (հնարավոր է, ես միայն դա եմ նկատել): Բոլոր գործողությունները արվում են միայն իր ցանկությամբ՝ առանց հաշվի նստելու որևէ մեկի հետ: Եվ այստեղ ցավալին այն է, որ խմբագիր եղած ժամանակ նա չէր կարող ջնջել նախկին խմբագրումները, որովհետև դրա հնարավորությունը միայն ադմինն ունի, իսկ հիմա անում է: Ինչ վերաբերում է իր ակտիվությանը, դա ինձ առհասարակ չի անհանգստացնում, ասեմ ավելին՝ ես ինքս ակտիվ չէի այս տարի՝ ինչպես երևում է, ժամանակին մեկ օրում խմբագրում էի այնքան, ինչքան հիմա մեկ ամսում, այն էլ՝ նայած ամիս: Իր ակտիվությունը նշել եմ միայն մի բան ցույց տալու համար, որ այդ ակտիվությունը կատեգորիաների ու անվանափոխումների տեսքով է: Ու այսքանից հետո, ցավալին այն է, որ իմ ասածները միևնույնն է, ընդունվելու են սուբյեկտիվորեն, Պանդուխտին չի զգուշացվելու, որ նման քայլեր այլևս չանի: Այս պայմաններում ինձ մնում է ուղղակի խոստանալ՝ որևէ քննարկման չմասնակցել, որովհետև արդյունքն ակնհայտ է: Ես ոչ միայն այստեղ, այլև ջնջման, անվանափոխման, խորհրդարանի ու այլ էջերում ոչ մի գրառում չեմ կատարի: Եվ դա հիասթափություն է, հետևանք այն բանի, ինչ ես վերևում նշեցի: --Հայկ (արաբագետ) 17:50, 13 Դեկտեմբերի 2017 (UTC)

Հարգելի ադմիններ և մյուս մասնակիցներ, ցանկանում եմ Հայկի մտահոգությունները կիսել։ Որպես նախաբան նշեմ, որ չնայած Հայկի հետ ժամանակին մի շարք հարցերում «առճակատվել ենք», սակայն տարբեր հարթակներում քննարկումների և «վեճերի» արդյունքում հասել ենք կառուցողական եզրահանգումների, քանի որ նախ՝ անձնական մակարդակը երբեք չի շոշափվել, երկրորդը՝ վերլուծել ենք ներկայացված աղբյուրները, երրորդը՝ փորձել ենք հարցը ըմբռնել և կշռադատել զրուցակցի տեսակետից։ Եթե զուտ վիքի-խմբագրման, համակարգման, պրոֆեսիոնալ ներկայացման տեսակետից վերցնենք, ապա Հայկն անկասկած տոպ-10 խմբագիրներից է հայերեն վիքիում։ Եվ չնայած այս տարվա ընթացքում իմ ցածր ակտիվությանը՝ ես ականատես եմ եղել Պանդուխտի կողմից մի շարք չհամակարգված, չհիմնավորված և ոչ անկողմնակալ փոփոխությունների, որոնք ուղեկցվում են քննարկումների ժամանակ այլ մասնակիցների տեսակետներին անձնական գնահատականներ տալով և մյուսների գնահատականներում վիքի էթիկետի խախտումներ փնտրելով։ Կխնդրեի մեր ադմիններին պատասխանել. ինչու՞ ենք մենք ստիպված ակնկալել մյուս ադմինների միջամտությունը քննարկումների ժամանակ, որպեսզի ավելորդ լարվածություն չստեղծվի՝ հաշվի առնելով մեկ այլ, լավ իմաստով, «արբիտորի» ներկայության փաստը։ — Vahe ^քնն. 18:07, 15 Դեկտեմբերի 2017 (UTC)