Վիվիան Միդեմա

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Վիվիան Միդեմա
հոլ.՝ Anna Margaretha Marina Astrid Miedema
Vivianne Miedema BL FCB gg. SGS Essen Muenchen-1 (cropped).jpg
Քաղաքացիությունը Flag of the Netherlands.svg Նիդերլանդների Թագավորություն
Ծննդյան ամսաթիվ հուլիսի 15, 1996(1996-07-15)[1] (23 տարեկան)
Ծննդավայր Հոխեվեյն, Դրենթե, Նիդերլանդներ, Նիդերլանդների Թագավորություն
Հասակ 175 սանտիմետր[2]
Քաշ 62 կիլոգրամ

Աննա Մարգարիտա Մարինա Աստրիդ «Վիվիան» Միդեմա (հոլ.՝ Anna Margaretha Marina Astrid Miedema[3], հուլիսի 15, 1996(1996-07-15)[1], Հոխեվեյն, Դրենթե, Նիդերլանդներ, Նիդերլանդների Թագավորություն), հոլանդացի ֆուտբոլիստ, լոնդոնյան «Արսենալի» հարձակվող:

Կարիերա[խմբագրել | խմբագրել կոդը]

Առաջին անգամ խաղացել է «Հերենվենի» հիմնական կազմում 15 տարեկանում՝ դառնալով ամենաերիտասարդ ֆուտբոլիստը Նիդերլանդների առաջնության պատմության մեջ[4]: 2013/14 մրցաշրջանում դարձել է ԲեՆե Լիգայի լավագույն ռմբարկու՝ խփելով 39 գնդակ[5]: 2014 թվականի հունիսին պայմանագիր է կնքել մյունխենյան «Բավարիայի» հետ[6]: 2014/15 մրցաշրջանում պարբերաբար հանդես է եկել ակումբի հիմնական կազմում՝ մրցաշրջանն անցկացնելով առանց պարտության և 1976 թվականից ի վեր առաջին անգամ նվաճելով չեմպիոնական տիտղոսը[7]: 2017 թվականի մայիսին պայմանագիր է կնքել լոնդոնյան «Արսենալի» հետ[8]:

Հավաքականի կազմում[խմբագրել | խմբագրել կոդը]

2013 թվականի սեպտեմբերին նա առաջին անգամ հանդես է եկել Նիդերլանդների հավաքականի կազմում Ալբանիայի դեմ խաղում[9]: 2014 թվականին դարձել է մինչև 19 տարեկան աղջիկների Եվրոպայի առաջնության լավագույն խաղացող և ռմբարկու[10]: 2015 թվականի Աշխարհի առաջնության ընտրական մրցաշարում խփել է 16 գնդակ[11]՝ դառնալով մրցաշարի լավագույն ռմբարկու՝ ընդգրկվելով Նիդերլանդների հավաքականի կազմում[12]:

2017 թվականի Եվրոպայի առաջնությունում խփել է չորս գնդակ, այդ թվում երկուսը եզրափակիչում Դանիայի դարպասը[13]: Ֆրանսիայում հունիսին կայացած 2019 թվականի աշխարհի առաջնության Նիդերլանդների և Կամերունի հավաքականների միջև կայացած խաղի 41-րդ և 85-րդ րոպեներին Վիվիաննը երկու գոլ է խփել և օգնել իր թիմին հաղթելու 3:1 հաշվով: Քառորդ եզրափակիչում Իտալիայի հավաքականին խփած նրա գոլը հնարավորություն տվել թիմին հաղթելու 2:0 հաշվով և դուրս գալու կիսաեզրափակիչ:

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Բավարիա

  • Գերմանիայի չեմպիոն, 2014/15, 2015/16

Հավաքականի կազմում[խմբագրել | խմբագրել կոդը]

Նիդերլանդներ

  • Եվրոպայի մինչև 19 տարեկանների առաջնության հաղթող, 2014
  • Եվրոպայի առաջնության հաղթող, 2017

Անձնական կյանք[խմբագրել | խմբագրել կոդը]

Մանուկ հասակում երկրպագում էր «Ֆեյենոորդին» և ձգտում էր ընդօրինակել Ռոբին Վան Պերսիի խաղաոճը: «Բավարիայում» հանդես գալու ժամանակ ձգտում էր նմանվել Արյեն Ռոբբենին[11]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]