Վերա Վեյցման

Վիքիպեդիայից՝ ազատ հանրագիտարանից
Jump to navigation Jump to search
Վերա Վեյցման
Vera Weizmann portrait 1929-30.jpeg
Ծնվել էնոյեմբերի 27, 1881(1881-11-27)
ԾննդավայրՌոստով, Յարոսլավլի նահանգ, Ռուսական կայսրություն
Մահացել էսեպտեմբերի 24, 1966(1966-09-24) (84 տարեկանում)
Մահվան վայրԼոնդոն, Միացյալ Թագավորություն
ՔաղաքացիությունՌուսական կայսրություն
Flag of Israel.svg Իսրայել
ԿրթությունԺնևի համալսարան
Մասնագիտությունբժիշկ և ակտիվիստ
ԱմուսինԽաիմ Վեյցման
Զբաղեցրած պաշտոններԻսրայելի առաջին տիկին
Vera Weizmann Վիքիպահեստում

Վերա Վեյցման (ծննդյան անունը` Շացման, նոյեմբերի 27, 1881(1881-11-27), Ռոստով, Յարոսլավլի նահանգ, Ռուսական կայսրություն - սեպտեմբերի 24, 1966(1966-09-24), Լոնդոն, Միացյալ Թագավորություն), բժիշկ և սիոնիստական շարժման գործիչ, Իսրայելի առաջին նախագահ Խայիմ Վեյցմանի կինը:

Կենսագրություն[խմբագրել | խմբագրել կոդը]

Վերան ծնվել է Ռոստովում, Իսայի և Ֆեոդոսիա Շացմանների ընտանիքում: Բժշկական կրթություն է ստացել Ժնևի համալսարանում: Ժնևում, համալսարանի սիոնիստական ակումբում, ծանոթանում է Խայիմ Վեյցմանի հետ և ամուսնանում նրա հետ 1906 թվականին, հարսանիքը տեղի է ունենում Սոպոտում (այդ ժամանակ` Գերմանական կայսրության տարածք), որից հետո Վեյցմանի ընտանիքը շուրջ երեսուն տարի բնակվում է Մանչեստերում (Մեծ Բրիտանիա):

Խայիմը և Վերան ունեցան երկու որդի Բինյամինը (1907) և Միքայելը (1916): 1913 թվականին Վերան ստանում է բժշկական արտոնագիր և աշխատում որպես մանկաբույժ[1]:

1920 թվականին Վերա Վեյցմանը հանդես է գալիս որպես Կանանց միջազգային սիոնիստական կազմակերպության (WIZO) հիմնադիրներից մեկը և շուրջ 40 տարի այնտեղ զբաղեցնում ղեկավար պաշտոններ: Երկրորդ համաշխարհային պատերազմի սկսվելուց հետո Վերա Վեյցմանը Մեծ Բրիտանիայում ստեղծեց երիտասարդական ալիայի բաժին և հետագայում ղեկավարեց այն Իսրայելում, որպես պատվավոր նախագահ: Վերայի և Խայիմի կրտսեր որդին` Միքայելը, Երկրորդ համաշխարհային պատերազմի ժամանակ ծառայում էր բրիտանական ՌՕՈւ-ում որպես օդաչու և զոհվել է, երբ նրա ինքնաթիռը խփվել է Բիսկայան ծոցում[1]:

Իսրայելի անկախության համար մղվող պատերազմի ժամանակ Վերա Վեյցմանը զբաղվում էր վիրավորների բուժմամբ և վերականգնմամբ, իսկ պատերազմի ավարտից հետո հիմնեց և ղեկավարեց անկախության պատերազմի հաշմանդամների ասոցիացիա: Նա ստեղծեց վիրավորների վերականգնողական երկու կենտրոն, Բեյթ-Քեյը Նագարիայում և Խաիմ Շիբայի անվան բժշկական կենտրոնի վերականգնողական բաժանմունքը, ինչպես նաև աջակցություն էր ցուցաբերում Մագեն Դավիդ Ադոմին և տասնյակ բարեգործական կազմակերպությունների: Որպես առաջին տիկին` նա մասնակցել է Վեյցմանի տան ներքին հարդարման աշխատանքների նախագծմանը և Վեյցմանի ինստիտուտի համալիրի մեջ մտնող տան նախագծմանը, որտեղ բնակվում էին ամուսինները: Ամուսնու մահից հետո ակտիվ մասնակցություն է ունեցել Խայիմ Վեյցմանի արխիվի ստեղծման աշխատանքներին[2]:

Ծանոթագրություններ[խմբագրել | խմբագրել կոդը]

  1. 1,0 1,1 Jewish Women Encyclopedia, Vera Weizmann
  2. David R. Wahl. Planning The New Library: The Wix Library Of The Weizmann Institute Of Science(անգլ.) // Special Libraries. — Special Libraries Association, 1959. — Т. 50. — № 3. — С. 123-131. Архивировано из первоисточника 22 Դեկտեմբերի 2005.

Գրականություն[խմբագրել | խմբագրել կոդը]

  • The impossible takes longer: the memoirs of Vera Weizmann, wife of Israel’s first President, as told to David Tutaev. London, 1967. in Google Books

Արտաքին հղումներ[խմբագրել | խմբագրել կոդը]