Վարձով փեսացուն (վեպ)
Վարձով փեսացուն անգլ.՝ Something Borrowed | |
|---|---|
.jpg) | |
| Հեղինակ | Էմիլի Գիֆին |
| Տեսակ | գրավոր աշխատություն |
| Ժանր | մելոդրամա, Չիկլիտ, սիրավեպ և comic novel? |
| Բնօրինակ լեզու | անգլերեն |
| Երկիր |  ԱՄՆ |
| Հրատարակիչ | St. Martin's Press? |
| Հրատարակման տարեթիվ | մարտի 10, 2005 |
«Վարձով փեսացուն» (անգլ.՝ Something Borrowed, բառացի՝ «Պարտք վերցվածը»), ամերիկացի կին գրող Էմիլի Գիֆինի վեպը, որը լույս է տեսել 2005 թվականին։ Վեպը դարձել է միջազգային բեսթսելլեր և ընդգրկվել «Նյու Յորք Թայմսի» բեսթսելլերների ցանկում։ 2001 թվականին դուրս է եկել համանուն ֆիլմը, որը նկարահանել է նկարահանումների ընթացքին հետևած դերասանուհի Հիլարի Սուենկի ընկերությունը։
Սյուժե[խմբագրել | խմբագրել կոդը]
Գիրքը գրված է գլխավոր հերոսուհու՝ երիտասարդ կին Ռեյչել Ուայթի անունից, որն իր 30-ամյակի կապակցությամբ երեկույթից հետո գիշերն անցկացնում է իր լավագույն ընկերուհի Դարսիի փեսացուի՝ Դեքսի հետ։ Գրքում Ռեյչելը ներկայացված է առաքինի աղջկա տեսքով, որը ոչ մի դեպքում նման արարք չի կատարել սովորական իրավիճակում[1]։ Սակայն շուտով մի գիշեր վերածվում է գաղտնի սիրավեպի, իսկ Ռեյչելը փորձում է հասկանալ, թե ինչն է նրա համար ավելի կարևոր՝ իսկական ընկերությո՞ւնը, թե՞ իսկական սերը[2]։
Քննադատություն[խմբագրել | խմբագրել կոդը]
Այս վեպն ուղղված է կարծրատիպերի և սոցիալական պիտակավորման դեմ, որն ստեղծում է ժամանակակից միայնակ երիտասարդ կնոջ բացասական կերպար։ 30-ամյա հերոսուհին ապրում է հասարակական կարծիքի ճնշման ներքո, որը նրան մղում է պարտադիր ամուսնության։
|
Սա բավականին իրատեսական պատկեր է այն բանի, ինչին պետք է բախվի երիտասարդ կինը մեր օրերում։ - [3]
|
|
Ճանաչում[խմբագրել | խմբագրել կոդը]
Վեպը, ինչպես նաև Էմիլի Գիֆինի մյուս երկու ստեղծագործությունները, դարձել է միջազգային բեսթսելլեր և արժանացել քննադատների ու ընթերցողների գնահատանքին՝ հայտնվելով այնպիսի հեղինակավոր ցուցակներում, ինչպիսիք են «New York Times Best Seller»-ը և «USA Today's Top 150»-ը։
Շարունակություն[խմբագրել | խմբագրել կոդը]
Սիքվելը հրատարակվել է 2006 թվականին և կոչվում է «Տխրությունը քեզ համար չէ» (անգլ.՝ Something Blue, բառացի՝ «Ինչ-որ կապույտ»)։ Վեպում պատմվածքը գրված է Դարսի Ռոնի անունից։ Նա քաղում է առավելագույն օգուտ նրանից, որ երիտասարդ է և գեղեցիկ։ Նա չէր մտածում կանոնների, կարմայի մասին, բայց ամեն ինչ փոխվում է, երբ իր լավագույն ընկերուհին՝ Ռեյչելը, նրա ձեռքից խլում է իր փեսացու Դեքսին։ Այժմ Դարսին միայնակ է և հղի։ Ուշքի գալու համար նա գնում է Լոնդոն՝ իր մանկության ընկերոջ՝ Էթանի մոտ, սակայն աղջիկը հասկանում է, որ Անգլիայում Նոր աշխարհի կանոնները չեն գործում, և որ այստեղ պետք է այլ կերպ վերաբերվել կյանքին։
Էկրանավորման ենթագրերից հետո կա Դարսիի (Քեյթ Հադսոն) և Իթանի (Ջոն Կրասինսկի) հանդիպման տեսարանը։ Հավանաբար, դա ակնարկ է հնարավոր շարունակության մասին, սակայն ոչ մի տեղեկություն չկա այն մասին, որ երկրորդ վեպի հիման վրա ֆիլմ կնկարահանեն Հադսոնի և Կրասինսկիի մասնակցությամբ։
Էկրանավորում[խմբագրել | խմբագրել կոդը]
Հիլարի Սուենկը և Մոլի Սմիթը գիրքը գնելու իրավունք են ձեռք բերել։ Նախագծի համատեղ մշակմամբ զբաղվել են «Warner Bros.», «Entertainment Film Distributors», «Summit Entertainment», «(International) Alcon Entertainment», «2S Films» և «Wild Ocean Films» ընկերությունները[4]։
Ֆիլմը բեմադրել է ռեժիսոր Լյուք Գրինֆիլդը։ Ջինիֆեր Գուդվինը խաղացել է Ռեյչելի դերը[5]։ Նրա լավագույն ընկերուհու՝ Դարսիի դերը բաժին է ընկել Քեյթ Հադսոնին[6]։ Ջոն Կրասինսկին մարմնավորել է վեպում և նրա շարունակության մեջ հայտնված Իթանին՝ Ռեյչելի ընկերոջը։ Քոլին Իգգլսֆիլդը մարմնավորել է Դեքսի կերպարը[7], իսկ Սթիվ Հոուին խաղացել է Մարկուսի՝ Դեքսի լավագույն ընկերոջ դերը[8]։ Պրեմիերան կայացել է 2011 թվականի մայիսի 6-ին։
Ծանոթագրություններ[խմբագրել | խմբագրել կոդը]
- ↑ Macmillan: «Something Borrowed» Արխիվացված 2011-08-11 Wayback Machine
- ↑ Reading Group Guides: «Something Borrowed»
- ↑ Book Reporter: «Review: Something Borrowed»
- ↑ Dave McNary. «Swank really 'Something': Actress nabs rights to Emily Giffin book». Variety. Retrieved 2008-08-26.
- ↑ "Ginnifer Goodwin to Star in 'Something Borrowed'" Արխիվացված 2012-10-03 Wayback Machine. ComingSoon.net. Retrieved 2011-03-04.
- ↑ "'Something Borrowed' Movie Completes Casting With Kate Hudson As Darcy". MTV.com. Retrieved 2011-03-04.
- ↑ "'Melrose Place's' Colin Egglesfield Is 'Borrowed'" Արխիվացված 2010-03-28 Wayback Machine. Retrieved 2011-03-04.
- ↑ "'Back-Up Plan' Opens And A New Cast Member Joins 'Something Borrowed' In Today's Tweet Dreams". MTV.com. Retrieved 2011-03-04.