Վարազդատ Կազանջյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Վարազդատ Կազանջյան
Վարազդատ Կազանջյան.jpg
Ծնվել էմարտի 18, 1879(1879-03-18)[1]
ԾննդավայրԵրզնկա, Էրզրումի վիլայեթ, Օսմանյան կայսրություն
Մահացել էհոկտեմբերի 19, 1974(1974-10-19)[1] (95 տարեկան)
Մահվան վայրԲելմոնտ, Միդլսեքս շրջան, Մասաչուսեթս, ԱՄՆ
ՔաղաքացիությունԱմերիկայի Միացյալ Նահանգներ ԱՄՆ
Ազգությունհայ
ԿրթությունՀարվարդի համալսարան
Մասնագիտությունբժիշկ
ԿոչումՊրոֆեսոր
ԱշխատավայրՀարվարդի համալսարան
ՊարգևներՍուրբ Միքաելի և Սուրբ Քևորգի շքանշանի ասպետ

Վարազդատ Հովհաննեսի Կազանջյան[2] (Վարազդատ Յովհաննէս Քազանճեան, մարտի 18, 1879(1879-03-18)[1], Երզնկա, Էրզրումի վիլայեթ, Օսմանյան կայսրություն - հոկտեմբերի 19, 1974(1974-10-19)[1], Բելմոնտ, Միդլսեքս շրջան, Մասաչուսեթս, ԱՄՆ), հայազգի վիրաբույժ։ «Պլաստիկ վիրաբուժության հայր»։ Հարվարդի համալսարանի պլաստիկ վիրաբուժության առաջին պրոֆեսոր։

Կենսագրություն[խմբագրել | խմբագրել կոդը]

Վարազդատ Կազանջյանը ծնվել է Երզնկայում 1879 թվականին[3]։ 1879 թվականին հաճախել է Սվասի ֆրանսիական Հիսուսի միաբանություն դպրոց, այնուհետև տեղափոխվել է Սամսուն, որտեղ աշխատել է եղբոր հետ միասին, այնուհետ աշխատել է փոստային ծառայությունում[4]։ Փախչելով Համիդյան ջարդերից[5]՝ 1895 թվականի հոկտեմբերին մեկնել է ԱՄՆ, հաստատվել Մասաչուսետս նահանգի Վուսթեր քաղաքում և աշխատել մետաղալարի գործարանում[3]։

1900 թվականին, ստանալով ԱՄՆ քաղաքացիություն, Կազանջյանը 1902-1905 թվականներին սովորել է Հարվարդի համալսարանում[6][7], 1921 թվականին արժանացել դոկտորի աստիճանի։ 1915-1919 թվականներին եղել է Հարվարդի համալսարանի բժշկական բաժնի ծնոտների և դեմքի գլխավոր վիրաբույժ։

Առաջին համաշխարհային պատերազմի ժամանակ կամավոր միացել է Հարվարդի բժշկական զորքերին[6]։ Այստեղ նա բուժել է խրամատներում տուժածների վատ վնաստածքներ՝ ծնոտ, քիթ, այտեր, փամփուշտներից ու նռնակներից վնասված գանգեր[3]։ Աշխատելով Ֆրանսիայի ռազմադաշտերի ինքնաշեն հիվանդանոցների հասարակ պայմաններում՝ Կազանջյանը ցուցաբերում է մարդկային հոգատարություն և նորարարական բժշկական ընթացակարգեր, և սկսվել է նրա կարիերան՝ որպես պլաստիկ վիրաբուժության ժամանակակից պրակտիկայի հիմնադիր։ 1916 թվականին Կազանջյանն ստացել է մայորի կոչում[7]։

Մրցանակներ, պարգևներ[խմբագրել | խմբագրել կոդը]

Արժանացել է տարբեր մրցանակների, այդ թվում Անգլիայի Գևորգ V-ի կողմից Սուրբ Միքայել և Սուրբ Գևորգ շքանշանի[3], 1951 թվականին արժանացել է Պլաստիկ և վերականգնողական վիրաբուժության ամերիկյան ընկերակցության պատվավոր մրցանակի[6]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque interuniversitaire de Santé — 2011.
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  3. 3,0 3,1 3,2 3,3 Adalian Rouben Paul (2010)։ Historical dictionary of Armenia (2nd ed.)։ Lanham, MD: Scarecrow Press։ էջ 378։ ISBN 0810874504 
  4. «Kazanjian, Varaztad Hovhannes»։ Harvard University Library։ Center for the History of Medicine։ սեպտեմբերի 15, 2007։ Արխիվացված է օրիգինալից 2016-03-04-ին։ Վերցված է 2016-02-07 
  5. «Varaztad Kazanjian, Founding Father of Modern Plastic Surgery»։ 100 LIVES։ Արխիվացված է օրիգինալից 2016-01-22-ին։ Վերցված է 2016-02-07 
  6. 6,0 6,1 6,2 Converse John Marquis (April 1975)։ «Obiturary»։ Plastic & Reconstructive Surgery 55 (4): 524–5 
  7. 7,0 7,1 Hyson John M., Whitehorne Joseph W. A., Greenwood John T. (2008)։ A history of dentistry in the US Army to World War II։ Falls Church, Va.: Office of the Surgeon General, United States Army։ էջ 494։ ISBN 0160821592 

Արտաքին հղումներ[խմբագրել | խմբագրել կոդը]