Վալերի Չկալովի հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Վալերի Չկալովի հուշարձան
The St. George Tower.jpg
Վալերի Չկալովի հուշարձանը
Կոորդինատներ56°19′43″ հս․ լ. 44°00′39″ ավ. ե.HGЯO
Գտնվում էՌուսաստան Նիժնի Նովգորոդ
Կառուցվել է1940
Շինության ձևըԼաբրադորիտե հուշարձան
Կառուցել էԻսահակ Մենդլևիչ
Իվան Տարանով
Վիկտոր Անդրեև
Ներկա վիճակըկանգուն

Վալերի Չկալովի հուշարձան (ռուս.՝ Памятник Валерию Чкалову), Նիժնի Նովգորոդի տեսարժան վայրերից մեկը: Գտնվում է Նիժնի Նովգորոդի Կրեմլի Սուրբ Գեորգիի աշտարակի մոտ, կառուցվել է խորհրդային օդաչու Վալերի Չկալովի պատվին, որը Հյուսիսային բևեռով անվայրէջք թռիչք է կատարել ԽՍՀՄ-ից ԱՄՆ (Մոսկվա-Հյուսիսային բևեռ-Վանկուվեր): Հուշարձանից դեպի Վոլգա գետ սանդուղք է իջնում, որը հայտնի է որպես «Չկալովի աստիճաններ»:

Պատմություն[խմբագրել | խմբագրել կոդը]

Վալերի Չկալովի ժամանակակից հուշարձանի տեղում 17-րդ դարի սկզբին հիմնադրվել է Պրոիսխոժդենսկի կանանց վանական համալիրը, որն այժմ կոչվում է Կրիստովոզդվիժենսկի և ներկայիս վայր է տեղափոխվել 1815 թվականին` Լյադովի հրապարակի մոտ: Վանքի ավերված կառույցները պահպանվել են մինչև 1840 թվականը, երբ Կրեմլի հարակից տարածքներում բոլոր շենքերը քանդվում էին և պատերի շրջակայքում ստեղծվում հանգստի գոտիներ, զբոսայգիներ:

Լեգենդար օդաչուի հուշարձանը բացվել է 1940 թվականի դեկտեմբերի 15-ին, նրա մահվան երկրորդ տարելիցի օրը[1]: Հուշարձանի հեղինակն է Չկալովի ընկերը՝ Իսահակ Մենդելևիչը, որոնց հետ միասին նրանք այս տեղն ընտրել էին Մաքսիմ Գորկու հուշարձանի համար: Այս աշխատանքի համար Մենդելևիչը պարգևատրվել է Ստալինյան մրցանակով: Հուշարձանի ճարտարապետներն են Իվան Տարանովը և Վիկտոր Անդրեևը:

Հուշարձանի պատվանդանի մակերեսին ուրվագծված է Հյուսիսային կիսագնդի քարտեզը հերոսական անձնակազմի չվերթով՝ Չկալով-Բայդուկով-Բելյակով՝ դեպի Հեռավոր Արևելք և Հյուսիսային բևեռից դեպի Ամերիկա: Պատվանդանը երեսապատված է լաբրադորիտով[2]:

Վալերի Չկալովի հուշարձան: 2014-ի հուլիս

Պատվանդանին գրված են օդաչուի ծննդյան և մահվան ամսաթվերը՝ «Վալերի Չկալովին, մեր ժամանակի մեծ օդաչուին» մակագրությամբ:

Ծանոթագրություններ[խմբագրել | խմբագրել կոդը]

  1. «Памятник Валерию Чкалову»։ progulyaemsya.ru։ Վերցված է 2018-03-26 
  2. loginov_lip (2015-12-14)։ «Памятник Валерию Чкалову в Нижнем Новгороде на Волжской набережной»։ Логинов Алексей։ Վերցված է 2018-03-26