Վաիլ Գոնիմ

Վիքիպեդիայից՝ ազատ հանրագիտարանից
Վաիլ Գոնիմ
արաբ․՝ وائل غنيم سعيد غنيم‎‎
Դիմանկար
Ծնվել էդեկտեմբերի 23, 1980(1980-12-23) (43 տարեկան)
ԾննդավայրԿահիրե, Եգիպտոս
Քաղաքացիություն Եգիպտոս
Մայրենի լեզուարաբերեն
ԿրթությունԿահիրեի համալսարան և Կահիրեի ամերիկյան համալսարան
Գիտական աստիճանMaster of Business Administration?
Մասնագիտությունհամակարգչային գիտնական և քաղաքական գործիչ
ԱշխատավայրTahrir Academy?, GV և Quora?
Պարգևներ և
մրցանակներ
 Wael Ghonim Վիքիպահեստում

Վաիլ Սաիգ Աբբաս Գոնիմ (արաբ․՝ وائل سعيد عباس غنيم‎‎, դեկտեմբերի 23, 1980(1980-12-23), Կահիրե, Եգիպտոս), ինտերնետային ակտիվիստ և համակարգչային ինժեներ։ 2010 թվականի հունվարից՝ Google ընկերության մարքետինգային տնօրենն է Մերձավոր Արևելքում և Հյուսիսային Աֆրիկայում[2]։ 2011 թվականին նա համաշխարհային ճանաչում է ձեռք բերել որպես Եգիպտական հեղափոխության ակտիվիստ[3]։

Կենսագրություն[խմբագրել | խմբագրել կոդը]

Վեյլ Գոնիմը ծնվել է 1980 թվականի դեկտեմբերի 23-ին Կահիրեում՝ միջին դասի ընտանիքում և մեծացել է Միացյալ Արաբական Էմիրություններում[4]։

Կրթություն[խմբագրել | խմբագրել կոդը]

2004 թվականին ավարտել է Կահիրեի համալսարանը՝ ստանալով համակարգչային ինժեներիայի բակալավրի աստիճան։ 2007 թվականին գերազանցությամբ ավարտել է Կահիրեի ամերիկյան համալսարանը՝ ստանալով մագիստրոսի աստիճան մարքեթինգի և ֆինանսների բնագավառում[5]։

Կարիերա[խմբագրել | խմբագրել կոդը]

2002-2005 թվականներին աշխատել է Gawab ընկերությունում, որը տրամադրում է էլեկտրոնային փոստի ծառայություն։ 2005-2008 թվականներին ղեկավարել է Mubasher.info պորտալի թիմը՝ աշխատելով կապիտալի շուկայի ոլորտում[6]։

2008 թվականի նոյեմբերից աշխատում է Google ընկերությունում։ Նախ Google Եգիպտոսում եղել է տարածաշրջանային մենեջեր ապրանքների և մարքեթինգի գծով Մերձավոր Արևելքում և Հյուսիսային Աֆրիկայում, իսկ 2010 թվականի հունվարից աշխատում է Դուբայի գրասենյակում որպես մարքետինգի գծով տնօրեն Մերձավոր Արևելքում և Հյուսիսային Աֆրիկայում։

Մասնակցություն 2011 թվականի Եգիպտական հեղափոխությանը[խմբագրել | խմբագրել կոդը]

2011 թվականի հունվարին Վաիլ Գոնիմը, որ աշխատում էր Google-ում, խնդրել է իրեն թույլ տալ վերադառնալ Եգիպտոս՝ որպես պատճառ նշելով «անձնական խնդիրը»[7]։ Գոնիմը եղել է Եգիպտոսում բողոքի ակցիաների համակարգման ֆեյսբուքյան էջի ադմինիստրատորը[8]։ Հունվարի 27-ին տեղի ունեցած անկարգությունների ընթացքում նա անհետացել է։ Նրա ընտանիքը լրատվամիջոցներին հայտնել է, որ նա անհայտ կորել է։ Google-ը նույնպես հայտարարություն է տարածել, որը հաստատում է նրա անհետացումը։ Բազմաթիվ բլոգերներ սկսել են արշավ` նրա գտնվելու վայրը որոշելու համար։ Փետրվարի 5-ին եգիպտացի ընդդիմադիր Մոստաֆա Ալնագարը հայտարարել է, որ Գոնիմը կենդանի է և ձերբակալված է իշխանությունների կողմից[9]։ Փետրվարի 6-ին Amnesty International-ը պահանջել է, որ եգիպտական իշխանությունները բացահայտեն Գոնիմի գտնվելու վայրը և ազատ արձակեն նրան[10]։

Գոնիմն ազատ էր արձակվել փետրվարի 7-ին՝ 11 օրվա ձերբակալությունից հետո։ Ազատ արձակվելուց հետո նրան դիմավորել են բարձրաձայն ճիչերով ու ծափահարություններով, երբ նա հայտարարել է․ «Մենք չենք հրաժարվի մեր պահանջներից, և սա ռեժիմի վերջն է»[11]։

Նույն օրը Գոնիմը ելույթ է ունեցել եգիպտական DreamTV ալիքով։ Հարցազրույցում նա կրկին կոչ է արել տապալել Մուբարաքի վարչակարգը[12]։

Փետրվարի 9-ին Գոնիմը դիմել է Թահրիր հրապարակում հավաքված մարդկանց՝ ասելով․ «Հիմա առանձին անհատների, կուսակցությունների կամ շարժումների ժամանակը չէ։ Հիմա ժամանակն է, որ բոլորս ասենք միայն մեկ բան՝ Եգիպտոսը ամենից կարևորն է»[13]։

Գիտնական Ֆուադ Աջամին հեղափոխության մասին գրել է․

Ամբոխը չէր հավաքվել այրոլլայի կողմից տուրբանում։ Սա 1979 թվականի Իրանը չէ։ Google-ի երիտասարդ ղեկավար աշխատակից Վաիլ Գոնիմն էներգիա տվեց այս բողոքի ակցիային այն ժամանակ, երբ այն կարող էր ենթարկվել այն համոզմանը, թե այդ ռեժիմը և նրա առաջնորդն անխորտակելի են[14]։

Անձնական կյանք[խմբագրել | խմբագրել կոդը]

Վահել Գոնիմն ամուսնացած է ամերիկուհի Իլկա Յոհանսոնի հետ[15][16]։ Նրանք ունեն երկու երեխա՝ Իսրան և Ադամը[17][18]։

Ծանոթագրություններ[խմբագրել | խմբագրել կոդը]

  1. https://www.jfklibrary.org/events-and-awards/profile-in-courage-award/award-recipients/wael-ghonim-and-the-people-of-egypt-2011
  2. "Wael Ghonim, Google's Marketing Head Reportedly Missing In Egypt". The News Ny (in անգլերեն). 2011 թ․ փետրվարի 1. Արխիվացված է the original 2011 թ․ հուլիսի 17-ին. Retrieved 2011 թ․ փետրվարի 20.
  3. Jon Swaine (2011 թ․ փետրվարի 11). "Egypt crisis: the young revolutionaries who sparked the protests". The Telegraph (in անգլերեն). Retrieved 2011 թ․ փետրվարի 20.
  4. "وائل غنيم". الأخبار (in արաբերեն). 2011 թ․ փետրվարի 4. Retrieved 2011 թ․ փետրվարի 20.
  5. "Wael Ghonim" (in անգլերեն). LinkedIn. Արխիվացված է the original 2012 թ․ հուլիսի 14-ին. Retrieved 2011 թ․ փետրվարի 20.
  6. "وائل غنيم قائد ثورة الشباب الذي تحول الى لغز". العرب اليوم (in արաբերեն). 2011 թ․ փետրվարի 4. Արխիվացված է the original 2011 թ․ փետրվարի 7-ին. Retrieved 2011 թ․ փետրվարի 20.
  7. "Profile: Egypt's Wael Ghonim". BBC News (in անգլերեն). 2011 թ․ փետրվարի 9. Retrieved 2011 թ․ փետրվարի 20.
  8. Mike Giglio (2011 թ․ փետրվարի 13). "The Facebook Freedom Fighter". Newsweek (in անգլերեն). Retrieved 2011 թ․ փետրվարի 20.
  9. "Confirmation?? Rt @fustat: Mostafa Alnagar: Wael @Ghonim is alive & detained. We have promises that he will be released within hours". The Huffington Post (in անգլերեն). 2011 թ․ փետրվարի 5. Retrieved 2011 թ․ փետրվարի 20.
  10. "Fears for Google employee in Egypt" (in անգլերեն). Amnesty International. 2011-02-06. Արխիվացված է the original 2012 թ․ մայիսի 25-ին. Retrieved 2011 թ․ փետրվարի 20. {{cite news}}: Unknown parameter |deadlink= ignored (|url-status= suggested) (help)
  11. Theodore May (2011-02-06). "Regime won't halt, but rallies must, Egypt's VP says". USA Today (in անգլերեն). Retrieved 2011 թ․ փետրվարի 20.
  12. John King (2011 թ․ փետրվարի 9). "Ghonim: 'I'm ready to die'" (in անգլերեն). CNN. Արխիվացված է the original 2011 թ․ փետրվարի 13-ին. Retrieved 2011 թ․ փետրվարի 20. {{cite news}}: Unknown parameter |dead-url= ignored (|url-status= suggested) (help)
  13. "Wael Ghonim addresses thousands in Tahrir Square (video)" (in անգլերեն). The Guardian. 2011 թ․ փետրվարի 9. Retrieved 2011 թ․ փետրվարի 20.
  14. Fouad Ajami (2011 թ․ փետրվարի 12). "Egypt's 'Heroes With No Names'". WSJ (in անգլերեն). Retrieved 2011 թ․ փետրվարի 20.
  15. Laura Collins (2011 թ․ փետրվարի 12). "Wael Ghonim: the voice of a generation". TheNational.
  16. Ghonim, Wael. Twitter, 12 Feb 2011. Web. 15 August 2011 https://twitter.com/Ghonim/status/36118972063690752
  17. Alexia Tsotsis (2011 թ․ փետրվարի 7). "Wael Ghonim's First Interview After Jail Release". Techcrunch.com. Retrieved 2011 թ․ հուլիսի 8.
  18. "وائل غنيم - المعرفة" (in արաբերեն). Marefa.org. 2011 թ․ փետրվարի 1. Արխիվացված է the original 2012 թ․ հուլիսի 14-ին. Retrieved 2011 թ․ փետրվարի 8.