Սևուկ կարմրատուտ

Վիքիպեդիայից՝ ազատ հանրագիտարանից
Jump to navigation Jump to search
Սևուկ կարմրատուտ
Hausrotschwanz Brutpflege 2006-05-21-05.jpg
Գիտական դասակարգում
Տիպ Քորդավորներ
Դաս Թռչուններ
Կարգ Ճնճղուկանմաններ
Ընտանիք Ճանճորսներ
Ցեղ Կարմրատուտներ
Լատիներեն անվանում
Phoenicurus ochruros
Հատուկ պահպանություն
Արեալ

  Տարածվածություն

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում




Սևուկ կարմրատուտ (լատ.՝ Phoenicurus ochruros), Ճանճորսների ընտանիքի, կարմրատուտների ցեղի թռչուն։ Նստակյաց է, տարածված։

Արտաքին կառուցվածք[խմբագրել | խմբագրել կոդը]

Մարմնի երկարությունը 14,5 սմէ, թևերի բացվածքը՝ 23-26 սմ, կենդանի զանգվածը՝ 13-15 գ։ Փետրածածկը մուգ է, մարմնի հետին մասը և պոչի եզրային փետուրները՝ կարմիր-նարնջագույն։ Արուի կուրծքը, դիմային մասը, կոկորդը՝ սև են, թևին կա սպիտակ բիծ։ Էգը միատարր մոխրագույն-դարչնագույն է, մեջքի և կրծքի միջև ցայտերանգությունը բացակայում է։ Նստած ժամանակ պոչը դողդոջուն է։

Կենսակերպը[խմբագրել | խմբագրել կոդը]

Բնակվում է քարքարոտ լանջերին, քաղաքամերձ տարածքներում։ Սնվում է անողնաշարավորներով, պտուղներով։ Բնադրատեղերում առաջինը հայտնվում են արուները (մարտի 2-րդ տասնօրյակից), էգերը՝ 2-3 օր անց, և այդ պահից կազմվում են հարսանեկան զույգերը, սկսվում են բավական աշխույժ խաղերը։ Բույնը կառուցում է էգը՝ 7 օրվա ընթացքում։ Բույնը գավաթաձև է՝ բույսերից։

Բազմացումը և զարգացումը[խմբագրել | խմբագրել կոդը]

Բնադրում է պատերի կամ ժայռերի ճեղքերում, գետնին։ Առաջին ձվերը հայտնվում են ապրիլի 1-ին տասնօրյակից հունիսի կեսը։ Դնում է 19 մմ տրամագծով, սպիտակ կամ հազվադեպ բաց կապույտ 4-6 ձու։ Թխսակալում է էգը՝ 14-15 օր։ Ձագերը բնից հեռանում են կյանքի 16-19-րդ օրը։ Բներում ձվերի առկայության ընթացքում երբեմն նկատվում են զուգավորման դեպքեր։ Թռիչքին լավ տիրապետում են հուլիսից օգոստոսի վերջը։